اقتراح ونقاش بخصوص الاجانب

السلام عليكم ورحمة الله وبركاته

ما اعرف للمقدمات فندخل ع الموضوع

طبعا الكل شاف اخر كم سنة والاتحاد معاناة مع المحترفين اللي المفروض يشيلو الفريق لكن اغلب اللي يجو مقالب حتى هدي اللحظة باستثناء (ساندور_امبامي)ولو انو امبامي بدا يسير كلاعب عادي

تقريبا الفريق الوحيد اللي كل سنة يغير محترفينو الاتحاد السبب ما يقدمو اللي المفروض يقدمو الاعب المحترف للفريق


عشان نتخلص من دي المشكلة اقترح واتمنى نوصل الكلام للادارة بعد ما نتناقش كجماهير في هدي النقطة


نرجع بعض الاعبين اللي كانو مع الاتحاد وعملو الفارق الكبير واعتقد مو عيب لما نرجعهم خصوصا اهم متعودين ع الاتحاد والمنطقة والتاقلم بيكون سريييع
ولان اغلبهم خرج من النادي لاسباب اغلبها اصابات


الاسماء اللي اعتقد انها ممكن تشيل الفريق في الوقت الحالي
(احمدحديد _باولو جورج_زياية)

واعتقد اسعارهم معقولة للفترة اللي يمر بيها النادي

في لاعبين امثال (كالون _فاجنر) ياريت لو يرجع واحد منهم بس اعتقد سعرهم بيكون اعلى من اول

واخيرا اسف ماني متعود اكتب مواضيع ومن المتابعين بصمت :)

بالتوفيق للاتحاد ولادارة العم فايز واتمنى الصبر عليها ودعمها

والسلام خير ختام