عندي مشكلة وابغى مساعدتكم
اغنام - ابل - دواجن - طيور
السلام عليكم ورحمة الله وبركاته
اخواني انا مربي طيور من القصيم
اتصل علي واحد من الرياض وقالي ابغى دجاج من القصيم قلت له ابشر وشكله اخذ رقمي من المنتدى هنا لاني عرضت دجاج امريكي وبراهما
وقالي ابغى بولش والبراهما ورومي قلت له عندي بولش وبراهما وارسلت له الصور وشافها واتفقنا على السعر 60 للبولش و50 للبراهما
وقال لي ان موقعه بالرياض المزاحمية قلت له تم انا جاي للرياض عندي موعد واجيبها معي واسلمها لك باي مكان تبغى قال موافق بس بشرط تجيب لي رومي بياض معاك
حصلت له رومي عند واحد وقالي الحبه ب 150 اتصلت عليه وقلت له لقيت لك رومي ب150 احمله ولا لا قالي اوكي حمل حملت الطيور ودفعت فلوسها من جيبي ويشهد الله
تكسفت فيها بالطريق السريع كسافه وقفت تقريبا 6 مرات لانها كانت بكراتين ومع ذلك مااخذت منه ولا ريال توصيل . قلت على طريقي اكسب اجر وقبل مااحرك من القصيم اتصلت عليه تاكيد
قلت له احرك خلاص انت جازم تبي الحلال قال اوكي وواعدني عند الكبري المعلق بين الرياض والمزاحمية يوم وصلت الرياض اتصلت عليه قال تعال لي عند سوق العزيزية على طريق الحاير
رحت له بالسوق وكلمته قال تعال انا عند باب الحراج حق الطيور رحت له هناك ويوم وصلته حسيته بلش مادري وش يبغى من الدنيا قلت له وين تبغى انزلهم لك لو تبي المزاحمية اوصلها لك
قال لا انا بنتظر ناس مواعدهم بيجون يشترون الحلال وجلست معه لين جاء واحد من خوياه وبدا يطلع عيوب بالحلال قلت له اخوي اذا ماتبي الحلال قلي بس لاتطلع عيوب من عندك
قال لاخ لاص نزله ونزلته له على الرصيف قدام الحراج والرجال راح وجاب دلال وبدا يحرج على الرومي ووصل سعر الجوز بالحراج 180 قالي تبي تبيع علي بسعر الحراج ولا ماابيه
قلت له ياخي كلمتك اكثر من مره قبل مااحرك من القصيم وانت قلت لي جبه شلون الحين تغير كلامك وبعدين الرومي مالي علاقة فيه مو من حلالي انا مشترية لك .
تركت عنده الحلال وقلت انا بروح عندي موعد اذا بتاخذه خذه واذا ماتبيه خله انا اجي اخذه . وانا طالع من السوق بدا يتصل علي هو وخوية ويحاولون يكسرون بالحلال قلت له ياخوي اذا
انت ناوي تنصب وتغش خذ الحلال كله لك مابيه . المهم الرجال اخذ كل الحلال وفوقها الاقفاص مستعيرها من راعي الرومي ودفعت مقابلها 500 ريال وهي ماتسوى 100
الخسارة الي خسرتها تقريبا 10000 ريال حسبنا الله ونعم الوكيل ما شفت منها ولا ريال حتى الان .
الشخص هذا ماعرفت منه الا ان اسمه ابو احمد بحراج الرياض من اهل المزاحمية . حاولت اتوصل معاه لحل بالجوال وبدا يسب ويشتم انا شاكك في وضعه .
ابي منكم يااخوان الحل معه وش اسوي فيه ياليت تساعدوني .
uk]d la;gm ,hfyn lshu]j;l
