معلقه من 3 سنين !

السلام عليكم

بنات عندي مشكلة متعبه نفسيتي حيل والله

انا من كنت صغيره واهلي يقولون انتي لولد عمج, ولما كبرت فعلا ملجت عليه كان عمري 19 سنة
ب 2010 ومحد اخذ رايي في هالزواج . وعذرهم اننا من كنا صغار وهم يقولون حنا لبعض
المهم الحين دخلنا السنة الثالثة وانا للحين معلقه والزواج تأجل مرتين أول مرة مني لسبب نفسي وثاني مرة منه عشان يكمل دراسته برا .

الحين انا نفسيتي تعبانه حيل مابي الولد مع انه مافيه شي . اشلون اقول مابيه !! اهلي بيسوون سالفة واهله بيزعلون . بس انا شنو ذنبي !! كرهت طاري الزواج والله يعني البنت اول ماتملج تستانس انا بس استانست فترة قصيرة ووقتها كنت جاهل !! بس حاليا اكره طاري الزواج

غير هالشي أبوي ماشرط على الولد شي وانا ابي اسوق وأهلي مسلمين أمري للولد يعني كل ماقلت شي قالوا القرار لزوجج !

انا عندي رقم الولد وكلمته عالواتس مرتين بس .
فشله اقوله ابي اسوق ولا عادي !!!
مع اعلم اهلي مايدرون اني اكلمه
بنات والله مرات احس بتهور واكتب له اني مابي اتزوج بس اخاف الموضوع يكبر !

ساعدوني !