من اجمل المرثيات

السلام عليكم اخوتي
قرأت هذه المرثية واحببت ان اشارككم فيها
لما تحمل من معاني في كلماتها
اتمنى ان تنال اعجابكم

خايف عليها من الثرى غطاها ..........و الا الحصى حافيه اخاف اذاها
اكـرم عليها بالـكفـن يا مطوع.......... بالـبيــت ضل فراشها وغـطاهـا
اكرم عليه بالكفن هذي امي ..........و شهد عليها في ما عطت يمناها
هـذي الضحى واليل يتحرونها.......... هذي السماء و نجومه تـنـعاها
هذي السوالف مثلنا تبكيها .......... والارض تنشد عن اثر لخطاها
هـذي الكبـيــره كبر هذي الدنيا..........هذي العـظيـمـه جـل مـن سواها
ابـكـي عـليهـا مـو نهـار و لـيله.......... و لا سنه تـمشي وعـد قـضاها
ابكي عليها كثر ما شالـتـنـي ..........و كثــر الحنين الي اخـتـلط بغناها
و كثر الاسامي و كثر من سموها........ و كثرالنجوم و كثر من يرعاها
ابكي عليهـا من القـهـر يا دنيا............... من لي انـا عقــب فـرقـاهــا
من فتحـت عـينـي و لا خلـتنـي ........... و شوفوا ولدها بالـقبـر خلاها
هل التراب بوجــها ما قصر .......... شفــتـوا ولدها كـيـف هو جازاها
لو انـهـا مكاني ما ســوتـــها ............ لاكــن اعز عــيالهــا ســواهـا
يا دود يا دود شفها ذابله جنبها .......... انا ولدها و حاضر وأفداها
قطعني هاك الي تبــي من جسمي ..... بس الكريـمه لا تجي بحـذاها
و وصيك امانه قل لها تعذرني....... و تكفى تروح تحب لي ماطاها
ابيها تغفر لي مثل ما كانت........... كل خمله منهي بطيبها ترفاها
يالله عساها بالنعـيم الخالد.......... و عساها في جنة عدن سكناها
يا فضو هذا الكون يا هو خالي ........ يا ضيق هذي الدنيا يا مقساها
يا مر طــعــم فراقـهـا يا مره .......... مانـي مصدق ارجع ومالقاهــا
وشلون اجي غرفتها ما هي فيها .....وش عذري السبحتها ومصلاها
وش اقول انا لدولابها واذا ..........سالني مشطها وحنها وعباتها
ومي زمزم ومصحفها والمبخره …. ورشوشها ودواها الكل في غرفتها
متفقدها حتى الجدار متفطر ويرجاها............ الكل يبكيها مهو ناسيها
يالله صبرني و شلون انساها ياليتها.... مارحت و خلتني او وسعت لي بالقبر ويها

http://www.youtube.com/watch?
...&v=hBHNbZ0NbV8