بعض من عنايتي واتمنى تفيدكم من بنت صلاله

السلام عليكم ورحمة الله وبركاته

اولا ابغى اعتذر لكل البنات الكويتيات او السعوديات وكل بنات الخليج على كلام رذاذ صلاله الي ينرفز واتمنى ماتاخذون فكره سيئه عن الكل فهي ماتمثل الى نفسها وعلى راسنا كل بنات الخليج وكلنا خليج واحد ومابينا ان شااءالله الى المحبه والموده والسفيه جوابه السكوت والله يهديها على نفسيتها المريضه ..

ثانيا ابغى اقول الي تقول رحت صلاله والي شفتهم كلهم عبيد اقول جزاها الله خير وكلنا عبيد الله بس الي اعرفه السمر والبيض في كل مكان ومو معقول تحكموا على بلده كامله صحيح فينا الشين وفينا الزين وفينا البيض وفينا السمر وبكل دوله موجود هذا الشي والله العظيم مو كلنا سمر واكبر دليل المذيعات العمانيات الي تشوفوهم ومنهم ابتهال الزدجالي وشيماء الحمادي وعندكم سامية البلوشي وغيرهم .....

اعذروني على اطالتي في الكلام بس حبيت اوضحلكم الفكره الي ماخذينها والحمدلله على كل حال الواحد يحمد ربه على الصحه والعافيه اهم شي والجمال جمال الروح قبل كل شي الله يسعدكم جميعا

الحين باحطلكم بعض من عنايتي والي تستخدمها الكثير من بنات صلاله


اولا سمن غنم الكثير منكم مايصدق فيها .. بس انتوا جربوا واحكموا بانفسكم هي تشرب مع الحليب الساخن او عصير البرتقال او مع الماء الدافي وغرشه وحده ماتكفي يعني تقريبا العروس تشرب اكثر من غرشه حتى تحصل على البياض المطلوب ..

((مفعولها وطريقتها ))
الطريقه :نضع تقريبا ملعقه كبيره في حليب ساخن او عصير برتقال او ماء دافي
مفعولها :رهيب جدا توحد لون البشره وتبيض وتصفي الجسم وتنفع للحساسيه ايضا حتى علامة الحرق اذا فيك واستخدمتيها دهن عليها تروح او لاسمح الله احترقتي حرق بسيط حطيها ع طول فوق الحرق ماتعمل علامة الحرق سبحان الله والله يبعده عنا وعنكم في الدنيا والاخره يارب

ثانيا: عصير البرتقال مع ملعقة زيت زيتون جدا فضيع حتى لو ماتبي عصير طازج ينفع المراعي

وعصير التفاح ايضا اكيد الكل يعرف فوائده بس الي ماتبغى تسمن طبعا تبتعد عنه
بس اهم مشروب عندنا وهي السمن الغنم شي اساسي لدى عروس الظفارية

اما طريقة العناية من الخارج ..

الكثير يستخدم العديد من الخلطات والكريمات ان كان فيها كورتزون قوي او خفيف او اشياء طبيعيه
المهم انا باقول الي استخدمته واتمنى غيري يفيدونكم

اولا : قشرت بكريم بيور وايت للعلم انا بشرتي حنطاوية مائله للبياض :D وبعد ماحسيت بشرتي بتتقشر ارطبها بزيت رهيب او العروسه مع جنين القمح اخليه اكثر من ساعتين ع حسب رغبتك روعه للبشره نضاره وتفتيح واستخدم مع التقشير خلطة لوحده تبيعها ف صلاله بس ماعرف شنو مكوناتها والله ولكان فدتكم بس اهم شي التقشير واستخدمي اي خلطه تعجبك ..

وبعد ماخلصت من مرحلة التقشير وحسيت بالتفتيح بديت استخدم خلطة بياض الثلج اكيد الكل يعرفها .. وداومت عليها تقريبا شهر ومفعولها روعه

واستخدم ايضا خلطه صابونيه وهي عباره عن .. 2 صابون كركم + 1صابون بابايا+ 1 صابون اغادير المغربي + 1 صابون فير اند وايت الي كرتونه برتقالي + 2صابون الجلوتاثيون اي نوع انتي تبغيه + 1 صابون بيلو belo الوردي + تقريبا 3 ملاعق عشبة داد + قليل من دم الغزال+ ملعقة نيله + نشاء +سنفرة مشمش اي نوع تبغيه او سنفرة بابايا.. فضيعه الخلطه


والحمدلله النتيجه كانت مرضيه جدا
وبس هذا الي عندي حاليا اتمنى اكون فدتكم واسفه على الاطاله اعذروني واي سؤال انا حاضره واي شي عرفته راح اكتبه لكم بإذن الله ..

الله يحفظكم يارب ويسعدكم ويعطيكم كل الي تبونه يارب

تحياتي لكم جميعا :eh_s(7):