عروس حطيت ند حنان النجاده وراح اقول كل شي سويته بيوم عرسي حياكم

السلام عليكم

اولا الف مبرووك لكل عروسه والله يهني كل البنات ويرزق الكل يارب
والف الحمد لله انا عروس وعرسي كان قبل جم يوم

راح اقولكم كل شي وافيد البنات

العرس كان فبيت يعني محفوف راعيت اني اكون ناعمه ويا بنات والله انه النعومه احلى واحلى واحلى لانه كل شي مع بعضه راح يطلع حلووو دايما العرايس يحاولون يسوون كل شي اووفر النفنوف يبرق ومشكوك من فوق لي تحت والمكياج يلمع والعدسات رمادي فاتح يخرع جنه ابيض والشدو غااااااامج والحمره فاقعه والحاجب جاينيز اسود والكعب 20 سانتي والتسريحه راس ثاني فوق راسها عبالكم حلو ؟ والله مو حلو ويخرب نعومه العروس ياما شفت عرايس جذي:eh_s(4): وكنت اقول لا لا لا لا لا انا مابي جذي بطلع غير عنهم والحمد لله طلعت مثل ما ابي والكل مدح شكلي الحمد لله

الحين بقولكم وين حطيت مكياجي وسويت شعري وبحط الارقام

اولا نفنوفي شريته من وحده تصمم نفانيف راقيه وناعمه واسعارها حلوه عرففتها من الانستقرام وهذا اكاونتها lulumaq8 النفنوف اينن مع المسكه فريي والطرحه واسعارها اقل من الالف:ggdw:

المسكه مع النفنوف اهي تتعامل مع محل ورد اسمه fleure موجود بنستقرام وكانت مسكتي روعه وهي حاطه صورتها بالاكاوت مالها لون مسكتي وردي فاتح مع اوفوايت وورد اخضر صغااار كانت جدا راققيه

الكعب شريته من الحوش كعب عادي طوله 13 سانتي مو اوفر وانا طولي 155

مكياجي كان عند حنان النجاده رووووووعه تسلم اييييييدها يارب على المكياج اينن ما شاء الله شقولكم عنه راقييييييييييي و يبرز الجمال و صج مكياج عروس مو ناعم الي مايسوا ولا اوفر الي يخرب جمالج وكانت جدا حبوبه معاي وحبتني وانا حبيتها موعدي معاها كان الساعه 3 ونص خلصتني 5 ونص اهي تاخذ ساعتين على المكياج وتاخذ راحتها عشان تعرف حق ملامحج وكانت حيل حابه ملامحي فبدعت الحمد لله حته ريلي يقولي والله ماصدقت لما شفتج كنتي رووعه وماكان وده امسح مكياجي والكل مدح شكلي

عدساتي كانو روووووووووووعه ماركة سندريلا لون بني بدوووووون تحدييد بس لونهم جنه عسلي على بني ويكبرون العيييييييين وبدون تحدييد لان بالتصوير يطلعون احلى ولونهم طبيعي حييييييل انصحكم بنات فيهم تلاقونهم بالسالممه نظارات ميلان وعشان تعرفون شلون صايرين شوفو مكياج حنان النجاده على العارضع الي سوتها نفس كيييم اهمه نفسهم

تسريحتي سويتها لما خلصت من حنان رديت البيت ياتلي وحده اسمها يسرا تسوي تسريحات ومكياج بالبيت وسوتلي تسريحتي مثل ما ابي انا كنت ابيها نناااعمه وما ابي احط اكستينشن مع انه شعري قصييييير بس سوته لي جنه شعري طوييييل الي يشوف التسريحه مايقول هاذي شعرها قصير حيل

تسريحتي كانت بسيطه سوتلي كبه و القذله سوتها بف وانا شاريه اكسسوار الجبهه نفس كييم فهالتسريحه تصلحله وروعه معااه حطيت الاكسسوار و الطرحه طرفها دانتيل قلتلها تقا قط على الكبه طلعت راااااااااااقيه جدا
وهذا رقم الي سوتلي تسريحتي 99370572 اسمها يسرا

دخلتي كانت غنية راشد الماجد طلي على الاكوان زفة يديده نفس لحن هب
السعد روعه الزفه

اسناني انا من زمان استعملت لهم لزقات كرست وبيضو اسناني بس مو حييييل صارو بيضض بس لونه طبيعي وقبل العرس بجم يوم حطيتهم وبيضو اسناني زياده صارو روعه ويلمعون

تنظيف البشره سويته قبل 5 ايام بصالون اجاليا ببنيد القار روووعه شغلها وما تحسسست بشرتي و مبين عليها الي سوتلي خبيره مو حيالله وترتاحين لها وكانت تشتغل بعياده نورة الصليلي من قبل و ان شاء الله بسوي تنظيف بشره على طول معاها

الحين بقولكم عن العرس ... العرس كان على ريلي بس حلو التقديم والفطاير كان علينا احنا حبينا نشاركهم بهالشي
الميني فطاير كانت رووووووعه طلبناهم من وحده بنستقرام اسمها mini&many جربنا شغلها اول شي وعقب طلبنا روووووووووووووعه عندها الفطاير رووووووعه وورق العنب والملفوف الاحمر والابيض اينن اينن اينن ناطع وصغاااااااااااااااار ذرب ذرب
رقمهم 96911128 94413325 احنا طلبنا منها بس الفطاير بدون ورق العنب
ورق العنب طلبناه من وحده ثانيه تسوي ميني ورق عنب هم اينن ولذييييييييييييييذ نفس مستوا الي قبلها ماينشبع منه وناطع عرفتها من الانستقرام اسمها بنستقرام llbee3 رقمها 99284782

والحين نيي حق حلو القهوه طلبناه من وحده هم عرفتها من الانستقرام اسمها بنستقرام yummykwt تقدرون تجربون الحلو مالها روووعه والكل سأل عنه بالعرس طلبنا تشكيله كاكاو وتشكيله معمول عندا انواع من المعموول تقريبا 15 نوع وكان روعه منوع مو شي عادي والحمد لله عجب الحظوور وسألو عنه وكل شي عجبهم ومدحوووو الحمد لله


وبالتوفيق للجمييييييييييع