استثمار شـركة ليموزين ( الاجـرة العامة )

اغنام - ابل - دواجن - طيور

استثمار شـركة ليموزين ( الاجـرة العامة )

استثمار شـركة ليموزين ( الاجـرة العامة ) منقول
السـلام عليـكم الرحمـة والإكـرااام ..


كثير من الاخوان هنا يسالني عن نظام شركات اللموزين وعن الأجره العامة ..

بالنسبة للسعوديين نظاميـن ..

فالنظام الاول : نظام بسيط ( يشتري له اي سياره او تكون عنده سيارة اي موديل + رخصة عمومي + وتعديل المهنة الى سائق اجرة ( مو لازم في بعض الاحيان ) + ويعدل اوراق السياره من وزاره المواصلات بكرت تشغيل ويركب الفانوس ( لوحه السياره والشعار )) ..

وهذه انصح فيها للي يكون موظف في شركة ويكون دوامه واحد يعني مو نظام شفتات او ساعات .. يصير يقدر يشتغل في اوقات الفراغ الثانية ويغطي منها مصاريف البيت ويحفظ راتبه ..

والنظام الثاني : اللي هو نظام وزاره المالية او بنك التسليف او نظام الملك عبدالله ( وانك تطلع سياره من عندهم وتقسطها بسعر الكاش + وتكون عاطل عن العمل + ورخصه عمومي + وتعديل المهنة الى سائق اجرة ( إلزامي ) يعني تستوفي جميع شروط وزاره المالية والمواصلات والاحوال المدنية والمرور .. وخلال شهر شهرين تطلع لك السيارة ..

وهذه انا بوجهة نظري ما انصح فيها ابدا .. الا لشخص فاضي جدااا لا شغل ولا مشغله ويكون عنده محلات تجارية بسيطة تجيب له دخل محدود ويشتغل في الليموزين او الاجـرة .. ويحسن من مستواه .. لانه من وجهة نظري ما اشوف اللموزين انه الواحد يقدر يعتمد عليه شخصيا الا كان رجل مجتهد فعلا وعنده نشاط وصبر وباله طويل علشان يتحمل التعب في الأجرة ..


وبالنسبة لنظام الاستثمــــار او للتجـارة .. او اللي يبغى يرتقي للأعلى بخطوات ثابتـة ..

فأنـــا انصح في الشـــركات .. وراح اشرحهـا لكم بالتفصيل الممـل ..

النقطة الاولى : مواصفات سيارة الاجرة العامة المرخص لها من وزارة المواصلات ( اللون ابيض + مكينة السيارة قوتها تكون 2000 سي سي او اكثـر )
وطبعا ارخص سيارة وبالحجم مناسبة وقطع غيارها رخيصه
ولا بأس في فخامة السيارة او شكلها الخارجي ( هيونداي إلنترا )
واسعارها بالوقت الحالي تترواح بين 40الف الى 42 الف ريال سعودي على حسب المنطقه اللي بيشتري السيارة منها ..


النقظة الثانية اللي هو نظام العقود مع الشركات او كيف تتعاقد مع الشركة ..

طبعا العقد فيه نوعين ( النوع الاول وهو نوع بسيط جدا وانا ماراح ادخل في تفاصيله لانه بصراحه ما انصح فيه ابدااا واشوف انه خساره على الشعب السعودي .. انك تشتري سياره وتعطيها الشركة تعمل لك الترخيص وكل شيء وتشتغل فيها انت بنفسك يعني تكسب لقمة عيشك بنفسك بالاضافه انك تدفع شهريا ما يقارب 500ريال (( وهذا اعلى سعر طبعا )) للشركة مقابل الترخيص على السيارة ) وانا ارفض هالشيء لسبب واحد ( انك تقدر تاخذ الترخيص بنفسك من وزاره المواصلات فليش تتعب نفسك وتاخذه من الشركة وتدفع شهريا 500ريال ) بالعربي خساره ..


