الوضع الراهن للملكي... بكل صراحه وشفافيه
بسم الله الرحمن الرحيم
هذا الوضع بكل صراحه ولاحد يقول مندس وجاي من نادي ثاني والله مجنون بالاهلي أ.
1-الأهلي يحتاج روح
2-اللعيبه تعبانين وبكل صراحه نحتاج رفع اللياقه لأن بعد الدقيقه 60 الأهلي يموت
الموسم الماضي كان الفريق يجري ويلعب لدقيقه 90 ومافي ارهاق بس الحين الفريق يفنش على ال 60.
3- كل لاعب لازم يقعد مع نفسه لأن في تقاعس كبير جدا من اللاعبين وخصوصا الخبرات.
4- المعيوف لازم يركز أكثر ويعرف متي يخرج من مرماه.
5-المسيليم ليش يسرح في المباراه ما أدري.
6- كامل الموسى لازم يشتغل على نفسه لانه صاير مدافع تعبان وبطيء جدا ويرتكب أخطاء كثيره ويرحم امك شتت زي المدافعين موتشتت في رجول الفريق الخصم.
7-أسامه لازم يتمركز صح لأنه دايما يغطي خمبقة المر .
8- كامل المر من وين أبدأ ياخي لا دفاع ماشي وولا هجوم ماشي طيب ايش العبك رايه مثلا المشكله الكور السقاطيه معاك نكبتنا وانت نقطة ضعف في الفريق يلعب عليك اي خصم فاهم كوره وحرام فلوس الاهلي فيك ترى بصاص وأسامه هوساوي تعبو من كثر ما يغطون أخطائك الفادحه وما صدقنا مشي مسعد بعد ما نكبنا تجي انت تنكبنا ثاني.
9-منصور ياخي انت كويس بس لو تلعب اوفر صح كان قتلنا الفرق لانك لايمكن ترفع اوفرين في المباراه زي بعض يا قصيره وماتعدي المدافع الاول او طويله للجماهير ركز يرحم أمك.
10- باخشوين انت كويس بس ركز على الكوره وسيب الضرب وراح تصير أنجح محور سعودي.
11- معتز لازم تخفف المواهب الي عندك (البطن والمؤخره )لأنك الظاهر مندهر في الكبسات. ياخي انحف شويه وركز في اللعب تحتاج تكون سريع وتلعب باصات صح.
12-بالومينو يبيله لياقه لياقه لياقه لياقه لياقه لياقه لياقه لياقه لياقه.
13- محسن العيسى وزنك ياخي عالي وتعصب بسرعه ياخي اركد وانحف وزيد لياقتك عشان تصير أحسن.
14- جيزاوي أستمر وسيبك الانانيه ترى رجعتك قويه فأستفيدمنها
15- تيسير يابو الشباب ما يصير اللي قاعد تسويه ترى مستواك صار سيء ومن يوم راح كماتشو وانت صفر على الشمال ويوم رجعت تلعب كويس جا برونو ورجعت سيء واعتمدت عليه ياخي انت بس تذكر انت ايش سويت في الاتفاق في مباراة ال5-1 وكيف غربلتهم. احنا نحبك فأشتغل على نفسك وتراك أحسن من برونو.
16- بصاص انت نجم بس سيبك الانانيه والتسحيب الأكثر من اللازم لأننا نحتاجك وما نبغاك تنصاب .
17- سوادي انت أحسن واحد في الملعب بس لازم تركز وشوت زي الناس شفت اهداف في المراحل السنيه وكانت رهيبه . ترى والله نحتاجك في الأيام الجايه .
18- ياعمده تعبتنا والله قاعد تضيع كور كثير ترى حرام عليك.
19- فيكتور ما يحتاج بس لويسيب الفلسفه ويركز على الشوت أحسن له :)
20-المحياني يوم يلعب ولا كأنه في المباراه ما تحس فيه ياخي اشتغل على نفسك شوي. معاك فيكتور أكبر منك ولياقته ثلاثة أضعاف لياقتك.
21- بدر الخميس بكل بساطه __ عطا صداح فرصه
22- برونو وزنك وزنك وزنك وزنك وزنك وزنك وزنك وزنك وزنك وزنك وزنك وزنك وزنك وزنك وزنك وزنك .
في النهايه لازم أقول اننا حاليا في وضع حرج خصوصا ان التكتيك جديد واللعيبه يبيلهم وقت عشان يتأقلمو معاه.
ياعيال كفايه بطر وركزو في اللعب و اتركو الصحافه والاضواء الاهلي يحتاجكم فاحترموا النادي اللي أحسن اليكم.
