مجموعتي السوب قلوريه ، ريحه نظااافه وَ دلع عَ الاخر!

http://imageshack.us/a/img706/8855/23153843.jpg



السلام عليكم ورحمه الله وبركاته :eh_s(17):
اول موضوع لي بمنتدى كويتيات ويارب مايكون الاخير :)

اليوم حابه اتكلم عن ماركه سوب اند قلوري المتواجده بجميع افرع صيدليات بوتس :rerrerek:
هذي الماركه اسميها ماركه الدلع لكل بنوته تحب تدلع نفسها :ggdw:

- أول شي ببدا فيه السكربز أو المقشرات :
http://imageshack.us/a/img835/9468/24397279.jpg

من اليمين scrub your nose in it
هذا سكرب او مقشر للوجه او اقدر اقول منطقه التي زون "الجبهه+الذقن+الانف" وَ بنفس الوقت ماسك ، امانه خليت خشمي مانظفته فتره ابي اشوف فعاليه المنتج ، صح من زماان عندي هالسكرب واستخدمه من فتره للثانيه بس لان استخدم اشياء كثيره فمادري هو صدق ينفعني ولا! فقلت التجربه خير برهان ، احب المنتجات الي اقدر استفيد منها باكثر من شي وَ بنفس الوقت احس المنتجات المتعدده الاستخدام ماتكون واو مثل الي متخصصه بشي معين!

الهدف من المنتج :
منتج متعدد الاستخدام سكراب وماسك ، يصغر المسامات الكبيره وَ يمنع احمرار البشره يجعل البشره ناعمه جدا وَ نظره.
الاستخدام :
- مقشر : اخذي من المنتج كميه بسيطه ووزعيها ع التي زون وَ سوي سكرب خفيف وبباقي المنتج وزعيه ع باقي الوجه ، وبعدين غسليه بمويه دافيه.
- ماسك : وزعي طبقه خفيفه من المنتج على الوجه واتركيه 3 دقايق وَ غسليه.

ايش يتكون :
اكثر شي لاحظته انو نعناع فيلسع شوي ، ريحته كويسه وَ فيه حمض الفواكه المفيده للبشره.

رأيي بالمنتج :
اول شي لاحظته ترك بشرتي ناااعمه وَ ماحمرت انا بشرتي ع طووول تحمر وَ تتحسس بس مع هالسكرب احس لا ، نظفت لي خشمي بس مو كل الرؤوس السودا اختفت ، خليته كماسك امتص الدهون ، بس حاليا رجعت بشرتي دهنت يمكن من كريمي المرطب مادري :|

تقيمي للمنتج :
3.5 من 5 ، كثاار يمدحونه ، حلو بس ماينظف الرؤوس السودا وهو اهم شي بالمنتج هذا ، متعدد الاستخدام صح بس ماشوف فيه شي واو يمكن ماناسبني بس ماراح ارجع اشتريه فيه اشياء افضل منه.

ثاني مقشر the scrub of your life صراحه لما شريته ابدا مابحثت عن ريفيوز له ، اخذته لان حسيته عملي كانبوب ماحب العلب الي اخذ منها المنتج احس مو نظيفه :(


الهدف من المنتج :
مقشر للجسم يوعدك بان يخلي جسمك حريري وَ كل الاماكن الخشنه بتصير ناعمه جدا!

الاستخدام :
بللي جسمك بالمويه بعدين وزعي السكرب ع كامل الجسم وابدي بالمساج وتحريك اليدين بشكل دائري لحد ماتحسين بالرضا ووقفي p: وغسلي جسمك وخلاص.

ايش يتكون :
هو شكله جل شفاف فيه مثل القليترز البينك بس لما تفكرينه عَ جسمك يتحول لرغوه ، الرغوه هذي رغوه تنعم الجسم ، ريحته عباره عن يوسفي ، ياسمين وخوخ وروز وعنبر وفانيلا ، ريحته جدا جميله وأحبها بس مو كثار يتقبلونها فقبل ماتشترون اي منتج شمو ريحته وخاصه المعطره نفس هذي.

رأيي بالمنتج :
المنتج كان بيني وبينه علاقه حب وَ كره حلو وَ مو حلو ، يسس ينعم الجسم جددااا بس احس في شي ناقص مادري ايش وعرفت الشي الناقص لما استخدمت المنتج الي بتكلم عنه بعد شوي.

