عبدالغني ولجنة المنغصات .. ومهنة جديده بمكتب العمل ..!!!

الله يمسيكم ويصبحكم بالخير جميعاً وبدون تخصيص ..

من محبكم البازوكه اطيب وأرغ دحيه ..:2sh:
كنت مع خويي وصديقي الشفيق عصمان الشفيق من السودان الشقيق .. :smilie (76):



وكنت ابعزمه على مفطح لكن خفت انه ياكل المفطح ويكمل الشهر تبطح ..:106:


وقلت أخليها كبسة بخاري ..:35:
مع انه كان نفسه بوجبة بروست ..:bleh:


ودخلنا الملعب .. :icon77: قصدي المطعم وقلت يارفيق جيب نص كبسة بخاري
محـــلي ..:smilie (91):

وكان جنبنا واحد دب احسبه مصري يكلم بالجوال وكل شوي يحتج ويصرخ
أنا احتج يسقط يسقط ..:icon58:
صديقي عصمان يشجع المريخ ..

ويقول اكره ثلاثه هلال الخرطوم وهلال كادوغلي وهلال محلي ..:diablo:
وكمانه اكره هذا الدب المصري الزيفت اللي خرم دماغي
وهويصيح انا احتج يسقط يسقط ..:125:


قال مو كان احسن لو اخذنا وجبة بروست ..:smilie (91):
قلت كان فضحو فيك على البروستد .. حتى ولو بدون ثوم وكتشب وببسي دايت..
ماشفت كيف فضحو بالمسيكين البلطان .. :icon58::icon58:

لكن خلك رفيق وصديق .. الكبسة لأنها تمشي مع قناة مكبوسة .. واعلام مضغوط .. واقلام شوايه ..
ومراسيم فحم..:diablo::diablo:

مدرجات المحلي بالمبارة النهائية مليانه من العمال البنغاله
والباكستانيين والهنود وبالصور ..:bleh:


ويوم شفت صورهم بالمدرجات شكيت انهم فازو علينا بلعبة الكريكت ..:124:

وقلت هيه انت صديق جيب شطه .. جاب لي علم الهلال ..:smilie (91):

و يقاطعني ذا الدب وهو يصيح أنا أحتج ويسقط يسقط ..:icon35:

قلت ازعجتنا انت واحتجاجاتك وكل شوي يسقط يسقط رح مصر
واحتج هناك على مرسي ..:dance:


قال ماني بمصري انا أحتج على تسجيل النصر لخرستياس ..:125:
واحتج على لجنة المسابقات .. بنلعب مبارياتنا في بيتنا ..:129:

واحتج على الحكام واحتج على المعلقين واحتج على المخرجين ..!!

واحتج على اللي صور الهنود بمدرجاتنا ..:smilie (87):
واحتج على الفتح انه بياخذ الدوري ..:smilie (76):

واحتج على اخوي انه نصراوي ..:j9:

واحتج على عكازي ..:smilie (49):

وأحتج على البازوكه..:124:

ياخي عطو ذا الدب الدوري وريحونا منه ترا صدع روسنا ..:smilie (82):

وهو يحتج وإلا اقول عطوه نص كبسه بخاري
محلي ..:2sh::222:





الانسحاب من تشجيع النصر

شفت كارينيو بالمرمى وهوبالبنطلون والقميص يعزف في
بيتهم على الغيتار لأم عياله ..:zr85:

وصابني الحنين لأم البوازيك وقلت لعزف وسوي لك مثل أم عيال كارينيو ..:air_kiss::air_kiss:
معروف بييننا حب من اول عطسه ..:icon87::bash:
بيت شعبي ومليان غبار .
يومها اخذنا نتبادل العطسات وحبينا بعض من اول عطسه ..:smilie (12):
وأختلفنا من يعطس للثاني أكثر .. واتفقنا أنا أكبر وهي اكثر ..:222:

أهب يالبازوكه مسوي أسير الشوق على حين غره ... :2sh:
وناديت تعالي وهاتي العيال والأندونيسية للصاله يشجعون .. :drunk:

وتشيكت بالسروال والفنيلة وعزفت لها على الربابه وهي معلقه برقبتي ..:drag:


اقصد الربابه اللي معلقه والا أم العيال معلقه وناشبه برقبتي منذو مبطي ..:icon77::79:
وفكرت دام الجو شاعري ورومانسي اتاكد من ميولها ..:dance:

تخبرون هالايام في موضة تغيير الميول وصايره أكثر من تغيير الجنس .. :smilie (12):

