قولوا له اني احبه كثير .. #قصيـرة , بقلممـي

السلام عليكم ..
كان لي وايد تجارب مع القصص او الروايات الطويله ..
و كانت وايد تعجب البنات بس كنت اتعايز اكملهم , فـ قمت اكتب قصص قصيرة تلخص الافكار الي ابي اجسدها بالطويله ,

اتمنى تعجبكم ..
و لاتنسوني برايكم و انتقاداتكم ,,





همسّت قائله ..
" احبـك "
اغلق الهآتف و هو يقـول
" ماراح اضيعج طول ما أنا عايش ، انتي تكمليني احس بوجودج اني ملك "
،،،،
" يمه ، قررت اليوم اتزوج .. و البنت موجوده بس ناقص روحتج يمه "
انقلبت الموازين ..
" ليش يمه ؟ ضيعتيني ليش يمه ضيعتي وليدج ! يمه ولدج يان على بنتهم ، يمه ولدج مايبي غيرها .. يمه الله يخليج ! "
كان ردها بـ قمة البرود
" قلت لك مو من مواخيذنا .. "
{ وقعت كـ السيف على مسمعيه و هـزت كيـانه }
بنبـرة هادئه غاضبه و بأعين تود البكاء على صدرهـا " أنا الي بعيش معاها .. ماراح اخذ غيرها ! " و اتجه إلى الباب خارجاً
" اسمعني عدل ، اطلع من الباب بس ان رديت و هالبنيه بـ بالك لا انت ولدي ولاني اعرفك " ..
" حبيبتي شلونج ؟ " ، " حبيبي صوتك متغير شفيك "
انهمر دمعه ، لم يكن يتوقع ان تكون هذه هي نهاية قصتهما ..
اخذ يغني لها بصوت يملئه الدموع ..
" اعذريني لو المتك في كلامي ، لو قسى عليك قلبي او سببت لك احزاني ، اعذريني ياروحي و حياتي و يا احلى ذكرياتي .. امسحي دموعك و اعذريني لو قسيت عليك اشوف دمعك بعيوني لا لا تعذبيني ! اعتذر و اعترف بلساني على اجمل غلطة في سنيني .. اعذريني و اتركيني ارحل احسن لك ولا تجادليني و اتركيني مستحيل ارجع للبلد ، مالي في الدنيا احد و مستحيل احب بعدك احد و لو بقيت وحدي للأبد .. "
" شـسـوي بـ الالم و آلآآه ؟ "
اصبحت شاحبه اللون .. قليله الكلام ، كثيره البكاء على اتفه الاسباب ..
في الفترة الاخيره ، مرضت جداً و كانت طريحه الفراش .. فتاة في سنها ، يجب ان تكون في بيتها الان مستمتعه بـآخر الافلام ..
" يمه ، بوصيج على روحي وصيه .. يمه قولي له لي الحين احبه ، يمه والله مابي غيره ، يمه مو قادره انساه .. يمه تهقين شيسوي الحين ؟ هالحزة يكون بالنادي ، تهقين قطعه ولا لا ؟ يمه ﷲ يخليج قولي له اني لي الحين احبه .. "
( أنا مازلت افكر فيك و اموت بحبك و طاريك .. )
" و يامعيريس عين الله تراك و القمر و النجوم تمشي وراك "
ياترى شتسوي الحين ؟
اكيد اهي الحين بـ يمعه رفيجاتها ..
اهي كل خميس تروح لهم ! اهي مرتاحه ؟ مستانسه ؟
اخاف نستني ؟ حبيبتي .. ترا حبيبج لي الحين يحبج ! مستعد ابدلج بهلي قاعده يمي .. حبيبج عايش على ذكراج ولا قادر ينساج ، ابيج تديرين بالج على روحج .. اوه قصدي على روحي .. روحي لي الحين فيج أنا كلي لج و عشانج ، الاشياء الي تسبب لج حساسيه وخري عنها .. اذكر بعد كل عشا مع رفيجاتج تشكين لي من العوار .. حبيبتي ؟ ترا والله حبيبج لي الحين يحبج .. حبيبج مستعد يبيع الكل عشانج .. وينج عني ؟
و نزلت دمعه امام الجميع من عيناه ..
هو رجل ! لا يهزه شيء .. فماذا فعلت هي حتى تجعل الدموع تنهمر من عينآه و هي بعيده ..
رن هاتفهـا ..
" شلونج شخبارج ؟ " ، " الحمدلله " ..
" ماسمعتي شصار بعرس فلان الفلاني امس ؟ "
عرس منو ؟
انتي متأكده ؟
حبيبي عرّس ؟
انتي متأكده ؟ اهو قال يحبني
اهو قال ماراح يروح لـ غيري ..
اهو قال انتي كافي .. اهو قال بسوي المستحيل عشانج
انتي متأكده ؟
انتتتتتتي متأكده ؟
" رحلـت و من بقـى ويآي يحـس بضحكتـي و بكـاي .. "
القى عليها لعنه الحب و رحل ..
القى عليها لعنه الحزن الابدي ..
علمها و عودها على وجود رجل تفخر به في حياتها ..
رحل الآن ..
و ذهب كـ السراب !
هي بدورها كانت صادقه بحبها له ..
فلم تستطع ان تتحمل ثانيه اخره من دون وجوده معها ..

" قولوا له اني احبه كثير ، قولوا له اني على بعده ماقويت .. قولوا له اني مستحيل من بعده احب ، قولوا له مستحيل هي من بعدك تعيش ، قولوا له ياما تمنيت نظره منه في حالي ، قولوا له ياما تمنيت صوته لو يناديني .. بس وصلوا له و قولوا له .. هي خلاص راحت ، هي ماتبي الدنيا دونك ! هي وفيه ماراحت لغيرك .. هي راحت لربها الي خلقها .. "






تمّـت ..