دجاجه بالتوابل الحاره من ماجي

هاي ي الحلوات شلونكم :)

انضميت لقائمه بنات الرجيم توني طالعه من انفاس والله لا يوريكمً:(
هاذي اول مشاركه لي من سنه ههههه وان شاء الله تستفيدون منها

طبعن صارلي اسبوع و بدايتي غلط بغلط كنت هالايام مشغوله حيل فاعتمدت رجيم الحرمان اللي اهوا
جريمه بحق نفسي اقعد اليوم كله بس على چاي ماصخ وككاوه و بالليل ككاوه و لبن !!
انا بالنسبه لجسمي الككاويات الحمدالله ما تنفخني بس الكربوهيدرااااات المليقه تلعب فيني لعب
فقررت ان رجيمي هاذا تخفيف كربوهيدرات عشان اتخف كرشتي ههههه اكثر من كونه رجيم تخفيف وزن
وانا الحمدالله مو حييييل انتفخت بس يعني بين ال 77 و 81 كيلو صرت 😁 كلش رشيقه هههه
اليوم الحمدالله اول مره اسويلي شي زين و صحي و لاني مو فاضيه طباخ كل مره و ما حب الخادمه تطبخلي
سويتلي طبق قسمته على غدا و عشا واهوا ::

دجاجه بخلطه التوابل الحاره من ماجي
( للاسف ما صورت ))
دجاجه مقطعه 8 قطع بدون جلد
جزرتين مقشره مكعبات
كوستين مكعبات
فلفله بارده و وحده حاره مقطعه
بطاطه وحده مكعبات

انحط الخليط كله بچيس الفرن و انحط عليه خلطه التوابل الحاره
ساع و نص ساعتين بالفرن واذا اتحبينه محمش شيلي الجيس اخر شي و شبي الفرن من فوق
خل يتحمر احلى

طبعن لا ملح ولا بهارات اتحطين الاوابل فيها كل شيو سلامتكم حبايبي