موظفة جديدة محتاجة شوركم

السلام عليكم
اشلونكم بنات ؟

اللحين أنا تقريبا كملت شهر في وزراة التربية
وظيفتي منسق اداري معاملات
أنا باكالريوس تخصص نادر خاصة بإدارة المواني البحرية بإمتياز

و مديرة الإدارة اللي انقبلت فيها حطتني سكرتيرة لأحد الأقسام
مديرتي بالقسم حبوبة و بكالريوس مثلي و خبرة

بس اللي طالع و الي راد يعاملوني على اني سكرتيرة من صج
محد يعاملني على اني بكالريوس أو منسق إداري

و البنات في القسم حسبالهم هبلة يقطون علي كلام و اللي تبيني أطبعلها استئذان
و اللي تقولي كلام مو زين

نفسيتي صارت بالنازل
و حاولت أنقل لقسم ثاني , لقيت الوزارة كلها خايسة و يمكن هذا القسم نظيف شوي عن الباقي

معاشي الحمد لله زين , بس نفسيتي طايحة من طريقة المعاملة و أي مراجع أو مهندس أو مدير
يتعامل معاي على أني دبلوم أو دورات و أنا وايد تعبت على شهادتي و اتغربت بره سنين عشان أحصلها

اللحين مو عارفة شسوي

أنا أبي أعرف شنو المهام الوظيفية للمنسق الإداري بالضبط ؟
يعني مو معقولة يقطونه يسوي أي شغل فاضي و خلاص
أنا ما درست كتب أكبر مني و عيوني راحت في الإمتحانات عشان أطبع استئذانات و استلم بريد
و الله لو طفل عنده 10 سنين راح يعرف يسوي هالشغل اللي لا يحتاج دراسة و لا مخ

فسؤالي بالتحديد عشان تفهموني

هل فعلا خلال 90 يوم من أول تعيين ممكن أراجع الديوان لتغيير الوزارة ؟
هل فيه أماكن بوزارة التربية تقدر البكالريوس و يتعاملون معاه زين ؟
و ما هي المهام الوظيفية بالضبط للمنسق الإداري ؟

تسلمون