واخيرااا تقريري لرحلتي الثالثه لماليزيا وجزرها 2012

بسم الله الرحمن الرحيم



اول شي بشكر كل بنوته ساعدتني وماقصرت وبخلت معاي ومع غيري باي معلومه تعرفها وبصراحه كل سفراتي مرجعي الاول والاخير منتدى كويتيات ..:eh_s(17)::eh_s(17)::eh_s(17):

وثاني شي بسولفلكم شوي عن هالسفره واهي الثالثه لي لماليزيا وماتوقع الاخيره مادري على السلبيات الي موجوده بالديره الا اني احبها ولها حنين خاص وذكريات محفوره بقلبي.

سافرت الله يسلمكم على الخطوط الاماراتيه الي لا يعلى عليها طبعا من جميع النواحي

يوم الجمعه 1-6-2012 حتى 13-6-2012 رحلتنا كانت 11بالليل وجدولنا كان كالتالي ..


1- ليلتين ( منطقه بورت ديكسون ) بفندق جراند لكزس نظام فلل انا اخترت فيلا اسمها sky pool villa سعر الليله 62 دينار .
2- ليلتين ( جزيرة لنكاوي ) بفندق لنكاوي لاجون سعر الليله 39 دينار .
3- ليلتين ( صن واي لاقون ) بفندق البريميد سعر الليله 51 دينار .
4- 6 ليالي ( كوالالمبور ) بفندق رويال بينتانج سعر الليله 29 دينار .


وعقب ماردينا من ماليزيا على الاماراتيه نزلنا دبي وقعدنا فيها 4 ايام بفندق كاسيلز البرشاء سعر الليله 25 دينار .

التذاكر كلفتنا انا وزوجي الشخص 270 دينار وولدي رضيع عمره سنه ونص ب 35 دينار يعني طلعوا علينا ب 575 دينار من مكتب سفريات .

الرحله الله يسلمكم كانت مريحه الحمدلله لان اول مره اسافر مع ولدي وكنت شايله هم بس الحمدلله الامور بفضل الله مشت تمام ووصلنا مطار دبي الساعه 1 الفجر وعقب ساعه طرنا لماليزيا ووصلنا يوم 2-6 بعد سبع ساعات طيران وصلنا مطار كوالالمبور وطبعا الساعه كانت 4 العصر بتوقيتهم واخذنا تاكسي من المطار لمنطقه بورت ديسكون الي راح تكون اول محطه لنا بهالديره ب 135 رنجت والطريج اخذ ساعه تقريبا للفيلا .
بنزل جزء جزء بتقرير مصور بكل مكان رحناله بس هذي مقدمه لاي استفسار من البنات علشان يفيد الكل .