اللمسات السحرية الجزء الثاني
اما الحادثه الثانيه فهي في المدرسه مابقى شيء ماتكسر ذيك اليوم يطلبنا المدير عشان نرسم على الزجاج وانا ماعرف أرسم شيء إلا رسمات الاحياء
عشان شاطر يحسبوني رسام ويجيب لنا لوحه زجاجيه يله ارسموا عشا ن تمثلوا المدرسه واقول لطلاب وخروا انا جيت أبرسم وبس اتكي عشان اسم يوم انكسرت كل طلاب طالعوا فيه
قالوا كفكسرتها قبل شوي طاحت مانكسرت والمدير يقول هذا الزجاج ضد الكسر قلت عاد شكلها تقليد ولا اكيد انتهت صلاحيتها جاء المدير يشوف رسمنا
ولايوم فتح فمه قال الله واكبر عليكم من كسرها و هي ضد الكسر قمت انا عشان ماحد يفتن علي قلت يأستاذ أنا جيت بالعلب عشان احطها على الطاوله وحطيتها بقوه وانكسرت معليش اسف قال المدير لاماعليك زين
إنا جبنا وحده أحتياط عاد خليتهم ورحت الفصل طبعا ياما انكسرفي يدي من ادوات المختبر لدرجة الأساتذه لم يشرحون لنا شيء ولازم نلسه عشا ننتعرف عليه
يخلون الطلاب كلهم يتحسسونه وأنا يقولون اكتفي بالنظر لأنها عهده علينا والله مسكين انأ محروم بالتمتع بلأشياء مثل الباقين
ومره شرت امي مواعين ملكي ضد الكسر وجت تتفشخر على ابويه وتقوله أتحداك تكسرها حاول أبويه أخواني كلهم لكنهم باؤا بالفشل قال أبويه نادوا صاحب اليد الذهبيه خلوه يجرب
إذا مانكسرت في يده فهي فعلا أصليه قامت أمي أعطتني الصحون وأبتسامة النصر على وجهها واخذتها وبكل قوتي مسكتها ورميتها وتفتت طالعة لأمي وقلت والله تقليد كلهم ضحكوا إلاأمي قامت
تسب وتصارخ علي وانا أقول بسم الله مو إإنتي قلتي أكسرها واللحين تخاصمين وقالت والله لأخصم عليك المصروف أسبوعين وقعدت بها أسبوعين بدون مصروف بلاذنب يذكر هالحين أنا مااحزن من جد
ومره قررت أزور أختي المتزوجه وجيت عندها والمسكينه تحسب الملك جاء عندهم راحت طلعت افخر الفناجيل والصحون وتحظر فيها الحلى وانواع الفطاير وهي فرحانه بزيارتي ماتدري ان موعينها ذي الكشخه اخرمره تحظرفيها
والله وسواليف أنا وهي ولأن زوجها كان مستلم قمت من الطفش قلت خلوني أساعده وشيل معها ذي الصحون والفناجيل اللي حشا كان قبيله جت عندها مو شخص واحد المهم وانا شايل صحن كله فناجيل مره حلوه وشكلها غريب وتصدقون حتى الصحن قزاز
اختي أختي ذي ذوق مره وانا ماشي طبعا المطبخ حقها سيراميك واولادها الله يهديهم معاهم دباباتهم وقاعدين يفحطون بالمطبخ كابين مويه وهات ياتفحيط وجيت أفحط معاهم وتكسرت كل الفناجيل والصحون وأختي جت على الصوت ولآيوم شافت كل شيءمكسر
وقدت تصارخ على واولادها وشالت الدبابات ومسحت المويه وحطت قطعه دائريه عاد انا أقول لها الله يهديك مكان لازم تحطي في ذي الصحون ا
لكن ماعليك لاما أتوظف انشاء الله راح أشتري لك محل أواني فاخره وأكتبه باسمك
وبعدين حضرت أختي العشاء وكانت السفره عليها مالذ وطاب وقلت انا الله على طبخك مره روعه بس لو في شطه ياسلام قالت اختي في شطه بالثلاجه بروح اجيبها لك وحلفت عليها ماتقومين انا اروح اجيبها كافي تعبك فيتحضير العشاء قالت خلاص تلقاها في باب الثلاجه واروح وكالعاده أفتح الباب بقوه
