+رساله إلى غايب+

إلإ ياوجودي وجـد من ركبوة الجيب
وقفى بـة المأمور ماودع عيإلة
..
ضناه الصغير يصيح وامه تشق الجيب
وابوه الكفيف يطق يمناه بشمالة
..
خذوه الحرس في ليلة جر فيها الذيب
عواه وقنب في راس مرقابة لحاله
..
خذا له ثمان سنين واكثر على التعذيب
ولافتح له محضر ولا بصم اقوله
..
ينادي وجدران السجن من نداه تجيب
ويرجع صدى صوته وحاله على حاله
..
تنشد ولا يدري عن اللي طواه الغيب
عجز يفهم اسباب اعتقاله وماجاله
..
بعدها طلع والراس كلة كساه الشيب
ودمعة ذريف وباقي الحال يرثى له
..
وقالوا ترا ماصار شك ومجرد ريب
توكل على الله وانسى همك وغرباله
..
توجدت واذكر مامضى والزمان اصعيب
تذكرت من مريت بيته ومدهالة
..
خوي عزيز مامشى مع دروب العيب
ولاهو بيسعى للردى ويتعنى له
..
عسى جنة الفردوس منزال راعي الطيب
وينشي على قبره من الغيث هماله
...
كلمات / سعود.الخريب
أداء أ علي الكدادي



http://m.youtube.com/?client=mv-rim