تجربتي مع مس فاشن، فــاشلــه !

مس فاشن للساعات والاكسسوارات ..

تعاملت معه وطلبت 11 ساعة.
وكتبت الألوان الي ابيهم وسهيت عن كتابه 3.

وصل لي 3 نفس طلبي، والباقي مختارهم من راسه.
سواء الي طلبتهم ماارفقهم ارسل لي شئ ثاني.
والي ماحددت الوانه هم بعد اختاره هو.

مع ان المفروض يرسل ويسأل ويأكد الطلب.
لاارسال ولاسؤال ولا تاكيد بالطلب.

أول شئ الرد عنده موب مباشر، عند ارسال الطلب ترسلهم تقول ترى ارسلت طلبيتي.
ومايردون على طول يطولون يومين الى 3.
ويوم كلمته قال مدري خلني اشيك وارجع ادق عليكم هذا الكلام بعد يومين من ارسال الطلب على الموقع.
وقال استلم الطلب والسبت بيرسله، الاثنين وصل ومثل ماذكرت مختار على كيفه.
وارسلت رساله اقول لهم ماردوا، واتصلت هم بعد ماردوا
اتصلت اليوم الثاني زعلان يقول والله انتم ماحددتم ، قلت وانت المفروض ترسل.
والي محدد مارسلته، مرسل غيرهم قال انا مشغول وعندي طلبات واجد
طيب موب مشكلتي انت صاحب عمل، المفروض تديرون عملكم بالشكل المطلوب.
ومنا مناك والفلسفه، وقلت برجعهم وعدل طلبيتي. قال زين.
اكلمه بعد يومين قلت متى بترسل، يقول والله الساعات الفلانيه مافي جاء احد واخذهم والثاني مافي اللون.
قلت انا طلبي معتمد من قبل والمفروض تعزل طلبي، قال اصلا طلبك ماهو من ضمن الي خذاهم الشخص.

يعني من الاصل مافي، لاذكر هذا في الموقع, وعند الطلب هم ماذكره، وعند استرجاع الطلب ماقال مافي. ويوم عصبت قال رجعهم برجعلك فلوسك. نلعب حنا !
قلت له ماعاد ابي ارجع ولا ترجع لي والاغراض بصرفها, اسلوب يرفع الضغط.

عموماً تعاملهم فاشل، واسلوبهم افشل .
ومايستحقون الثقه، واسلوبهم اسلوب الكذب والخداع .

هذه والله تجربتي معهم، وماني مسامحتهم ولاني راضيه عنهم !!!
ولا ابي قطع ارزاق,
لكن الاستهتار بطلبات الزبون حق من واجب التاجر الالتزام فيه.


انتهى

.
.