تجربتي بشنقريلا مسق- عمان
السلام عليكم :eh_s(7):
انا رحت منتجع شنقريلا عمان وحبيت افيدكم بتجربتي :eh_s(7):
اهو ينقسم حق 3 فنادق الحصن (حق معاريس :hjy5jewf: وما يسمحون احد اقل من 18 سنه يدخل واغلاهم) وفي البندر (حق عايله :ioljnmlk:ويصلح حق اعمار من 12 لين 18 واسعارة متوسطه اقل من الحصن) والثالث الواحه حق العايلات:ioljnmlk: واطفال تحت ال12 واسعاره اقل من الباجي)
احنا قعدنا بالواحة وكنا 5 اعمارنا 50، 21، 19، 10، 2 وكلنا استانسنا ،استمتعنا.. وكان ممكن نروح للبندر والي بالبندر ممكن اي،ن عند الواحة.. الي بالحصن ممكن ايون صوب البندر والواحة.. بس الواحة والبندر مو ممكن يروحون للحصن :ggdw::friends:
بكلمكم عن الانشطه هناك :68_asmilies-com:
اول شي المكان وااايد حلو حق تمشي والجو كان واايد حلو لاهو برد ولا حر (رحنا شهر 1)
بالنسبه للمسبح في المسبح وايد حلو وفي النهر الي يفر على المنتجع ووايد حلوه السباحة فيه.. وفي حوض للاطفال وفي نافورة للاطفال وااايد حلوة :ggdw: وصراحتا انا طبيت فيها :eh_s(6): وفي البحر واااايد وااو!! :s142: وممكن بالمنتجع نفسه ناجر البنانا بوت والدونت والسكي!
في تاجير حصن وجمال جوله عاليال(شاطئ)
في نوادي ترفيهية للاطفال للاعمار من سنه لين ال15
بالنسبه للرحلات:
في رحله بحريه بالبوم لغروب الشمس مدتها 3 ساعات تقريبا واايد حلوة وبالرحلة يوزعون الحلو والجاي والقهوة والمشروبات الباردة
في رحله يوم كامل تشمل كل الرحلات البحريه ووااايد روووووعه!!! اهي يوم كامل.. اول شي يودونا مكان بالبحر كله دلافين ونشوفهم جدامنا واايد شي رائع.. وعقب يودونا سنوركلنق (الي اهي بكلمه ثانيه سباحة ) بعدين يودونا جزيره خاصه حقنا يروحنا فيها بنانا بوت على كيف كيفنا و في القوارب الصغيرة مالت التجديف والسباحة واايد روعه صوب الجزيره.. وطبعا اول ما وصلنا الجزيره المكان مجهز بالكامل!! وكان في الفاكهة والمشروبات البارده والقهوة والجاي والحلو.. عقب لما يعنا حطو الغدا كان رااائع وكان يتظمن الاكل البحري ويتظمن الدياي والخضره عشان يناسب جميع الاذواق.. وعقب الغدا يابولنا الحلوة العمانيه اللذيذة والقهوة كل ما تبرد او تخلص اييبون غيرها.. وطبعا كل هذا شامل سعر الرحله.. وعقب لما خلصنا رحنا صدنا سمج :icon30: وردينا الفندق..
(معلومه مهمة جدا: المايوووه الاسلامي!!!! لا تنسونه يالمتحجبات! لان ساتر وحلو والمكان وايد ظروري ان تنزلين بالماي)
شي جدا رائع من احلي الرحلات الي رحت لها بحياتي :eh_s(7):
الاسعار غاليه بس والله يا جماعه يسوي!! لان السعر شامل كل شي وتجربه حق عمر لان شي جمييييل خصوصا ان الناس طيبه والتعامل معاههم جدا راقي
الاكل عادي جدا يعني زين مو واو! بس عيبه غالي.. في عدة مطاعم وكافيهات بالمنتجع
شي اخير الي معاها يهال نصيحة تاخذ معاها صمون وجبن والاساسيات حق اليهال لان الاكل غالي شوي هناك.. ومافي جمعيات يم المنتجع ولا مجمعات!!
ان شاءالله اكون كفيت ووفيت واي استفسار انا حاظرة :rerrerek:
