للشعراء والشاعرات...قراءه في قصيدة (فلقني الحب))...قرب ياولد قرب
[align=center]السسسسسسسسلام عليكم ورحمه الله وبركاته
شدني في احد المنتديات نك نيم احد الاعضاء((فلقني الحب)) ورحت كتبت هالقصيده الخربوطيه :كلوش: + قراءه في القصيده:هاها:
http://www.albnat.net/vb/image.php?u...ine=1094762509
[poem=font="Simplified Arabic,4,black,bold,normal" bkcolor="transparent" bkimage="backgrounds/43.gif" border="ridge,4,gray" type=2 line=0 align=center use=ex num="0,black"]
فلقنـي الحـب ياعالم...فلقنـي فلقـه ماتسـوى=وصرت اهوجس الحالي واقول لنفسـي يامفلـوق
خلاص اصحى من اوهامك بلاش تحب او تهـوى=بلاش تعيش في عالم من احلامك غـدا مزنـوق
اناظر خشتي ابكي....واقول امبيـه شـالبلـوى=وجه كنّه بطاطس ليز...وثوب اصفر تحت مشقوق
انا مااقوى على شكلي...وربـي لا انـا مااقـوى=اذكّر نفسي ب((كليجا))...واذا بتكشّخ ب(مرقوق))
احب اعيش في الشارع..والعب سلوى ياسلـوى=اعيش بعالمي طفلن...من احزانه كبـر مخنـوق
تُرى ليه العشـق رافض..يخلينـي احـب اروى=وخلاّ الحـب يفلقني...وخلانـي خبـل مطفـوق
[/poem]
فلقني الحب ياعالم...فلقني فلقه ماتسوى=وصرت اهوجس الحالي واقول لنفسي يامفلوق:mf_pcwhac
يحكي الشاعر في الشطر الاول....ان الحب اتى بحصى كبيره...ووقف على خشته...وضربه بها ضربه قويه:11air: ....وهي ماتسمى في عصرنا الحالي((فلقه))..وكرر هذه الكلمه للتأكيد ولشدة الالم الناتج عنها.... ..مالسبب؟؟؟ لاادري ....يقال انهما تهاوشا على قوطي بيبسي....فعندما ذهب الشاعر الى احد المباقيل((بقالات بس بالفصحى:11oth: ))...اشترى بيبسي....وشربه كله ولم يترك شيئا للحب....وهذا مما ادى الى اشتعال الحرب بينهما......ثم تبعها بقوله((فلقه ماتسوى))...نلاحظ هنا انه استهزئ بهذه الضربه ...ولم يعيرها أي اهتمام...بل اعتبرها نكره....وطنش ابوها:11bb:
ثم قال في الشطر الثاني((وصرت اهوجس الحالي واقول لنفسي يامفلوق))..هنا يتضح لنا ان الشاعر فقد الذاكره واصبح يهوجس ((أي يخربط ويقول خمبقات مالها داعي))....من قوة الضربه....ثم يقول لنفسه((يامفلوق))...وهو اسلوب نداء...ويتضح لنا مدى تواضع الشاعر ....فحينما نادى نفسه...لم يهتم بالالقاب الرسميه او المبالغه بالمديح...بل انه نادى نفسه بالمفلوق:11oto:
((خلاص اصحى من اوهامك بلاش تحب او تهوى))
جملتان(امر)...ياسلااام عليك ياشاعرنا:11ap: . ...نرى هنا كيف انه يستطيع ان يتلاعب بالمفردات...ويأتي بجملتان (امر) في آنن واحد((اقول طسي بس)) :blushing:
يوجه الشاعر نصيحتان الى نفسه...لعلّه يعقل ويترك عنه حركات نص كم فيقول...((خلاص اصحى من اوهامك))
شبّهه الاوهام بالنوم...حذف المشبه به واتى بصفه من صفاته وهي النوم....اصحى:..فعل امر مرفوع وعلامة رفعه الضمه الظاهره على اخره..من..حرف جر مجرور وعلامة جره الكسره>>>مسكت خط :110:
ماعلينا
المهم
((بلاش تحب او تهوى))
هنا يقول الشاعر...بلاش تحب او تهوى((لا والله...تونا ندري تصدقين)) :bruce_h4h
في الشطر الثاني
((بلاش تعيش في عالم من احلامك غدا مزنوق))
قمة الصراحه والوضوح والفواصل والخليجيه:11ughboun . ..يوجه نصيحه اخرى الى نفسه...ويقول ياخي لاتصير نشبه...وتعيش في عالم مايطيق وجهك...انزنق((أي تضايق)) من احلامك اللي تقل مسلسلات فجر السعيد....وخر مناك بس...قسم بالله لاافقع وجهك...تعال اذا فيك خير...هذا وجهي اذا ماعلمتك الادب ياللي ماتستحي:11bomb: ((هدي اعصابك ترى السالفه مزح)) :11ight_li
في الفيلا الثالثه...او البيت الثالث...يقول((اناظر خشتي ابكي))
صيغة تحسّر...يتحسر على نفسه ويعض اصابع الندم((مع انه ماسوى له شئ عشان يعض اصابعه:icon_mrgr ))...ويتبين لنا انه يتحسّر لانه قبيح المنظر بشكل لايتصور((وش رايكم بالسجع بس))
ومما يأكّد لنا ذلك...حينما قال((واقول امبيه شـ البلوى))
والبلوى لاتطلق الا على الشئ الداهيه زي خشة ابو الشباب..
