خلونا واقعين شوي ... حياكــم (نـقـاش)

السـلام عليكم ورحمة الله وبركاته
صبحـكم الله بالخيــر ,,,
نسأل الله ان يجعل صباحكم وصباحنا مغفرة منه وعفو ورحمة
وان يتجاوز عن خطياتنا ولا يفضحنا يوم القيامة
وان يدخلنا الجنة التي عرضها السماوات والارض
اللهم آآآميــن يارب العالميـن:eh_s(17)::eh_s(17)::eh_s(17)::e h_s(17):: eh_s(17)::eh_s(17):

اليوم حبيت انزل موضوع طبعا مو منقول من موقع ولا من منتدى موضوع
أنا فكرت فيه امس وقررت اطرحة اليوم عليكم يا أخواتي العزيزات
بما اني وايد وايد اتابع المنتدى وخصوصا هذا القسم

فعـلا كلنا عندنا مشاكل وندور الحلول لكـــــــــــــن انا ماوجه الكلام لكم لا طبعا حشى
عشان مابي كل وحده تهجم علي بالكلام القاسي عندج كلام طيب تفضلي ماعندج بس اقريه وتيسري ...:eh_s(15):
طبعا الكلام ياحبيباتي الحلوات ..
اوجهه للبعض اللي تقول زوجي وحبيبته زوجي متعرف على صديقتي زوجي خاني
انا شقصرت اطبخ اغسل اشتغل اصرف اسوي ووو معقووووووووووووولــه

معقــوله يا بنات ياللي انتي متزوجة كاملة والكامل الله واهو الظالم
يعني الحين الغلط فالرجال ومحسستني مافيج عيب ولا فيج غلط ...؟؟؟

مو معقولة لا تنكرين انتي وحده في يوم طال لسانج عليه اكيد اكيد الاااا اكيدين بعــد
انتي في يوم (ضربتيه )!! (قسيتي عليه )!! (سمعتيه كلام مثل السم)!! انا ماعم الجميع
ترى في حريم مثل اللي قوست عليه بااللون الاحمر وووووتبين زوجج مايخونج :rgewrg:
لبسي له كشخي له سمعيه كلام طيب احترمي وجوده بالبيت وبرع البيت وقدام عياله واهله وهلج
وبعدين اكثـــــــــــر اكثـــــــــر المتزوجات عندهم حبــــــــيـــب لازم تكلم واحد ليش هالظاهره
قاعده تطلع وتزيد؟؟ زوجي عنده وحده انا بعد بدور لي عشيق يهتم فيني ويسمعني
يحس فيني ليش قاعده الاحظ اكثر المتزوجات عندهم تلفونات 2 بيبي او ايفون ...
وتكلم شباب وتقابلهم واذا بعد ما ..... مايحتاج اقول وتقولين زوجج مايهتم فيج
لا تقصين على حالج انتي بمقدورج تغيرين من نفسج اول شـــــــــــي
بطلي هالعاده السيئة وربنا اذا اليوم ماكشفج بكره بيكشفج ...
عدلي من نفسج شوفي انتي شسويتي عدلي من نفسج من اسلوبج من لسانج
زوجي غلط ماروح انا اغلط اهو عليه الله وانا ربي مابينساني ...

انا معاي بالدوام حريم متزوجات وعندهم عيال الصدمة انهم يكلمون ويقابلون ليش
يافلانه حراااااااام ...

ترد بكل برووود والله ريلي مايقدر يشتري لي عقد الماس مايحجز لي شاليه في المكان الفلاني
مايدلعني مثل حبيبي هذاك ابو عيالي وذي حبيبي والثاني صديقي وقت اللي لاحتجت مبلغ مايقصر
لي درجة حتى سياره من الوكاله ياخذ لها والامور طيبه وتساهيل ...
طييييييييب انتي تشتغلين شقاصرج لوووووووووووو يعطونها فلوس الدنيا المره صارت ادمان
بصراحة هاي اللي قاعده اجوفة بعيني واانا ماسكت انا انصح لوجه الله خذت النصيحة وتقبلت
جزاها الله الف خير اماااااا بتتلاعب من ورا زوجها عليها الله صج الله يستر ويغطي ويعطيج فرصة
لكن اذا ماتعضتي لاحول الله ولا قوه الا باالله ...


فضايح وايد قاعده تصير مثل هالايام وحده متزوجه راكبة دراجة ناريه مع حبيبها وصار حادث
وتوفوا لكن زوجها مارضى يستقبل الناس للعزاء وحده خاينه بعد تبوني احزن عليها

عليها الله وربي يحاسبها انتي تزوجتي تبين الستر تبين عيال الهي مع عيالج طلعي واستانسي
لا يقص عليج الشيطان وقولج بعدج صغيره استانسي وشوفي فلان بالمول شلون يطالعج وبعدين ....

لي متى عمرها 25 او 33 او حتى 40 والقهر وحده بالـ50 وتغازل من ورا ابو عيالها وهي جده !
عندها احفاد عيب والله عيب يعني الموضوع اللي ابي اناقشة وياكم تشوفونه ولا بس انا اشوف
هالظاهره المنتشره انتشار غير طبيعي ...




يــــــلا المايك لكم الله يستر علينا دنيا وآخـره:eh_s(8):