اختي منحرفة

بنات انا يأست من اختي الصغيرة كل ساعة نصيدها ونكتشف لها شي
واحد تكلمة عالفيس بوك وفي البي بي
صور وافلام خليعه
صور لواحد تكلمة مصور صور فاضحة لنفسة
تطلع وتدخل من البيت من دون احد يدري واحنا نحسبها نايمة لان نتصل ماترد عالجوال لين بالصدفة لقيناها تفصخ عبايتها في حوش البيت
تطلع وتدخل من الجامعه مع ربعها واحنا نحسبها في المحاضرات لين مالحقناها في المجمع
نلقاها صدفة في اماكن عامة وقت الجامعة الصبح
خذنا منها البي بي وعطيناها نوكيا بوليت راحت شرت بي بي من بنت بالجامعه
سكرنا خدمة البي بي راحت طلعت سامسونج جلاكسي خاشته خش بغرفتها ماندري وين خاشته
اكتشفنا انها مو بنت على قولتها كانت تعبث بنفسها وفتحت روحها بروحها وقاعده تراسل دكاترة بالايميل تشوف حد يسوي لها عملية ترقيع!!!
يئسنا احنا خواتها تعبنا معاها.... لاتقولون ادعوا لها في اخر الليل ومادري شنو مااااااافي فايده دعاء اخر الليل مابيرجعها بنت !!!!
حج و وديناها الحج وماتغيرت
امي مريضة توفت جدامها وماعتبرت
ضميرها ميت ومو هامها شي
وابوي مدللها ومايرضى عليها وطول الوقت يخاف عليها ولانها فيها السكري ماعنده غير انا كلمتها وان شاء الله ماتعيدها مره ثانية!!!!:eh_s(14)::eh_s(14)::eh_s(14): المشكلة ان قلنا له كله سوالفها ماعدا سالفة انها مو عذراء (هذي مادري شلون نقول له !!) وبعد مو راضي عليها ..... يوم صدناها راجعه البيت بالخش طقيناها لين ماقلنا بس وابوي قال موزين تضربونها في ويها !!!

والله احنا مو مقصرين معاها مو من العائلات الي تحكر بناتها بالبيت للجامعه ومن الجامعه للبيت نطلع في الويكند نروح مطاعم مجمعات اعراس ماتحب تطلع معانا تجي كم مره وعقب لا ماتبي تتحجج بالدراسة وانا اشك ان لما احنا نطلع هي تكون طالعه من ورانا
افكر اقول لاخواني يأدبونها تأديب بس اخاف اهدم مستقبلهم يرتكبون جريمة ويروحون فيها هم ولا هي ماتهمنا بالطقاق...

هي كانت سنتين في البيت عقب الثانوية رافضة تدخل الجامعه قمنا شجعناها تدخل لعل وعسى يصير لها هدف في حياتها ومستقبل لأن هاي سوالفها قبل ماتدخل الجامعه ومافي فايده حتى الدراسة ماغيرتها لان اكتشفنا فاتحة صندوق بريد بالجامعة تطلب من النت اشياء ماتخطر على بال ملابس داخلية للمتزوجات وين تلبسهم!!!!

يعني حتى فكرة ان نزوجها اي حد ونخلص منها مانقدر من يبي وحده مو بنت!!!

لدرجة اني وايد احلم اني انا اذبحها ادعمها بسيارتي احرقها اقطها من الدريشة خلاص ابي اتخلص منها هي شيطان ماتبي تصلح نفسها ...

قولوا لي شالحل تعبت :eh_s(16)::eh_s(16)::eh_s(16): افكر ادخلها مركز تأهيل تعيش عندهم وهم اللي يراقبونها لأن مافي حد يراقبها الصراحة لا ام عايشة تراقبها والاب حنون بزيادة وخواتها بالدوام والجامعه وان حاولنا تكون معانا تقعد معانا شوي وترجع غرفتها تحبس روحها مادري شتخربط يعني حتى لو حطينا كاميرا بغرفتها وراقبناها ماتهتم ماتخاف ماتستحي تسوي اللي تبيه مايهمها حد خاصة عقب ماصدناها داخله البيت من دون ماندري انها برع كرهتهاااااااااااا قبل اطلع معاها واقول مسكينة خل تروح حق صديقاتها واروح معاها لكن الحين ما اقدر ماطيقهااا احس اني بالنسبة لها مو اخت وحده تستفيد منها في طلعاتها وحاجياتها بس لاتحبني ولا شي لو تحبني كان تسمع الكلام مو تسوي جذي.......

يعني شاسوي اذبحها وانا اللي اروح فيها وادخل السجن شاسوي تعبت احنا مستقبلنا بينتهي بسبتها لو انفضحنا افكر اقول لابوي انها مو بنت عشان يوقفها عند حدها لكن خواتي خايفين على ابوي لايصير فيه شي اذا درى شاسوي لا اللين ينفع ولا الشدة تنفع يارب تموت يارب تموت.....