سلام عليكم ورحمة الله وبركاته
سلام مني صوب برج المملكه ،،،، اللي ينومسني على بدع الجديد ،،،، وعلى غرابيل اتقدم بالسلام
واللي عقد روس الحبال يحلها
خشم اتحلوا له وخشمن أفركه ،،،، ولا يجني شاعر ماله رصيد ،،،، بعدين يلحقني مع العالم ملام
واللي عقد روس الحبال يحلها
صح لسانك ياابن دلهم على هالبدايه القويه
ننتظر برج المملكه
[align=center]بيض الله وجهك على المشاركه والمتابعه
وهذا من طيبك يالغالي
وانتظر رد برج المملكه ومشاركة الباقين
وماقصرت والله لايهينك يالغالي[/align]
خشم اتحلوا له وخشمن أفركه ،،،، ولا يجني شاعر ماله رصيد ،،،، بعدين يلحقني مع العالم ملام
ياسلام يابو سالم
مبدا كايف وقاف حلو والليل طويل
يعني قمه شعريه ذلليل
سجلوني متابع
متابع بالمجهر
ارررررحب
يا ابن دلهم
وصح لسانك وعلا شانك وزان فالك
متابع وبانتظار برج المملكه
تحياتي ،،،
وعليكم السلام و الرحمه و الاكرام
تفضل يابن دلهم ..
يامرحبا ترحيب فنّ و تكتكه ,, من خاطرٍ صافي لابن دلهم سعيد
,,,,,,,,,,,,,,,,,,,,,,,,,, عداد ما هلّت هماليل الغمام ,, و اللي عقد روس الحبال ايحلها
المسلمه ماهيب مثل المشركه ,, اقولها و الله يدبّر ما يريد
,,,,,,,,,,,,,,,,,,,,,,,,,,, ياللي تعرفون الحلال من الحرام ,, اللي عقد روس الحبال ايحلها
ربح السبيعي
و
زمان الهاجري
و
ذيب ابن زيد
مرحبا تراحيب الحيا شرّفتونا بمروركم الكريم
وحضوركم العطر
برج
سلام عليكم ورحمة الله وبركاته
مرحبا بالجميع وافتخر ولي الشرف بأنك متابعين
واستلم يابرج
بعض العرب قلبه مثل قلب اسمكه ،،، معاد ندري وش يبي ولا يريد ،،، وأنا نويت اصهر حديده باللحام
واللي عقد روس الحبال ايحلها
المسلمه فيها هدايه وبركه ،،،، خل الرساله في يدا ساعي البريد ،،، عسى عيونك ياسنافي ماتنام
واللي عقد روس الحبال ايحلها
استلم يابن دلهم
بعض العرب رجّال و القلب تنكه ,, يبا يفيد الناس و ازرى يستفيد
,,,,,,,,,,,,,,,,,,,,,,,,,,,,, قلّه يجاوب راعبيّات الحمام و اللي عقد روس الحبال ايحلها
الفارس اللي مايطب المعركه ,, قال المثل ماللحديد الا الحديد
,,,,,,,,,,,,,,,,,,,,,,,,,, يرتاح منها عند راعية اللثام و اللي عقد روس الحبال ايحلها
ارجو السموحه منك يابرج على التأخير
استلم
هذاك يابرج ان تكلم نتركه ،،،، ونأخذ كلام اللي معه راي ٍ سديد ،،، اللي يصد القوم ويفك الجهام
اللي عقد روس الحبال ايحلها
واللي يشكشك لو يخلي الشكشكه ،،،، مادامت الدنيا على حال رقيد ،،،، مثل الغراب اللي يبي مشي الحمام
واللي عقد روس الحبال ايحلها