وتطيح الشطه من لثلاجه وتنكسر ويتعدم المطبخ بها تقول ذابح لي ذبيحه وتجي ءأختي وقالت كنت عارفه أنك سويت شيء من تأخرت كذا
المهم قلت خلاص أنا بمسح المطبخ وحلفت علي أني اروح طبعا ان سدت نفسي من الفشيله وجت اختي وقالت ماعليك إحنا متعودين على لمسات يدك وتعشينا وبعد العشاء نزلت السوق عشان
اشتري لأختي شيء يطيب خاطرها ورحت وشريت لها عوده رهبه مره وارجع البيت وانا فرحان واولع فحم وبخر لاني احب ابخر في بيتنا وكنت أعبي البيت بخور لما يصير البيت كله ضباب
وبعدين لما شمت ريحة العوده أعجبتها كثير وقلت لها هذي هديه فرحت فيها وقالت لي روح بخر غرفة النوم وكانت غرفة نومها كبيره مره وحلوه المهم دخلت وانا ابخر وأدور وانا مغمض عيوني وبسرعه
ومافتحت وأشوف الفحم منثر على الفرش وبدال ريحة البخورصارة ريحة حريقه وأجري على المطبخ عشان اجيب مويه اطفي الفحم وألقى أختي مسكينه تلقط في الجمر كبيت المويه على الفحم الباقي طالعت فيه
بأسى وقات اليتك حرقت أي شيء ثاني غير هذي الزرله احلى وحده عندي قلت لها ياشيخه ذا قضاء وقدر وانشاء الله للما اتوظف قاطعتني اختي تشتري لي محل مفروشات فاخر قلت ماشاء الله عليك تقرين أفكاري قلت خلاص انابروح العب لأولادك الله يخليك لاتعورهم قلت أيش دعوى انا مو خالهم
واخاف عليهم ولاعدو قالت مو قصدي لايؤذؤن بعض ورحت العبهم وهم فرحانين وبعدين قلت وش رايكم العبكم لعبة الأشباح وأطفي الأنوار واخرعهم
واثاريهم خوافين قاموا يبكون من جد والمشكله لما طفيت النور احترقت اللمبه والله ماأبالغ فتحت لهم الباب وخرجوا يتصايحون وخرجت رحت عند النونو عشان العب له كان عمره ذيك اليوم 3 الشهور كان يحب لعبه شلكها غريب وكنت أحركها قدامه وهو فاطس من الضحك كانت ضحكته مره حلوه وشوي يوم
أنكسرت اللعبه وطقت بين عيونه بقوه ولاصياح الولد ويبكي بطريقه غريبه ووجهه زرق جت امه وشالته وتي تسكته درت ودموعها المسكينه على خدها الولد كان بيتشنج بس الله ارحمه
هي اهون الاحداث اللي مرت علي وخرجنا منها بإقل الخساير طبعا هذي غيض من فيض وانا اخترت هذه الاحداث من سلسلة مرت في حياتي ومازلت فيها
انا ماقلت لكم عن المصعد اللي في الجامعه يقولون زملائي اني خربته وانا بريء انا ماانكر اني كنت بصلحه و ولكن للاسف علق بطلاب واناماكنت معهم لكني استطعت إخراجهم منه والحمد لله ترى صحيح واجد اجهزه انتهى اجلها بيدي ولكن كثير أجهزه عادت لها الحياة في يدي
ومره كنت توي صاحي من النوم ورحت أوضي عشان أصلي الفجر وكان الجوي برد قارص ودخلت الغرفه وقلت بشغل الدفايه أدفى شوي لين تقوم الصلاه واروح المسجد واشبك الدفايه ويوم تلتمس الكهرباء وتطفى الغرفه وجت اختي بغداد على الصوت وهي تقول ولد شكلك تبي تفجر البيت
وأطنشها وروح الصاله بدفايتي وادخلها بالفيش ويطلع دخان من الفيش وتطفى الصاله وتصيح أختي ولد أطلع من البيت تبي تقتلنا بروح أنادي ابويه , قلت خلاص بروح المسجد احسن قالت لاتفجر المسجد المصلين مالهم ذنب
انتظر ردودكم
ولكم خالص الشكر
اخوكم البرفسور الحنون