تقيمي للمنتج :
المنتج بطل يستحق الاقتناء للي يحب يدلع نفس بريحه جميله ، سهل انك توزعينه يعتبر اقتصادي نوعا ما لان حجمه كبير ، ريحته حلوه 4.5 من 5 ، هل برجع اشتريه ؟ ممكن اي ممكن لا للان ماوضحت علاقتي معاه ههههههه

اخر مقشر هو الصغنون ، اخذته مع مجموعه اجربه اسمه Flake away

http://imageshack.us/a/img13/5782/45545820.jpg

الهدف من المنتج :
مقشر للجسم بزبده الشيا يوعدك ببشره حريريه وَ رائحه شهيه !

الاستخدام :
وزعيه عَ جسم مبلول وسوي مساج بحركات دائريه لحد ماتذوب الحبيبات وبعدين غسلي جسمك ، افضل انو يكون بعد الشور جل لان فيه زبده الشيا حتى ماتروح وتبقى وقت اطول عَ جسمك.

ايش يتكون :
زبده الشيا المعروفه بترطيبها ، سكر وملح البحر للتقشير العميق وَ زيت اللوز.

رأيي بالمنتج :
كثير كثير سمعت عليه مدح ، يستاهل جدددا حبيته وَ برجع أخذ حجم أكبر اكيييد ، يقشر بعممق ويخلي البشره حريريه ، المقشر ذا سكرب او يور لايف حلو بس هذا تقشيره اعمق لان فيه ملح البحر ، يخلي البشره حرير من جدد نعومه غير انو ريجته جدددا شهيه ، كانو كوكيييز من جد ! احس هذا بيكون من المنتجات الي بكرر شرائها دايما

تقيمي للمنتج :
حبيته وَ عشقته لوول برجع اشتريه لاتخلصونه علي :( تقيمي 5\5 بالتأكيد
*ملاحظه : بما انو تقشيره عميق يستخدم بس مرتين بالاسبوع لا اكثر


شور جل Clean On Me

http://imageshack.us/a/img824/8400/65312984.jpg

اخذت الحجم الصغنن هو اصلا مجمووعه صغيره ، افضل شي اذا بتشترون شي جديد تجربونه اخذو حجم صغير اذا اوك ارجعو اخذو الكبير ،

الهدف من المنتج :
شور جل لتنظيف الجسم برائحه جميله صيفيه بحته تحسسك بالانتعااااش والنظافه.

الاستخدام :
حطي كميه قليله ع الليفه المنفوشه *مدري شسمها بس هذيك الفلفي :$* وحطيها تحت مويه وبترغي ووزعيها ع جسمك وَ مسجيه بالليفه وبعدين غسليه -ماتلاحظون كل شي مساج عندي ههههه احب ادلع نفسي :$-

ايش يتكون :
اوراق البرتقال وليمون وخوخ وفراوله وياسمين احس عشت عالم ثاني مع الروائح هذي *.* ريحته منعشه جدا ، واحس انثويه جدا و ترا ريحته بالعلبه قويه بس اذا وزعتوها تخف كثيير ..

رأيي بالمنتج :
ريحته منعشه جدا مثل ماذكرت مكتوب انه ينعم بس ماجربته بروحه عشان احكم ، جميل بس عندهم منتجات ثانيه ودي اجربها ! وهو شور جل يعني مافيه شي واو ولا انتظر من الشور جل الا ريحه وتنظيف.

تقيمي للمنتج :
جميل ماندمت اني اخذته بس برجع اجرب اشياء ثانيه ، الي تبي تدلع نفسها تقدر تاخذه تقيمي له 4 من 5 بس مثل ماقلت اقيمه كشور جل فاحس تقيمه عالي ، نقصت منه لان ريحته مو ذاك الثبات.

زبده الجسم the righteous butter
http://imageshack.us/a/img829/4218/29499605.jpg

شرايكم بحركه التصوير متعوب عليها صح p: زبده الجسم the righteous butter معناتها زبده الصالحين هههههه استغربت من الترجمه ،

الهدف من المنتج :
زبده الجسم لتنعيم الجسم واكسابه ملمس حريري ، رائحه فواحه ، الي انبسطت فيه انو هالزبده من المنتجات الي ماخذه جوائز !

الاستخدام :
بعد الشور والجسم ندي توزعين الزبده ع الجسم كلها مع مساااج بالتأكيد p:

ايش يتكون :
يتكون من زبده الشيا وَ الصبار ، كريميه مو زبده ناشفه تتوزع بشكل جمميل وسهل وتمتصه البشره بسهوله.

رأيي بالمنتج :
المنتج جربته مرتين ماقدر احكم عليه بس معروف زبده الشيا جدا تنعم وترطب الجسم واحس اذا استخدمتوها مع مقشر فليك اواي بتحسون بنعووومه مالها مثيل.