نظام العقد الثاني :
وهذا النظام انا انصح فيه جميع الاخوان السعوديين واللي يبغى يشتغل ويتحرك ويجيب ربح صافي ومايتعب من اي شيء ..
وهو انك تطلع سياره وتخلي الشركة تشغل او تحرك السياره لك مبلغ معين في الشهر تاخذه وانت مرتاح في البيت ..
وهذا النظام راح افصله لكم علشان يكون واضح للجميع ..


أول خطوة .. انك تشتري سياره ( هيونداي إلنترا ) بقيمة 42ألف ريال سعودي ( من المعارض طبعا او من المجدوعي الوكيل لها بالمنطقه الشرقية لانه ارخص سعر في شركة هيونداي لسبب واحد (( السيارات تأتي من ميناء المنطقه الشرقيه ومن ثم تتوزع على مناطق المملكة )) قمثلا اللي بيشتري سيارة من جده من وكيلها الناغي فشيء طبيعي السعر بيكون غالي عليه لانهم يحسبون حساب النقل والتامين والكلام الفاضي .. لكن افضل شيء للي في جدة او المنطقة الغربيه ياخذها من معارض جده لانه سعرها مشابه للمنطقه الشرقية .. فرق 500ريال او الف ريال فقط ..

طبعا الخطوة الاولى تشتري السيارة (( فافضل شيء تشتريها بطاقة جمركية يعني ما تطلع لها لوحات ولا تسوي تأمين ولا شيء ))

بعد كذا الخطوة الثانية : تشوف لك شركة ليموزين الاجرة العامة وهنا راح يكون الاختلاف في الشركات ونظام العقود ..
طبعا الشيء المتفق عليه في جميع الشركات هو كالآتي :
1- تأمين شامل على السياره بنسبة 6% من قيمة السياره ما يقارب 2600ريال للهيونداي إلنترا . ( تأمين التعاونية افضل تأمين عندي ) ..
2- تشتري الفانوس ( لوحة الاجرة اللي تتركب في سقف السيارة + الشعار على الابواب تقريبا 1400ريال أعلى سعر يعتبر ..
3- رسوم لوحات السيارة تدفع لحساب الدولة اللي راح تطلع باسم شركة الليموزين ..
4- انك تلبس المقاعد تبع السيارة بلبس علشان تحافظ على مقاعد السياره الاصلية وتقريبا تكلفك 200ريال اعلى سعر يعتبر ..

ملاحظة ( النقطه الاولى تامين التعاونية راح اشرحه لكم فيما بعد بالنظام اللي يخليهم افضل شركة عندي في التأمين )

طبعا هذه النقاط الاربعه اللي راح يدفعها المستثمر في سيارته .. يعني تقريبا اجمالي المبلغ 46 الف ريال سعودي مع السيارة ..


ملاحظة مهمة (( نظام المواصلات مع شركات الليموزين والاجرة العامة انه السياره مسموح لها او مرخص لها لمدة خمس سنوات من تاريخ صنع السياره يعني موديل السيارة 2010 مرخص لها تعمل حتى سنة 2015 وبعد كذا اجباري تسقط السيارة من شركات الليموزين يعني عندك خمس سنوات تدخل ربح في السيارة فقط ))


نجي الحين لنظام الشركات في كيفيه عمل السيارة :
في شركات عندها نظام معين انه ( الشهر فيه ثلاثين يوم .. فيقول احنا بالاسبوع نخلي السيارة تشتغل سته ايام بالاسبوع فقط .. قيمه اليوم الواحد 140 ريال سعودي .. يعني بالشهر الواحد السياره تشتغل ما يقارب 26 يوم ...
فنجي نحسبها (( 140ريال *26 يوم = 3640 ريال للشهر الواحد )) ( وراح تدفع 500ريال للشركة مقابل صيانه السياره من تغيير الزيت وتوفير سائق للسيارة ومتابعه السياره ) وطبعا 500ريال هذه تكون اعلى قيمه يعني مافي شركة اعلى من هالسعر ..
يعني اجمالي السعر راح يكون 140*26= 3640 ريال ناقص منها 500ريال = 3140 ريال سعودي الربح الصافي في الشهر ..

