The story of her life. By @SoliKout

بسم الله الرحمن الرحيم..
السلام عليكم :eh_s(7):

جك بم طق ببالي انزل لكم روايتي.. اول روايه تقريبا اقرّيها حق احد
مادري راح تعجبكم ولا لا.. بس اتمنى ان اذا عجبتكم وحبيتو تحطونها مكان ثاني تذكرون اسمي SoliKout
وبما اني مبتدئه ودي اعرف سلبيات الكلمات البسيطه الي كتبتها.. :eh_s(22):
وللعلم القصه واقعيّه لكن احداثها والحوارات تقريبا من تأليفي..
وشكرا.. اخليكم مع المقدمه الصغيرونه..

:eh_s(17):



شلون ابدا هالروايه ؟ حق اي كلمه اروح؟ صج مادري.. بس اتمنى ان تونسكم.. وكل شي يوصل لي قلوبكم وتعيشون معاي كل لحظه بروايتي القصيره..

---part 1---

الخميس 2\12\2009
اليوم غير، مو مثل كل الايام! اليوم بتكبر، ويكبر عشقها معاها.. بيصير عمرها 16 و بتشوفه اليوم!
12 بعد منتصف الليل، بفراشها تبتسم واهي ترد على رفيجاتها الي يهنونها بالفيس بوك وناطره على احر من الجمر..
‫"‬انا قتله بعيد ميلاده اول ماصارت 12، ليش للحين ماقالي؟ انزين كاهو كتب قبل ربع ساعه شدعوه يسوي روحه مايدري! "
حطت الآيبود بصوب وسرحت واهي تنطر.. راحت بمكان بعيد وايد.. خذتها الافكار لي هناك.. المكان الي تتحقق فيه احلامها وامنياتها.. "خيالها…"
ظلت تفكّر.. اقوله باجر؟ انزين شلون اقوله وانا كل ماشفته تلعثمت.. شلون يا دلول.. شلون


بمكان ثاني، مكان ابعد
قط روحه عالفراش واهو متضايق.. شلون مايتضايق واهو بيهد ديرته واهله وناسه ويروح بالغربه بروحه! انزين منو طاقه على ايده؟ حلمه.. كان حلم محمد ان يتخرج من بره ويصير مهندس البترول الي تفتخر فيه العايله.. راح افقد يمعتنا كل خميس.. وربع الثنويه.. الدراسه بتفرقنا عدل!

الغرفه الي قبال غرفته، دخل واهو يتسحّب بالظلمه.. تأكد ان محد شافه وسكر الباب.. بطل جنطته مالت النادي وطلع منها الجيس الي خاشه واهو يضحك "شفيني انا جني مهرب هيروين الحمدلله والشكر" فتح الصندوق الي فيه هديتها وظل يطالعه مده.. واهو يبتسم.. شلون بعطيج ياها بدون لا احد يشوفنا؟ ان شافوني بيفضحوني.. واذا درو اخوانج ذبحوني.. متى اتخرج واخطبج يالخايسه ؟ وانا شحقه ماقتلها للحين شناطر بالله.. جسم وعدلناه وشعر وحلقناه.. عسى ماتقول حق اخوانها بس تفضحنا انشالله ماتطلع فضيحه جذي.. بطل الفيس بوك وطرشلها مسج.. "كل عام وانتي بخير بنت عمي النتفه" واهو لو بيده جان كتبلها اشعار وغناوي..



نرد لها؟ فزت من صوت الايبود.. شافت ولقت ان وصلها مسج! بطلته واهي شوي وتسوي عرس من الوناسه.. ثواني ولّا ..
"ويع ! الحين انطر وانطر واتخيل واخر شي هذا دازلي! يحليله هالنفسيه بعد يعرف يقول كلمه حلوه.. انشالله يدزلي اخوك يعني"

نامت واهي تنطر.. ولي يومكم هذا واهي تنطر..
اكو شي يذبح كثر ان ننطر من الي نحبهم كلمه حلوه؟ انزين اي كلمه حتى لو مو حلوه..
ترى اكثر واحد مرتاح فينا الي ماينطر شي من احد.. !


اليوم الي بعده، بالليل.. واقفه جدام المنظره وكل شوي تلبس بدله غير.. وتوري ساره.. اي صح منو ساره
ساره سلمكم الله اخت دلال الي مايابتها امها.. ما تتشابه مع دلال بولا شي ولي هاليوم مايدرون شلون صاروا رفيجات!
ساره تكلمها بالمسنجر (شخباري) : خلاص والله شزينج بروح بطلع يالله عاد
دلال : لا لا نطري تكفه اخر نفنوف عشاني
ساره : انا غلطانه الي معطيتج ويه تدرين ؟ امي قاعده تناديني خلاص خلج على هالبيج وايد حلو
دلال : اوكي سلمي عليها يالله روحي لاتزفني انا
ساره : زين حسيتي الحمدلله (وصكرت الكام بويهها)

راحت دلال وقعدت تتكشخ وحطت مكياج خفيف.. بعد دقيقتين.. "دلولو بطلي الباب ياصمخه ماتسمعين!"
شالت السماعات من اذونها وبطلت الباب : يماا لاتزفين خو حاطه هذا باذوني
امها : نطري انتي باجر اذونج بتحترق! بعدين تعالي شحقه جذي متسبحه بالعطر ترا في رياييل!
دلال : وي صج! ماكنت ادري ماقلتيلي
امها : انزين اشوف يالله مسحي المسكرا جم مره اقولج ماحب اشوفها!
دلال : يمااا عاد حاطه خفيف الله يخليج
امها : بس اليوم! (وطلعت وصكرت الباب..)

(قبل يومين)
.. مسكت التلفون بتدق على رفيجتها ولا تسمع
‫امها : متى بتروح الجامعه انشالله‬
علي : والله قريب عمتي بس ناطر يقبلوني..
امها : اي انشالله.. اي جامعه عاد؟
علي : عقب باجر اقولكم مفاجأه..
امها : زين الي قلتلي بتيي باجر خل احسب حسابك عالعشا

سكرت التلفون واهي بتطير من الوناسه..

اكو احلى من شوفتهم؟ عيدميلادها مايسوي بدونه.. كيكتها والهدايا والناس الي يحبونها ولا شي اذا اهو مو موجود..
مع انه مو بحياتها.. بس الحب من طرف واحد يخليك تتخيل ان الطرف الثاني يحبك وعايش معاك بكل لحظه..
وحطو تحت "تتخيل" ستين خط!