..من القديم ..ربما.. إنما هو أمر يتكرر في الحياة
بـين اقبال وبـيـن اقفـاي
شفت أطوار الدنيا ..حيّ
ممـا شـفـته حـار الـراي
بين المستحسن والسيّ
بعض الناس..الله ويّاي
لو أخلص له مااخلص ليّ
قبل الغـايـه فـي دنـيـاي
كـنّـه مـمـلـوك ٍ بـ يـديّ
حين أدركها من يـمناي
أدبر مثل ادبــار الفـيّ
باع الخوّه "شوف ازّاي"
واستغفلني ..هذي هيّ
يمـكن متـهاون شـرواي
والسقم اتلى ادواه الكيّ
و ش اكثر من حث اخطاي
في درب الواجـب ياخـيّ
مااعلم بالغــيـب الرمّــاي
الله أعــلـم فـــيه وفــيّ
كنت اظـنـه فـي مخباي
واثر " الحربا" بمية زيّ
قلته ..ماستكبر شكواي
فيه أكبر منـها يـاويّ
خذت العبره من دعواي
واجد ولاّ خذت اشـويّ
لف العالم رايح..جـاي
تلقى الرشد وتلقى الغيّ
لايمكن.. وافهم معنـاي
يملا عين بْنادم شىّ !!