وفي شركة اخرى وهذه اللي انصح فيها ( الشهر فيه ثلاثين يوم .. فيقولك السياره تعمل بالاسبوع لمده خمسة ايام فقط واخر يوم في الشهر يكون اجازه للسائق .. يعني تقريبا بالشهر الواحد السياره تعمل ما يقارب 25 يوم وقيمة اليوم الواحد 120 ريال .. يعني الحساب راح يكون (( 120ريال *25يوم = 3000ريال للشهر الواحد ( ونفس الشيء راح تدفع 500ريال للشركة مقابل صيانة السياره من تغيير الزيت وهالامور الاخرى )
يعني اجمالي السعر راح يكون 120*25= 3000 ريال ناقص منها 500ريال = 2500 ريال سعودي الربح الصافي في الشهر ..


طبعا بيسالني واحد ليش الشركة الثانية افضل من الشركة الاولى مع العلم ان دخل الشركة الاولى اعلى من الشركة الثانية بفرق 600ريال وهذا مبلغ مو بسيط يعتبر ..

السبب ياحبيبي المستثمر .. انه لمن تقول 140 في اليوم الواحد لمده ستة ايام بالاسبوع .. فهذا يعني ان السائق راح يشتغل على السياره اكثر وهالشيء راح يهلك السياره او يستهلك زيت او يستهلك من خدمة السيارة فهالشيء راح يسبب لك ضرر في المستقبل انه السياره ماتخدمك لمدة طويلة .. فعلشان كذا الشركة الثانية افضل وتكون مريحه للسائق في توفير المبلغ هذا من وجهة نظري .. (( فالقليل المستمر ولا الكثير المنقطع ))

هذه الانظمه المتبعه للشركات في الاستثمار ..

طبعا البعض كيف يسال عن نظام انك تعطي الشركة السيارة تبعك (( طبعا راح يكون هناك بينك وبين صاحب الشركه بانه انت تمتلك السيارة لانه السياره راح تكون مرخصه في وزارة المواصلات باسم الشركة وفي المرور راح تصدر الاستماره واللوحات باسم الشركة .. فعلشان كذا راح يكون فيه عقد بالاتفاق عن السعر اليومي للشركة وعن الصيانه وعن امتلاكك السياره في الاساس ..)) وانا انصح قبل لا توقع العقد انك تاخذ صوره من العقد وتعطيه لمحامي او لشخص يفهم في القضايا علشان يقرا العقد ويشوف ..


وبالنسبة للنقطة الاولى اللي هو التأمين ( انه في حالة لا سمح الله صار حادث للسياره فانت راح تتعطل كم يوم ماراح تاخذ شيء لانه السياره عليها حادث او مسويه حادث .. فتأمين التعاوينة عندهم نظام انه ممكن تصلح سيارتك في ورشة خارجيه غير معتمده عندهم .. وتجيب لهم الفواتير ويحاسبونك على الفواتير .. لانه اذا بتعطي سيارتك للتأمين يصلحها او للوكالة .. فصدقني راح تجلس اسبوعين او ثلاثه علشان تصلح سيارتك وهالشيء يعتبر خساره عليك ..


وفي نقظه مهمة اخيرة ابي اوضحها لكم .. اللي يتفق مع الشركات في المبالغ (( فالافضل تاخذ المبلغ اسبوعيا علشان تغطي مصاريف البيت والالتزامات اللي عليك وتقدر توفر نهايه الشهر من راتبك او من دخل السياره حتى ))


وفي الختااااااام .. عسى الله يوفق ويرزق الجميع .. واعذروني على الاطاله واي استفسار انا حاضر ..

واللي ما فهم فالله يعينه يروح يسال الشركات علشان يفهم اكثر ..

واتمنى انه الصوره كانت واضحه ... وللمره الثانية .. الله يرزق الجميع والسلااااام عليكم ..

المصدر: منـتـدى أغـــنـام - من قسم: *ساحة خـــدمـــات النـــقــل والــتــوصيل

hsjelhv aJv;m gdl,.dk ( hgh[Jvm hguhlm )