روايتي الثانيه
..اذا غاب الاهتمام اصبح الرحيل واجب..
السلام عليكم ورحمة الله وبركاته
طبعا رجعت لكم حبايبي مره ثانيه
بجديدي اتمنى اني كنت خفيفه عليكم بروايتي الاولى اللي
هي..راح وراحت احلامي معه..
اليوم قصه غير .ابطال غير .نهايه غير
بالنسبه للبارتات ماادري بصراحه ايش الوقت اللي يناسبني
بس على قد مااقدر راح انزل ..طبعا مااسامح أي احد ينقلها بغير اسمي لاني حيل تعبت فيها
بسم الله ونبدا بالبارت الاول من
اذاغاب الاهتمام اصبح الرحيل واجب..شوق الخالدي
تاريخ/15/4/1434ه
البارت الاول ..
كانت بغرفتها غارقه بافكارها واحلامها الورديه بس قطع عليها
صوت ابوها يناديها
الاب/رغد يارغدددد
قامت رغد من مكانها وراحت تشوف ابوها ايش يبغى
رغد وهي نازله من الدرج/هلا يبه وش بغيت
الاب/نادي اخوك وتعاليلي للمكتب ابيكم
رغد/انشاءالله يبه دقايق بس
رغدوهي طالعه لغرفة اخوها /سعووودد
سعود/خييييررر
رغد/تعال معاي للمكتب ابوي يبينا
سعود/ليش وش صاير
رغد/ماادري ماقال لي شي تعال وانت ساكت
سعود/يلا امشي
راحوا سعود ورغد للمكتب ..
فالمكتب..
سعود&رغد/سلام
الاب&الام/وعليكم السلام
الاب/اقعدوا بقول لكم شي
سعود/خير يبه صاير شي
الاب/موصاير الا كل خير بس انت اقعد
سعودوهو يقعد/وهذي قعده بس قوول
الاب/بصراحه ياعيالي ماادري شقول لكم بس اليوم جاني
خبر نقلي للشرقيه وبصراحه وافقت عليه لمصلحتي ومصلحتكم
رغد لا شعوريا شهقت/لييييش يبه
الاب/ليش يارغد ماتبين الشرقيه؟
رغدوالدموع فعيونها/لا ماابيها وليش وقعت قبل لا تاخذ راينا
الاب بعصبيه/خلصت اجراءات النقل وخلاص انتهى الامر
رغد وهي تصيح/يممه تكفين اقنعيه مانبي نطلع من الرياض
الام/رغد اهدي حبيبتي ابوك خلص اجراءات النقل ومايقدر
يلغي شي
سعود بفرح/خلاص يبه يعني متى بنروووح
الاب/ان شاءالله بعد اسبوعين بنكون هناك بس لما ادور بيت واشوف الشغل..
سعود بفرحح/ززين..اجل يلا سلام
رغد طلعت غرفتها وهي تبككككيييي
//حرراام عليككك يبه ليش تبي تحرمني من الناس اللي احبهمم
والله حراااام وكانت تبكي بحرااااره وقهر
اتصلت رغد على صديقتها المقربه تشكيلها
وتقوللها وش صااار
رغد/ريييم الحقي عليي ابوي بينقلنااااا
ريم بفزع/بسم الله عليككك اهدي وقوليلي شفييييكك
رغد بعصبيه مع بكا/اقول لك ابوي بينقلنا يعني خلاص
بننقل من الرياضض
ريم/رغد حبيبتي واللي يسلمك اهدي يمكن هالشي خيره
رغد/ريم كيف تبيني اهدا وانا ببعد عنكمم
ريم/ياقلبي بطلي بكا وفهميني حبه حبه
رغد قالت لها على السالفه
ريم بزعل مو مبينته/ياحبيبتي عادي الشرقيه ماهي بعيده
حيل عن الرياض تقدرون تجون هنا بأي وقت
رغد بعدم اقتناع/خلاص الحين انا بسكر
ريم/اوكك بس مو تسوين مناحه بعد ماتسكرين
رغد/اوككك باااي
ريم/باي
رغد سكرت وقعدت تصيح وتتكلم على نفسها
رغد بصياح/خلاص يعني بعد اسبوعين ماراح اشوفك ياخالد
ولا انتي ياريمم ولا جدددتي ياربي صبرني بس
وكملتت صيااح لما غرقت في سااااابع نومه
...........................................
نعرفكم بشخصيات البارت الاول
رغد/بنت حنونه وطيبه مرا وتحب الخير للناس وعلى نياتها
مواصفاتها:طولها متوسط .شعرها طويل يوصل لاخر ظهرها
لونه اسود جسمها خيال مليانه شوي عيونها وساع ولونهم اسود
خشمها طويل وصغير وشفايفها صغيره ورديه بأختصار
ملااااااك عمرها 18 سنه تدرس ثالث ثانوي
سعود/اخو رغد يخقق اسمر طويل جسمه معضل
عيونه سود ووساع تقريبا يشبه لرغد يدرس ادارة اعمال عمره 22 سنه
الاب/ماجدعمره 45 سنه يشتغل بشركه حنون على اولاده ويحبهممم حيلل
الام/سارا عمرها 39تحب عيالها وابو سعود بالحيل
وماترفض لرغد طلب
واحلا مافيها اخلاقهاااا
ذا البارت الاول بس اعطيتكم شي بسيط
علشان اشوف ارائكم وتوقعاتكممم
بقلم/شوق الخالدي