وبعد يقولون عطني حض وارمني بالبحر ..:fishing1:


وقلت انا عارف انك ماتسبحين لكن اباخذك برحله بحرية على لستك .. :boat:
وادفك بالبحر .. ان غرقتي اتأكد انك نصراويه .. :icon77:


واعلن الحداد عليك .. واوعدك ماعطس لحد غيرك ..:j9:
اما ان طلعتي من البحر ابعرف انك غيرتي ميولك وصرتي هلاليه .. :smilie (82):
وقتها اوعدك اني اغرقك بنفسي ..:diablo:


بنرتاح من لعبة التشكيك الجديده كل شوي طالع واحد يقول

قررت اني انسحب من تشجيع النصر ..!!!

ومره يقول قررت اني اغير ميولي ..:air_kiss:
لكل زاعق وناعق اقول من الاساس انهم مو نصراويين
لكن جو يحتكون
مع الرجال يمكن يسترجلون لكنهم فشلو..
يعني نقول كان ممكن يصير مشروع رجال لكن فشل ..:smilie (82):
و النصروجماهيره ماهمهم انك تنسحب
اسحبوك من خشمك ..:dance:

ولا فكرو فيك ان غيرت ميولك وإلا حتى
تسوي تغير جنس ..:smilie (12):





بــــــــــــــــــــــــ وازيك ..



:52: يقول صحفي هلالي النصراويين لا يريدون صحفي نصراوي بل يريدون
صحفي يشتم الهلال ..:icon15:
والواقع يقول ويشهد ويزكي ويبصم بيديه ورجليه ويوقع بركبته ويختم بكوعه ..!!

ان هلال بني زعيق لايريدون صحفي هلالي بل يريدونه اعلامي مرتزق يشتم النصر والأهلي والاتحاد والربيع والباطن والعين .. يانور العين..:diablo:

ويشتم لجنة المسابقات ولجان الحكام والانضباط والمعلقين والاتحاد السعودي والاسيوي والفيفا والعميدين ماجد عبدالله ومحمد الدويش والعريف جستنيه ..

ولا يطالب الا بأكبر كذبة بالتاريخ المحلي حقوق الهلال وحقوق المراة ..:smilie (12):



:52:في كل مره يجلدهم العميد الدويش يطلبون المزيد حتى وصفهم بالصحافه الاسفنجية ..!!

حشى هذي صحافة سبنج بوب ..:bleh:
الله يغربلك ياسبنج بوب انت وصاحبك بسيط غربلتم رياضتنا الله يغربلكم وغبرتم اعلامنا وتاريخنا الرياضي ..ّّ!!!

ولا زالو مستمرين بالتغبيرو غبارهم يتطاير تدرون ليه لا نهم مايفرقون بين الصحافة والتفحيط .. وكله يفحط على كله ..!!1

لين يمسكهم العميد الدويش ويجلدهم أمام الماره في ساحة الصحافه ..:bash:





:52: حسين عبدالغني والمنشطات .. حسين متهور وإدارة النصر اكثر تهوراً .. لجنة المنشطات هلالية وامينها هلالي .. ويتربصون المكروالشر بالنصر ولاعبيه ..!!!

ويقولون امشي عدل يحتار عدوك فيك ..
وامينها شهر بأحمد عباس عندما نعق بغرابة التويتري .. !!!

هذه مسئولية رئيس النادي .. يطالب بحق اللاعب والنادي حسين قائد الفريق عليه التركيز في الملعب والا لاعب خارج فريقه من هزيمه ..!!!

بدل مايحس بالجماهير ويركز مع توجيهات المدرب هو وزملائه ينشغلون بالمناوشات مع اللجان ..!!

ادارة النصر كان لازم تعاقب عبدالغني بدل ماتصرف له مكافأة ..!!
والا يخلون قراراهم سري وداخلي اوعلى الاكثر يعلنون تحملهم للغرامة ..!!

بكره لاتلومون اللاعبين وتوقعو تشوفون عبدالغني يحتج على المنشطات وهوساوي يحتج على الحكم وغالب يصرخ على المساعد والسهلاوي يتهاوش مع المعلق وعيد يتضارب مع اللي يجيب الكور ..!!!


ويبدأ شعور اللاعبين ان الحكام واللجان كلها تعمل ضدهم ولن يسمح لهم احد بتحقيق بطوله ..
وننسى التركيز بالفوز وننسى نرجع للبطولات حتى بالحلم ..!!!

