(لم أجد في حياتي قلة خبرة وسؤ تصرف كما وجدت في الجاسر ورئيسه ـ يقول الهلال لايتوقف عن الشهراني ـ ياإلهي )
(لم أجد في حياتي قلة خبرة وسؤ تصرف كما وجدت في الجاسر ورئيسه ـ يقول الهلال لايتوقف عن الشهراني ـ ياإلهي )
للأسف الشديد لم أجد غباء كما وجدت في تصريحي عبدالكريم الجاسر الآن في روتانا الخليجية مع تركي العجمة وتصريح رئيس الهلال بعد الفوز على الريان.
حيث خرج قبل قليل في برنامج كورة عبدالكريم الجاسر وقال بالحرف الواحد قال الهلال لايتوقف عن ياسر الشهراني .
ليه هذا التصريح قليل الخبرة ياعبدالكريم مو بوقته.
هذا يبين انك قليل الخبرة في التعامل مع لاعبينك والحفاظ عليهم .
كذا انت تجبر اللاعب على البحث عن الملايين ومستقبله إذا كان هذا رايك فيه ثم يقول الشهراني بنسبة 95 % هلالي .
ياعمي انت ليه تؤكد الكلام ذا انت بكذا تخلي الاهلاوية يشتغلون صح على وكيل اعمال اللاعب الاهلاوي المعروف غرم العمري وبتخلي الاهلاوية يشتغلون على نادي القادسية كما فعلو مع اسامة هوساوي.
ألم يوعد هوساوي الهلال بالعودة ثم ذهب للاهلي.
تصريحين مالها داعي ياعبدالكريم هل لان تركي العجمة أرد شئ حصري لبرنامجه تقوم ياعبدالكريم ياجاسر تعطيه الخيط والمخيط .
كان المفروض لو انت عندك ذكاء في المحافظة على اللاعب كانت لم تاتي باخبار تجعل المنافسين يكثفو من ضغطه الآن بعد تأكيداتك وتقول الشهراني 95 % هلالي.
كان المفروض أن تكتفي بقول اللاعب شاري الهلال والهلال شاريه فقط دون التمعن في الحديث عن اللاعب .
ليش تقول الهلال لايتوقف عن الشهراني ليش تخلي المنافسين كالاهلي يستغلو تصريحك الآن ويجيبون تصريحك يالجاسر لياسر الشهراني ويقولون له الأهلاوية شف الهلال مايبغاك وهذا مدير المركزالاعلامي لنادي الهلال يقول في روتانا الخليجية الهلال لايتوقف على ياسر الشهراني مو معطينك وجه.
والله إنك طيب يالجاسرعرف كيف يستغلك تركي العجمة لبرنامجه.
تخبرون رئيس الهلال صرح ويقول تمنيت العين يفوز عشان الهلال يفوز المركز الثاني في البطولة الآسيوية.
ليه مو اذا فاز العين يصير الفرق بين الهلال والاستقلال نقطة واحدة وكذا وإلا كذا انت بتقابل الاستقلال في الرياض وفي طهران.
بالعكس لما يفوز الاستقلال انت ياسمو الأمير ستضمن المركز الاول او الثاني على اقل تقدير .
عكس لما يحارب الهلال على المركز الثاني يمكن يفوزالهلال على الإستقلال ويمكن مايفوز .
أنت كذا يارئيس الهلال ضعفت من الهلال أمام اللاعبين وخوفتهم من مبارة العين القادمة بالرياض وشككت في إمكانيات فريقك.
انا ماأدري كيف يفكر رئيس الهلال قبل مايصرح .
أخيرة نقطة إذا أراد الهلال ياسر الشهراني يجب ألا يعتمد فقط على رغبة اللاعب بل يشتغل خارج الملعب مع القادسية ومع وكيل اعماله كما سيفعل الاهلي وكما فعل الاهلي مع اسامة والاتحاد مع الفريدي .
الشغل خارج الملعب اهم بكثير من المثالية والاعتماد على رغبة اللاعب فقط ترى ماتؤكل عيش .
