دكتور طوني نصار جراح النجوم !!! بالكويت !!! رحت له .

السلام عليكم ورحمة الله وبركاتة


منو فينا ماتعرف طوني نصار دكتور هيفا وهبي وميسا مغربي

المهم دار الشفا متعاقدين معاه وفاتحين له عيادة . ويجي بالشهر 3 ايام بس .
ماعلينا من هذا كله
انا الله يسلمكم رحت له اليوم بشوف اسعاره وقلتله شنو ناقصني !
قال فمج سويه شوي ع شكل حرف عاد انا مافهمت شنو يقصد بالحرف, بس بما انه جراح تجميل النجوم قلت اكيد بثق فيه .

لما جيت توقعت عليه طق عصي بس ما لقيت الا حريم كبار بالسن !
انا الصغيره الوحيده !

اسعاره مرتفعه نوعا ما . يعني مثلا الابر الفيلر معروف انها ب 100
بس عنده يسويها ب 150

الممممممهم انا من اول مسويه شفايفي تقريبا قبل 3 شهور وشكلهم حلو
بس قلت خل اسويها عنده بعد خل اشوف شنو بيعدل وبنفس الوقت اجربه !

قمنا من الغرفة اللي فيها مكتبه ورحنا لغرفة ثانية اللي يطق فيها الابر
حطت لي السستر البنج ومانطر ع طول دخل الابره بشفايفي يعووووووووووور . وطلع على طول مانطر استفسر او اقول شي تخيلوا !!!!
وربي بنات انقهرت راح للمكتب وصك ع نفسه ونادى الزبونة الثانية !!!
انزين مو المفروض ينطرني يمكن بستفسر او بقول شي !!! ع طول راح للمكتب وصك الباب !!!
وانا اللي علي اني ادفع واروح للبيت خلاص !

انقهرت !! يعني جراح نجوم ومشهور وجاي للكويت ليش جذي يسوي ؟
ولا عبالهم الكويتيات بس يدفعون ويروحون مغفلات يعني !!


المهم الحين انا ندمانه اني سويت فمي لأن احس قبل احلى وحاليا فمي منتفخ بشكل فظيع لدرجة والله لما انزل عيني اشوفه !
هل هذا يعتبر ورم وبيخف !!