.تعالوا لنرى بعضن من مواصفاته...((وجه كنّه بطاطس ليز))
يبدو ان شاعرنا يتمتع بشاعريه لاتوصف...ولديه افكار وتشبيهات رائعه جدا...ولكنه لم يبين لنا مانوع بطاطس ليز...هل هو بالملح ام بالكتشب ام بالجبن ام بالباربكيو ام بماذا؟؟...
ماعلينا
...فلنكمل((وثوب اصفر تحت مشقوق))
الثوب وهو مايلبس على الجسم ليغطيه((لاواضح انك مثقفه ماشاء الله عليك)) :11tworthy
اصفر اللون...يتضح لنا انه لايستخدم جويت اثناء الغسيل...((تحت مشقوق))...اي...به فتحات...تقل فستان فيفي عبده ماهوووب ثوب
في الشقه الرابعه...اوالبيت الرابع
((انا مااقوى على شكلي...وربي لا انا مااقوى))
الشاعر هنا يقول انه لايقوى على شكله...ومايطيق يشوف نفسه بالمرايه...وشلون حنا اجل......وكرر الجمله للتأكيد...((وربي كسر خاطري))
ثم وصف نفسه بهذه الاوصاف
((اذكّر نفسي بـ((كليجا))))
والكليجا عباره عن همبرجر ناشف..اكله شعبيه دائرية الشكل...لونية البون...اقصد...بنية اللون:11oto: ...الكل يعرفها اكيد...المهم....انه كل ماشاف وجهه...تذكّر الكليجا...ومن هنا نستطيع الكشف عن بعض مواصفات الشاعر...:11oto:
((...واذا بتكشّخ بـ(مرقوق))
يعني لاحظوا انه رقّعها الحين ...اذا بيتكشخ ويتزين ويروح لزواج...ووصل لقمة اناقته...يصير زي المرقوق..ماااااااش..مافيه فايده...والمرقوق كلمه تتكون من خمسة احرف...ميم وراء وقاف و واو وقاف>>>قولي قسم:11ight:
احب اعيش في الشارع..والعب سلوى ياسلوى
لنأخذ الشق الاول من هذا الشطر..نلاحظ انه بدأيذكر لنا البعض من هواياته...العيش في الشوارع...وهي هوايه معروفه منذو القدم...والساق والفخذ:11ughboun ...واشتهر بها ابو عربج البيزنطي:mf_popean ...فكان دائما يتكّي في شوارع التحليه...ولايدخل الى البيت الا عند النوم فقط...
((والعب سلوى ياسلوى))...
هوايته الثانيه...احدى الالعاب الشعبيه...سلوى ياسلوى...وهي خاصه بالنساء...ولكن هذا لايمنع من استخدامها من قبل الرجال...من شروطها...تجمّع عدد كبير من عيال الحاره او عيالات الحاره:11ccer: ...يضعون وحده في المنتصف...والباقي يدورون حولها تقل الهنود الحمر....وتقول وحده منهم((سلوى ياسلوى مالك تبكي))...فترد عليها اللي بالنص((عاوزه صدقتي..))...تشتغل اللقافه ويردون كلهم((مين هيّا))...تقول لهم وهي تأشّر على كل وحده((هيّا دي))..يقولون((لا مش دي)).:11ight: ..((هيّا دي))...((لامش دي))..وووالخ......عاد الصعايده اذا لعبوها...تروح لهم بعد اسبوع وهم لسه((هيّا ديّت؟؟))...((لا مش ديّت))...خلوها على الله بس:11age5:
((اعيش بعالمي طفلن...من احزانه كبر مخنوق))
ياحرام...ياويح ياقلبي ياشاعرنا...قمة البراءه...يقول انه يحب يعيش زي البزر اللي من زود حزنه وضيقته وهمه...كبر وصار رجال بسم الله عليه ...لكن مخنوق...موووب عارف يتنفس...كاتم عليه حزنه كتمه ماهي بصاحيه...:زعلان:
((تُرى ليه العشق رافض..يخليني احب اروى))
ويستمر بالتساؤلات البريئه...واللتي تعبّر عن مدى الظلم اللي هو عايش فيه....
بدأ البيت بـ((تُرى))...وانتهى بأروى((طيب وش تبين الحين؟؟)) :11eatdrop
((وخلاّ الحب يفلقني...وخلاني خبل مطفوق))
وخلا الحب يفلقني..آها...هنا تتضح لنا بعض خيوط الجريمه((شدعوه)) :نيني:
خلا...كلمه تعود على العشق...يعني العشق هو اللي قال للحب افلق هالدلخ.....ومن زود الضرب صار زي الخبل والمطفوق...يعني المتهم الاول والاخير هو العشق....في النهايه...لانقول سوى((ابدعت ياشاعرنا))...ونتنتظر العديد من هذه القصائد الرائعه :كلوش:
وشكرا
بقلم:اختكمممممممممممم
نبوووووووضه
نبض القصيد[/align]
