مطلوب معزى أسنانها صغار من 10 إلى 15
اغنام - ابل - دواجن - طيور
السلام عليكم ورحمة الله وبركاته
مطلوب يا جماعة الخير معزى عوارض ولا حبش سود ولا ألوانها وأشكالها مقبولة مانبي الصمع وأشباهها
أسنانها صغار وشبب وإن كان ماهوب كلها فأغلبها أما التامة مانبيها
جرومها كبار اللي صغار جرومها مانبيها
يتبعها صخال وإن كان ماهوب كلها فأغلبها والباقي يكون حصب قريب ولادة
ديودها سليمة وحليبها وافر ، اللي فيها عطب ولا مشيول شق منها مانبيها
سليمات من الأمراض و مطعمات وأحوالها زينة ، الهزيلات واللي فيها أمراض مانبيها
ماهوب لازم العشر كلها ولا الخمسة عشر ، اللي عنده ثتنين ولا ثلاث ولا أكثر أحوالها مثل ما ذكرت يعرضها والله ييسر أمرنا وأمره
الموقع الرياض والمحافظات القريبة منها واتمنى اللي يقول عندي يكون صادق في ظنه مايكون أغلب ظنه في غنمه أنها كما ذكرت علشان مايتعنى الواحد ويضرب مشوار إلا على الشيء اللي يبيه لاني طالب ولست شاري جملة أتحمل الردية لاجل الزينة
أسأل الله أن يبارك لكم في حلالكم زلايدخل علينا وعليكم إلا حلال يرضاه وجهه الكريم
انتظر ردودكم
l'g,f lu.n Hskhkih wyhv lk 10 Ygn 15
