علاج للطفيليات الخارجية

اغنام - ابل - دواجن - طيور

علاج للطفيليات الخارجية

بسم الله الرحمن الرحيم


السلام عليكم ورحمة الله وبركاته


اسعد الله اوقاتكم بكل خير ...



اغلب المربين يعانون من الطفيليات الخارجيه وانا واحد منهم

وشغال على غسل الحلال بين فتره وفتره


..

قبل عشر ايام تقريبآ كانت عندي عنز نحفت وقلت شهيتها للأكل وفتشتها ولقيت فيها قمل وقشر ابيض واجد في ظهرها


وغسلتها بجاره مخففه وصابون


واليوم فتشتها وحصلت قشر بس اخف من اول

واشوف حلال واجد عندي يحتك وشعرته لونها تغير للاشهب


ورحت للبيطري اليوم الصبح ناوي اشتري كريم الكبريت يمدحونه


ونصحني الدكتور البيطري يقول فيه علاج ممتاز بس سعره غالي شوي ..!


قلت بكم قال ب خمس وسبعين

قلت في نفسي خلنا نجرب اذا فاد والا نقاطع هالبيطري وعلاجاته


اخذته ورحت للحلال وناديت العامل وقلتله يمسك العنز الي فيها قمله

وحطيته على ظهرها

وحطينها على حول العشرين من الي اشوفهم يحتكون دايم


وبعد ساعه ونص تقريبآ دخلت الشبك اشوف الحلال


والله يالربع ان الي حطيته عليهم شعر ضهورهم بيضاء من القشر

وبأذن الله انه بيكون الحل الممتاز للطفيليات الخارجيه


من باب حب الخير للغير ومن باب حب لأاخيك ماتحب لنفسك ..

كتبت هالموضوع لعل يفيد الغير واستفيد الدعاء بالخير


اسم العلاج والله ماعرفه والولد الله يصلحه نتف الملصق الي عليه تنتيف شكله قفلت معه من ومن الحلال &

صورته صوره مقطع الملصق الي عليه

http://i.imgur.com/aClxNPN.jpg


والي بيروح للبيطري يقوله سائل ازرق للطفيليات الخارجية

لونه السائل ازرق وااهم مافي الموضوع ان (((( صناعته المانيه ))))


وطريقة استخدامه تضغط على العلبه مع النص وتكب على ظهر الحيوان من الراس الا اخر الظهر بشكل خط
واتمنى من الدكتور محمد بن احمد والسنافي ومقحص

اذا يعرفون هالدواء يفيدونا فيه


ودمتم بود ...

المصدر: منـتـدى أغـــنـام - من قسم: >المنتـــدى الطــبي

ugh[ gg'tdgdhj hgohv[dm