الفحل. المنتج الكفو. اللي ينومس من شراه
اغنام - ابل - دواجن - طيور
السلام عليكم ورحمه الله وبركاته
*اتعبوا للهيـل الأصلـي وأبـو شيبـه وعـود
ومن تعـب للزيـن فـاد وتنومـس واستـفـاد
والفـحـول الطيـبـه مــال لقيمتـهـا حــدود
اشهد إن بـعـض البعـاريـن كـفـو للهداد
وأشهـد انـه رابـح مـن دفـع فـيـه النـقـود
الفحل مــن بـعـد ربــي علـيـه الاعتـمـاد
يرفـع الابـل مثلمـا يرفـع البـيـت العـمـود
قبل زيـنـه دور أصـلـه وعلـيـه الاجتـهـاد
أن قــدرت شــراه فــلا تـقـول الـحــد زاد
وان رفض راعيه فاشتر من انتاجه قعود
والـسـلام خـتـام والبـيـت مـــاودك يـعــاد
كون في مبـدا القصيـده يقولـون محمـود
نعرض لكم فحل منتج سنه والله العالم سديس وفوق من اباعر سلطان بن عبدالعزيز. وعليه وسمه وعليه وسم ابن شويه وراعيه يحلف حلف انه بايع من انتاجه على 300 الالف*
وعندنا قعود من انتاجه حق سيم 30 الالف
*والفحل ماشاء الله تبارك الله يمتاز*
بكبر الراس والسبال الضافيه والرقبه المنتله السناد والخد الطيب والسنام المنفهق وكل مافيه طيبه *
ولله الحمد سليم وضرابه طيب*
وسبب البيع شارين لنا ذود والفحول اثنين ونبي نبيع هاذى*
الموقع الرياض سوق البل*
ملاحضه: النقل والسعي ع المشتري اذا كتب الله نصيب*
وافتحو سوم جديد والله الله بالسوم الطيب
hgtpg> hglkj[ hg;t,> hggd dk,ls lk avhi