حسين تجاوز دوره وزايد على دور الادارة ..والنتيجة تكريمه ..!!
الاندية لا تدار بالعواطف ياكحيلان ..!!!







:52: اللي تابع مقابلة كارينيو يسمع رجل فاهم ويعرف علة النصر االلاعب الاجنبي وتغيير فكرمن اللاعبين والادارة وقضية عبدالغني والمنشطات وفكر اللاعبين تؤكد ماذهب اليه كارينيو..!!

ياجماعة.. ياإدارة .. ياناس .. ياهوه .. خلو الرجل يشتغل واتركوه يختار اللاعبين الاجانب ولا تتدخلون بعمله ..!!

والا والله كلها سنه وبتشوفون ذا الوسيم المسمسم يجر غيتاره وراه وهواصلع من كثر مايشد شعره ويمشي وهو يكلم نفسه ..:125:
وحنا نعد الضحايا يالله اللي بعده ..:smilie (82):




:52: بالنسبة للاعبين الاجانب نبي لاعب شرس مو مثل باستوس ماكنه برازيلي يوم اشوفه اتذكر ولد خالي معيض ..
:bleh:
نبي واحد يبين عليه الشر والشراسة وانه خاض معارك ضارية ..!!

يكون راسه مسطوح بمفك عجلات أو وجهه مشلوخ بخنجر .. والا مطعون برقبته
بقصاص أظافر ..:essen:يعني بالمختصر نبي مجرم حرب ..:96:
تعرفون الناس معادن .. ومثل ماقال سعيد صالح بالمسرحية المعادن تتبربر بالبروروه وتتحرحر بالحروره ..:happy:

لذلك اللاعب اذا لم يكن شرس ومقاتل وصاحب عزيمه يتأثر بالرهبة والخوف ..!!
ويفقد الثقه بالنفس ويظهرعلى وجوههم ويأثرون على المجموعه ويبدا العك والخوار ..:icon15:

بالنهائيات مثل طيبين الذكر حسني وخارستياس من طقطقة الركب
ماقدرو يسجلون ركلة ترجيح ..!!

لذلك نطالب بالتعاقد مع سفاح ..!!







:52: قرارات كارينيو استمرار باستوس ومحمد حسين واعطاء الفرصة لخارستياس اذا اثبت جدارته او عودة ايوفي ..!!
والاستغناء عن حسني واستبداله بلاعب كبير يشيل الفريق ..!!

مع العمل على المستويين الفني لياقيا ومهاريا .. وفكريا بحضور ذهني وثقه بالنفس ..
فكر كبير من مدرب كبير ..!!
كارينيو يحمل حمل ثقيل هو المدرب الفني والخبير النفسي وهو الاداري وهو المشجع ..

كارينيو انت نصراوي بالفطره وكنز انفتح لكيلان ياترا هل يحافظ عليك بصراحه صرت اخاف عليك من اعداء النجاح يطيرونك من النادي ..!!!







:52: العنزي خيره انك مارحت للمنتخب .. معروف انك الأفضل والأحسن والأجمل والأكمل .. هذا مو العنزي هذا صدى الملاعب ..:smilie (76):
يكفي ماقاله فيك الدويش لا يهمك كلمة دولي لا تنسى انك عالمي ..:dohaup_1223044079:





:52: على فكره يالربع اشوفهم اختارو يوسف السالم للمنتخب .. هو موقع للهلال ترا ماعندي خبر .. لكن اشوفهم ماخذينه يعدونه نفسيا وبدنيا بالمنتخب ..!!!




:52: حافظ على آسيا .. بيوصلون للعالمية بأي طريقه ولأنهم عارفين دايم ان بطولاتهم ماتجي الا عن طريق المكاتب .. طلع ترشيح حافظ ..!!

رئيسهم يقول اعطوني اللي ابي والا بمنع لاعبيني من المنتخب حسب تعليمات الفيفا ولا أحد يكلمني بالوطنية هذي رياضه وكرة قدم مالها شغل بالوطنية ..!!!

وأنا اقول بنفس المنطق ان شاء الله يفوز السركال وحافظ على آسيا
تصير حامض على بوزك .. :35:






:52: بعد البنغاله والهنود والسيرلانكيين اللي بمدرجات الهلال نطالب وزارة العمل تسجل للعمالة الوافده المهنة .. عامل .. سباك .. نجار .. حداد .. مبلط .. حلاق ..
وبالليل مشجع هلالي .. :124::bleh:

.. طيب الله أوقاتكم ..