قلت ابكتب شي .. اي شي
لو سطر يلامس شعورك
من نثر .. من شعر ..
من ضي باقي حروفك
واقفى الحكي من الحكي بصمت طاغي طيوفك
لاطاعني حرف ولاهمزٍ وقف
حيرتني .. ربكة سطورك..
اشعلتني..
تركت كل الحروف المبطية تعانق كفوفك
و قلت ابرسم.. لعل فـ احلامِك رسم..
بـ وجهك اللي من عرفته يبتسـم ..
مره يجيني طيف ومره يجيني غروب
ومره خيال .. لامعنى لا إسم..
ولحضات اتأملك تكبر مساحات الهروب
تآخذني طيوفك واكتب :
اني عجزت اتعلمك...
ماهي كلمة صدقي.. هي كل اللي قدرت اكتبه..
وباقي احساسي ماكتبته
انتظر لحظة اشوفك..
لحظة ايديني بيدينك رعشة قلم بكفوفك
فيها اتاملك واتعلمك
ولهفة اغمض عيوني بعيونك
واسالك ..
علميني كيف اكتب حروفك.. ما اخاف
بتجاوبي..
واهديك انا نبض بعروقك..
يمكن تخوني نفسك ولو مرة باعتراف
