يالطيف الروح جور الزمن كافي
قصيدة أخرى من روائع جارف
[frame="7 80"]يالطيف الروح جور الزمن كافي
جارف الشكره
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يافهد ونّيت في راس مشرافي=من إهمومٍ تحرق القلب وإتلوفه
ونةٍ منها الجبل قال (ياكافي=نعنبوكم ذا الصبي ويش في جوفه؟!)
قلت (لوّك ياجبل تعرف الخافي=أوتعيش أوضاع (من حبّ) وإظروفه
كان دمعك يالجبل صبّ ذرّافي=وإرتمى راسك على القاع من خوفه
من زمانٍٍٍ قرّر اليوم بإتلافي=يلعب إبقلبي كما لعب درّوفه
لفّ قلبي لفّ سيرٍ إبحذّافي=لين وقّع به على حدّ مرهوفه
والبلا زاد البلا زين الأوصافي=وألحق الكيّه إبـ كيّات مردوفه
أولٍّ يصخف على الحال وإيخافي=يوم وقتي دانياتٍ لي إقطوفه
ويوم طاح الحظ وأخطيتنا أهدافي=أسمع إبـ ذكر الحبيّب ولا أشوفه
يالطيف الروح جور الزمن كافي=من يودّك لا تسوقه على إحتوفه
كان منتب لاحق الجرح بإسعافي=والله أن يقضي على النفس منزوفه
من نشدني قلت: طيّب ومتعافي=أخفي أحوالٍ على الوجه مكشوفه
أقطع البطحاء على نور كشّافي=داخل(الأحمر) وكني ورى (الكوفه)
راح ليلي لا مخدّه ولا إلحافي=مسهرٍ عيني مع القاف وإحروفه
والنهار أقضيه في راس مشرافي=إبـ ونّه وعبره ودمعات مذروفه[/poem][/frame]
