لو كنتوا مكاني جاوبوني

السلام عليكم خواتي ..

انا ودي أشاوركم بموضوع ممكن الكل يعاني منه واللي مثل حالتي خصوصا اللي اهو بيت الحمولة

انا عايشة في بيت خالتي وودي أتكلم عن خالتي ( حبيبة وطيبة وتحب ولدها اللي اهو زوجي من بد عيالها كلهم وتحتر على أتفه شي وتشيل بقلبها وايد ولا تتكلم فسبب لها قولون عصبي )

انا ساكنة في هالبيت من 3 سنوات نظامنا لما زوجي يرد من دوامة نتغدى جميعا في طاولة وحده ونقعد عقب الغدا في الصالة نشرب شاي لي العصر وبعدين أصعد جناحي مكون من 3 غرف وحمامين وصالة صغيرة انظف وارتب غرفتي أو أنام شوي وبعدين أنزل تحت أقعد مع خالتي أو أروح بيت أهلي أو أسوي أي شي أحتاجه مثلا جمعية سوق أو أقعد بجناحي أطالع تلفزيون .

وزوجي يا يقعد عند أمه أو يطلع مع ربعه أو ينام بالعربي الفصيح ما يقعد معاي إلا ما ندر شخصيتي مرحة وحبيبة وطيبة ما أمدح نفسي بس ساعات وكثيرا منها ماعرف أتصرف في مثل هالموقف اللي راح أتكلم عنه لاني صريحة

الموقف يا خواتي يتكلم

ان ذكرى زواجي قرب فقلت حق زوجي خل نسافر ديرة يصير لنا مثل شهر العسل وانا مستعده أتكفل بنصف التكاليف إذا مو أغلبها بس نكون انا وانت مستانسين ماكان عنده اعتراض قالي بس باخذ أمي قتله بس انا أبي أكون معاك بروحنا عشان ذكرى زواجنا وانت قليلا ما تقعد معاي فانا أبي اغير الجو معاك فليش ما نروح ديرة قريبة يوم واحد ونرد بعدين نودي أمك الديرة اللي اهي بخاطرها قالي أوكي
قربت السفرة فبلغ امه ان بنسافر عشان ذكرى زواجنا فقالت تبي تروح معانا وانا كنت موجودة مابدر مني إلا ابتسامة وخليت زوجي يكلمها قطيت المدفع بويه زوجي فعرفت ان انا ماودي ناخذها لان بقعد مع زوجي قعده رومانسية اتمناها من زمان بحكم اني دايما مع اهل زوجي مالي أي خصوصية باي شي فلما عرفت انا حسيت بتأنيب ضمير فقلت حق زوجي انا ماكنت أبي أزعلها واحط بخاطرها شي بس هذي ذكرى زواجنا وانا بخاطري بالطريقه هذي نحتفل فيها بس اشرايك ناخذ امك وفي بالفندق حجز ليش مانحجز لها وبلغ امك ان في حجز وحياهالله لما بلغها قالت انا صج بخاطري بس طلعت من خاطري وهذا ولدي اللي انا ربيته مايقعد معاي وصار للجنه ( اللي اهي انا ) طبعا انا عمري وبحياتي ما قتله لا تسوي ولا تيب ولا تحط حق امك و أوصيه على امه على طول وربي شاهد على هالشي واحط نفسي بمكانها دايما بس هم انا محتاجة احس ان لي زوج ولنا ذكريات ولنا حياة خاصة وانا بالحقيقة ما أحس بهالشي بتاتا فلما انا سافرت ويه زوجي مستانسين وفعلا حتى زوجي استانس بالفيلا اللي رحت لها وبالتجهيزات والمفاجآت اللي سويتها قالي مشكورة على هالمفاجأة واستانس ومن زمان ماشفته جذي مستانس وعشت أحلى لحظات من زمان ما عشتها
فلما رديت انصدمت انها داقة على امي مادري شنو قالت لها بس عرفت انها اشتكتني ليش سويت هالسفرة بالخش والدس وماكنت أبي آخذها وحابة أقولكم شي ان انا اتفقت مع زوجي عقب هالسفر الي بو يوم واحد راح آخذ امك أي ديرة تبيها وبخاطرها

شنو رايكم لان انا محتارة وااايد