قصيده لفيصل حمد (اعتذار)

[align=center]السلام عليكم ورحمة الله

يشرفني ان اكون احد اعضاء غرابيل وحقيقه غربلني بحبه هالمنتدى وصراحه تنوع في اطروحاته وابداع الاعضااء وخاصة الادارة المتكامله وقدم لهم احر التهاني على هذا النجاح


ويسعدني اني اشارك بقصيده وهي اول قصيده اشراك فيها في غرابيل وطبعا قريت الشروط في قسم الشعر النبطي
وشفت نفسي ما عندي الاهليه اني احط قصيدتي اهناك فقلت احطها اهني عشان يتجاوب معاي اخواني الشعراء
بالنقد البناء الهادف واتركم مع القصيده


اعتذار





اكســــر على درب الهوى كـــل جبار
.......................... واكســر ظـــــهر منهو تفاخر بطيره

انـــا الهمام اللـي شــرب مــــر الابار
..........................عالي مقــــامي ولا عـــرف حد سيره

نخوة قبيله فزعتــــي جيــــش غـــرار
...........................ألبـــي اللـــي صابته كســـره عسيره

وانـــا ولـــد منهو تغــــــذى علــى ثار
.......................... ولانــــام غير بصـوت طلق الذخيره

مــــا هزنـــي صوت القنابل ولاقـــدار
...........................ولا بوح جرحي والجروح الشطيره

صوت الرصاص اليا رماني بالــذعار
......................... اهون على قلبـــــي من شوفج بحيره

محد قـــــــدر يكســر قليبي وينهار
.........................غير الــــدموع اللـــي اذرفتها غــزيره

يـــالايمي خلك علـــى الـدرب صبــار
.........................باجر يجي يومك وتـــذوق المـــريره

بشوف العيون الــــــي بها القلب ينثار
.........................تعذر فؤادي وان بكـــى حبـه وجيره

بنـــت علـــى انفاسها طيب وزهـــار
........................ تطوي جمال الكون طـــي الحصيره

ورموش عينن تنثر الــورد مـــــدرار
.........................ونظرة شجاع اليا رمتنـــي بمثيـــره

جسم علــى طــــوله تنزاح الاعـــذار
.........................تمشي وانا فيني كل شي(ن) تثيره

اكــــذب وانــــا شاعر وبالشعـر بحـــار
.......................ان كــان فــي وصفـــي اوفـــي مسيره

يا شعــــرها طولــه علـــى حد مقـــــدار
.......................تحـــت الخصــر وردافـــها تستـثـيره

براقت ثنايا مـــــذهله كـــــل الاقطـــــار
...................... .محـــد قـــدر يكسب رضهـا اديره

غيـــري وانـــــا فيصل محتــــال عيـــار
......................ماخـــذ عقلها وكــــل شـي فيها اميره


كتبتها بتاريخ
11/7/2006

[/align]

[align=center]
فيصل بن حمد
http://www.sfsaleh.com/vb/attachment...0&d=1150313192
صح لسانك أخوي

مصافحة أولى رائعة

وبيض الله وجهك

أتمنى أن تستمر بهذه الروائع

أشكرك
http://www.sfsaleh.com/vb/attachment...1&d=1150313192
[/align]

صح لسانك

لاهنت

تحياتي


همس

لاهنت اخوي على القصيده الرائعه جدا وننتظر جديدك

صح لساااانك ولاهنت

ننتظر هطولك القااااادم ،،


راحلة بسكاااااااات

اكســــر على درب الهوى كـــل جبار
.......................... واكســر ظـــــهر منهو تفاخر بطيره

انـــا الهمام اللـي شــرب مــــر الابار
..........................عالي مقــــامي ولا عـــرف حد سيره


الله الله

يافيصل

شاعر قادم بقوة

صح لسانك ملايين


أبدعت

لكن ليتك ركزت قليلا في الوزن

وانت شاعر متمكن بالتأكيد


لاخلا ولاعدم