سرى الليل يا لندن وقلب العنا محتار
[align=center]السلام عليكم ورحمة الله وبركاته
اتمنى منكم ان بعد قراءة القصيدة ان تقولو رايكم بصراحه فيها
من حيث الوزن والقافية وهل تستحق ان يطلق عليها قصيدة رائعه
القصيدة لشاعر اعرفه وقريب مني وقصائده انا معجب بها
وطلبت منه نشرها وقال لاتفشلنا ماتستاهل قصايدي النشر
قلت اسمح لي ان انشرها في منتدى معروف
منتدى غرابيل به كوكبة من نجوم الشعر في الساحه بيحكمون على قصايدك
واذا اعجبتكم هذه القصيدة سوف اقوم بنشر البقية
انتظركم[/align]
[align=center]الشاعر/ جارف[/align]
[align=center]مناسبة القصيدة:هذه القصيدة قلتها متأثرا بعد مقابلتي لعدد من الطلبة السعوديين
المبتعثين للدراسة في بريطانيا منذ سنوات،فهي اذا قصيدة تحكي عن معاناة عامة وليست
حالة خاصة فقط، فغربتي ولله الحمد قصيرة الأمد وان كنت انظر لها على أنها سنوات [/align].
[poem=font="Simplified Arabic,5,darkblue,bold,normal" bkcolor="white" bkimage="" border="outset,4,gray" type=2 line=0 align=center use=ex num="0,black"]
سرى الليل يا لندن وقلب العنـا محتـار=بعد طالت الغربـة نبـي شوفـة الديـرة
على أرض السعودية متى ينتهي المشوار=وينهي غريب الـدار رحلـة مشاويـره
فيسقى على عينـي ليـا تلهـا الطيـار=وشق السحاب اللـي تهـادى مزابيـره
لايمم بها القبلة لـو أن الهمـوم اكثـار=تزول وتلاشى (والونس يضرب امبيـره)
نشوف الوطن حتى نحبه جـدار جـدار=ونرمـي ورانـا جايـر الهـم والحيـرة
وعزي لمنهو عاش عمره مـع الكفـار=خطير(ن) من اللوعـة يقطـع أزاريـره
ولو أرضهم خضراء على أنهارها الأزهار=ولـو نوهـم دايـم تهامـل شخاتـيـره
حشا تشبه ابلاد العرب موطـن الأحـرار=ابلاد الرسـول ومنبـع الحـق والغيـرة
نفاخر بدين المصطفى وبركـوب امهـار=ورجالهـم يفخـر بكلـبـه وخنـزيـره
قضوا عمرهم بين المراقص وبين البـار=ولايطربون ألا علـى الكـاس والبيـرة
وحنا هوانا مسجد ومصحـف(ن) تذكـار=نرتـل مـن آياتـه ونقـرا تفاسـيـره
ونقرا رياض الصالحيـن وبهـا نختـار=حديث(ن) من السنة ونفحة من السيـرة
وجودي على الدار ومطاليقهـا الأخيـار=وجودي على بيتـي وشوفـة مساييـره
وجود السجين اللي إمنعوا دونه الـزوار=ثلاثة عشر عام(ن) وهو فـي عنابيـره
عسى الله يعجل بالفرج من بعد الأكـدار=ونقطـع تذاكرنـا ولافـيـه تأخـيـره
درى الله ماجينـا غـلا لديـرة الكفـار=ولاشـك هـذا العلـم ندفـع فواتـيـره [/poem]
[align=center]الشاعر/ جارف[/align][/size]
أخاف (ابومتعب)زعيم السريّـه..إينفّذ التهديـد وإيحطّنـا إطحيـن
[align=center]وهذه قصيده أخرى
للشاعر جارف[/align]
[poem=font="Simplified Arabic,4,black,normal,normal" bkcolor="white" bkimage="" border="outset,4,gray" type=1 line=0 align=center use=ex num="0,black"]
حبّ الوطن لأهل الجيوب المليّـه=أهل اللكاسز والفلـل والملاييـن
أما الذي مثلـي افلوسـه رديّـه=مستويةٍ عنده ولوعاش في الصين
أقوله أمـزح قبـل تنـوون نيّـه=مافيه مثل(المملكه)فـي البلاديـن
مهبط وحي وإبلاد خيـر البريّـه=(الأمين ابوالقاسم)شفيع المصلّين
وموطن هل التوحيـد والحنبليّـه=يكفيك(ابن باز الحبر والعثيميـن)
الله عطى(آل سعود)حبّ الرعيّـه)=وإنّا نبايعهم على العسـر والليـن
مانستمع(سعـد الفقيّه)وخويّـه=(المسعري)دا يم عديم المضاميـن
لوعندهـم للديـن خيـر وحميّـه=ماإستوطنوا(لندن) بحضن المعادين
نخشى الوعيد إبميتـة الجاهليّـه=لونخلع البيعه ونجفى السلاطيـن
وإن شفتنا بعض الأمـور الدنيّـه=لاقايلـن زيـنٍ ولاقايلـن شيـن
أخاف (ابومتعب)زعيم السريّـه=إينفّذ التهديـد وإيحطّنـا إطحيـن
يضرب بكفٍّ من حديـدٍ عصيّـه=على الذي خالف صريح القوانين
وقصة هل الإرهاب قصـة خفيّـه=فيها جوانب غامضـه يالفهيميـن
بسّ الأكيد إنهـا جريمـة قويّـه=ترويـع للآمـن وقتـل البريّيـن
أحيان أظنّ اللي حـدث مسرحيّـه=بشاعته فاقـت خيـال الكثيريـن
شباب في عمر الزهـور النديّـه=راحوا ضحيّه للغلـو والشياطيـن
بالرغم من ذلـك تراهـا خطيّـه=نقطع لهم بالنار هجسٍ وتخميـن
فتوى هل العلـم إبخطاهـم جليّـه=قالوا خوارج والخوارج مسلميـن
تجريمهم واجـب عليـك وعليّـه=وتكفيرهم يحتاج رأي الخبيريـن
رأي المشايخ فاهميـن القضيّـه=هم قادة الأمّـه بشتّـى المياديـن
الله يحفظ الدار مـن كـل سيّـه=من بوش وإجنود اليهود اللعينين
والله يـردّ القـدس والقادسـيّـه=وترجع لنا البصره وترجع فلسطين[/poem]