والله لعلم ابوي انك ... ؟!!! [ الاساليب كفيلة بالتأديب ]
السلام عليكم ورحمة الله وبركاته
كيفكم يا اعضاء العام
وحشتووووووني من زمان عنكم :v
ندخل في الموضوع بدون مقدمات
الموضوع عن الاساليب في الاقناع واحترام الطرف الاخر والتأثير فيه بطريقه ايجابيه
طبعا اليوم لقيت ورقه في السياره داخل علبة الدخان اللي نسيها صاحبي في السياره ×:
مما دعاني لكتابة هذا الموضوع لتأثيره الكبير علي لدرجة اني راح احتفظ بالورقه ان شاء الله للابد
اترككم مع الورقه ومحتواها ومن ثم نكمل موضوعنا
http://up.arab-x.com/May12/MEE07250.jpg
للي مافهم الكلام اللي بالورقه
((( ما توقعتك تدخن وان شاء الله انه مو لك لاحد من اصحابك ...
صراحة خجلانه منك ماني عارفه اواجهك اللي يقهر اني كنت ادور مصحف وتفاجئت بالدخان ...
اختك وحبيبتك اللي تدور مصلحتك ...
( الاسم )
انت دايما لمن اغلط تعاملني بنفس الاسلوب
فأتمنى تحط نفسك مكاني ... )))
الكثير منا هذي اليومين يشوفك تغلط يذلك ويفضحك .. ويهددك انه يعلم ابوك او امك
وللاسف ما ندرك ان هذا الاسلوب يخلي الشخص يعاند ويستمر بالغلط
ولو عرف الاب راح يصير الابن ما عنده شي يخسره وبذلك يستمر في اخطاءه
بينما لو جينا للمخطئ بأسلوب المحبه والمعزه وحسن الظن راح يأنبه ضميره وراح يقتنع من داخله
فما بالكم لو كان انسان عزيز عليك
سؤالي .. هل تمارسون هذه الاساليب مع اخوانكم الصغار او الكبار ..؟
وماهي الاساليب التي تتعاملون فيها ؟
اتمنى الكل يجرب ويشوف المفعول
صحيح ان مجتمعنا قاسي شويه وما يغفر الاخطاء ولكن كل شخص بإمكانه يعدل من نفسه بأسلوبه ويكون لطيف مع اقرب الناس له
موضوع حبيت انزله واتمنى انه يغير من التفكير الرجعي والاستغلالي لدى البعض
تحياتي