تقيمي للمنتج :
اذا خلصت العلبه اقدر احكم :$ ريحتها جميللللله جدا تعطي نعومه بس احس لو مع المقشر بتعطي دبل نعومه تقيمي لها 4.5 من 5 لو جربتها اكثر بحكم افضل اكيد


سبراي معطر ومرطب girligo
http://imageshack.us/a/img707/2137/53492260.jpg

اتوقع كثاار مامر عليه منتج مثل كذا سبراي جسم بس فيه نسبه ترطيب ، بالنسبه لي ماشوف هالنوعيه كثيير يمكن لاني مابحث عن السبراي كثير ؟ مدري ! بس السبراي بشكل عام احس تحسس الجسم وَ تسمره كيف لو كانت معطره احس تلقط الشمس معاها *ترا كلها اوهام ماعليكم مني هههه*

الهدف من المنتج :
سبراي جسم معطر وَ مرطب بنفس الوقت ، يعني الي مستعجل ماصار عنده عذر p;

الاستخدام :
بعد الشور رشيه ع جسمك ومسجي عشان يمتص الترطيب ، او بالنسبه لي احب ارشه ع يدي وبعدين اوزعه احس اسهل.

ايش يتكون :
مزيج من الخوخ، والفراولة، والياسمين، والمسك اليوسفي يجي بيررفكت مع كلين اون مي شور جل لتعزيز الرائحه الجميله.

رأيي بالمنتج :
من المنتجات الجميله الخفيفه ، احس بينفع للبيت كثيير كثيير وخاصه ماحب اتعطر بعطر قوي بالبيت ، هذا رائحته منعشه وبنفس الوقت يرطب ! ترطيبه مو عااالي بس استخدمته مع الشورجل والزبده وعجبني كثيير ، في غيره اثثنين بسوب اند قلوري تحمست ارجع اشم روائحهم ، احس مناسب للصباح والي يداومون ويبون ريحه نظااافه بس مو مبالغ فيها ، بنفس الوقت الي اخاف منه الاشياء العطريه تسمر فانتبهو.

تقيمي للمنتج :
اقيمه 4.5 من 5 ، ترا اعششق سوب اند قلوري ماقدر ماعطيهم درجه موزينه ههههه :( برجع اشتريه وبرجع اشوف الروائح الثانيه ان شاءالله.

اخر منتج لليوم Hand food مرطب لليدين
http://imageshack.us/a/img685/3391/21655986.jpg

لهاند فود المرطب احس من اشهر منتجات بوتس وعن نفسي اعشقهاا جدا ، مرطبه وَ ريحتها جميله !

الهدف من المنتج :
ترطيب اليدين وَ اعطائها نعومه فائقه مثالي لليدين الجافه وَ المتضرره.

الاستخدام :
كريم يد استخدميه متى مابغيتي p:

ايش يتكون :
زبده الشيا *قلووب قلووب* زيت المكديما وَ مارشميلوووو *-*

رأيي بالمنتج :
من اجمل المنتجات الي استخدمها ليدي ، هي ترطب بس لاتنتظرون تفتيح وتوحيد ابدا ، اكثر شي احبه فيها ريحتها احس ناااعمه ، مو مزيت او يلزق اليدين وتمتصه اليد بسرعه احبه ، كم مره مدحته خلاص بسكت،

تقيمي للمنتج :
5 من 5 اكيد وبرجع اشتريه عندي ريحته كاافيه جدا.



وهذي تقيماتي للمنتجات كلها ، حابه اذكر شي مهم جدا ، لما تشترين اي اي منتج اقري عليه ايش مكتوب مرطب لليد مايعني بيحل مشكلات السمار او عدم التوحيد هو بس مرطب ، مقشر الجسم ماراح يفتحك او يغير لونك ، في بعض المقشرات يمكن تسوي هالشي بس بيكتبون على علبتها مفتح ، لاتنتظرون اشياء خياليه من منتجات عاديه ، سوب اند قلوري حلوه تدلعين نفسك فيها روائحها تجنن والباكجنق والتغليف يحمسك اكثر واكثر بس هي ماراح تحل مشكلات بجسمك غير الترطيب والنظافه والريحه الحلوه ، فنصيحه دايما اقرو العلبه وشوفو هالمنتج بيرضي طموحكم ولا p:
وشي ثاني روائح سوب اند قلوري قوويه بس بالنسبه لي شخصيا احبها مو الكل يتقبلها وَ بنفس الوقت احس اذا حطيتيها ع جسمك تخف كثيير وتندمج مع رائحه الجسم فعطوها فرصه ..

وبس هذا كان موضوع اليوم يارب اكن افدت احد :eh_s(9):
الموضوع كله اجتهاااد خاص فيني وبمدونتي ماسمح بنقله او نسبه لاي احد :eh_s(17):

اشوفكم ع خير.