ماكلّ وجهٍ يبتسم صدْق يشعر ..! (حضور أوّل )
بسم الله الرحمن الرحيم
مساءْ جميل ..وحضُور أوّل
سعيدة بكُم ..
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
راح الكثير وْمابقى غير الاْطهر = اللي على عسر المقادير مركاي ..!
ناسٍ معادنها معَ الوقت تظهر=ترخص لك الغالي ولا تحسب الجاي ..!
وناسٍ إلى من طحت ماهيب تجبر=بيّاعة هْروجٍ مع كلّ حكّاي ..!
وانا زماني فادنِي دون ماْ اْشعِر = يوم انْ ظروُفه عاكست ضحكة شْفاي ..!
هبّت هبُوب .. وطاحت قْلوب تضمر = زيف الغَلا ..ظنّيتها دوم ويّاي ..!
ماكلّ وجهٍ يبتسم صدق يشعر = كم انخدَعْت بنَاس تضحك علَىْ بْكَاي ..!
هُم يصغرُون بْسوئهُم وّلا اْنَاْ اْكبر = قطْع العَلاقة كنّها خلعَة حْذَاي ..!
حطّيت لكثار التجَاريب مجهر = وعرفت كمْ للطيب بايع وشرّاي ..!
واْنّ القليل انْ طَاب يغني عنَ اْكثر = اللي وجُوده معدَم الجُود والراي ..!
مافيه أجمل من معِي عُمْر يعبر = مثل الشجن مخلوُق في حنجرَة ناي ..!
لاخابت الهقوة .. ولا هان معشر = كم بالمواقف جُونيَ اْكثر منِ مْنَاي ..!
وش عَاد لو راح الردي؟! دربَه اْغبر = قدره الَى من زاد بْبيالةَ الشّاي ..!
انَا كسَبْت مْنَ اغْدر الوقْت [الاْطهَر]= عزّ الله إنّي حيل دسّمْت يمنَاي ..!
[/poem]
مايخُون الا اللي في قلبه هوان
ومن خفوقه حيّ مايعرف يخون ..!
من تولّى مانقص دُونه مكَان
واحدٍ يقفِي .. وعشرة يقبلُون ..!
