بعد ماجفت دمعه العين

بسم الله الرحمن الرحيم
الصلاة والسلام على اشرف الانبياء والمرسلين محمد صلى الله عليه وسلم
اولآ يا مسلمين صلو على نبينا محمد عليه افضل الصلوات والتسليم
وبعد;
بعد مباراه العين جاني احساس باليئس لدرجة اني قلت " انتهى الهلال وراحت ايامه وبدا بالسقوط" ومابغيت اكتب موضوع الا بعد ماتهدى اعصابي واعصاب الجماهير حتى ننتقد ونلقى حلول للمشاكل الي شفناها في جميع المباريات السابقه اببدى بنقاط القوه لهلال ٢٠١٠ ثم بنقاط الضعف والمشاكل في الهلال حاليا
لو نلاحظ طريقه لعب الهلال ايام جيرتس "افضل ايام الهلال" بنسبا لي نلاحظ استغلال مهارات الاعبين من النواحي التالية:
-السيطره على الكوره بحيث مايتخلى الاعب عن الكوره بسهوله
- التسحيب "المهاره" امام الخصم
- المسانده بين الاعبين بحيث الاعب الي يمتلك الكوره عنده اكثر من حل اذا انضغط من الخصم
- سرعه ودقة التمريرات بين الاعبين ولعب ال ون تو السريع الدقيق
-القذائف الصاروخيه اذا الخصم دفاعي بحت "رادوي" الشلهوب" نيفيز"
-الانطلاقه السريعه بالهجمات المرتده بما لايقل عن ثلاث لاعبين الى مرمى الخصم
اثباتات ماسبق بالفيديوات التاليه:
تنبيه!"بعض المقاطع التاليه تحتوي على موسيٍقى اتمنى من الجميع كتم الصوت"
‫الهلال 21 لمسة رقم عالمي الكره مرت على كل لاعبي الفريق‬‎ - YouTube
لاحظ عزيزي القارئ سيطره الاعبين على الكره ولم يتنازل اي منهما عنها الا بعد الهدف
‫مهارات لاعبي الهلال امام النصر كأس الابطال 2010‬‎ - YouTube
لاحظ عزيزي القارئ مهاراه لاعبين الهلال امام مرمى الخصم مايسهل وصول لاعبي الهلال الى مرما الخصم
‫هلال جيرتس 2010‬‎ - YouTube
لاحظ عزيزي القارئ تقارب لاعبي الهلال "الكمستري"(التناغم) فيما بينهما مما يجعل مالك الكره يجد حلول لنفسه اما بتخطي الخصم او تمرير تمريره خزعبليه تسبب هجمه خطيره او هدف
https://www.youtube.com/watch?v=WAU47UYyGWw
لاحظ عزيزي القارئ عدد التمريرات ودقه التمريرات والون تو بين لاعبي الهلال

‫هدف رادوي الخامس على النصر تسديده كاس الابطال‬‎ - YouTube
‫الهلال VS زينيت سانت بيترسبورغ 1 - 1 هدف ميريل رادوي‬‎ - YouTube
‫الهلال والفيصلي 5-1 هدف رادوي صاروخ في مرمى الفيصلي‬‎ - YouTube
‫اهداف محمد الشلهوب 2010 | MOHAMMED ALSHLHOOB 10 Video Clip‬‎ - YouTube
‫هدف الشلهوب العالمي على الحزم‬‎ - YouTube
‫هدف نيفيز الاول على النصر كاس ولي العهد.wmv‬‎ - YouTube
لاحظ عزيزي القارئ الصواريخ من الثلاثي شلهوب نيفيز رادوي غيرت نتائج ولخبطت اوراق الخصم
‫الهلال 3-0 بونيودكور الهدف الثالث تعليق الحربي‬‎ - YouTube
لاحظ عزيزي القارئ دقه تمريره الشلهوب لويلي ودقه تمريرت ويلي لنيفيز وانطلاقه نيفيز والشلهوب للمرمى!
النهايه!
------------------------------------------------------------------------
اشوف المقارنه بين زعيم ٢٠١٠ وزعيم السنوات الي بعده حرام
عشان هذا السبب ماراح اقارن بس بأذكر العيوب والاخطاء الي اتخذت من الاداره بالتخلي عن بعض الاعبين لآسباب غير مقنعه
اولآ الي اشوفه حاليا من الاداره الاعتماد على الاعبين الصغار"عديمي الخبره"
اداره الهلال تخلت عن سلطان البرقان الي اشوفه افصل من محاورنا الحاليين الي مايوكلون عيش وعتمدت على ابو الاصابات ورادوي الي راح وتركنا وخلتنا على القرني الي تمريراته ٩٠٪ خطأ
بعدها بفتره تخلت عن عزيز بسبب غياباته وبكذا خسرنا محاور قويه
عزيز نقول لهم عذر بس سلطان البرقان اشوفه جيد ومو نكبه ولا اصابات
رادوي تخلت عنه الاداره بعذر انه يبي الامارات انا اقول لو عطيته عرض زي العين وعندك مفاوض كويس ماراح
خلصنا من المحور نروح للوسط
نيفيز تخلت عنه الاداره لانه هو مايبي السعوديه ويبي يروح يبرز نفسه بديرته نقول معذوره الاداره
بس ويلي الي يقاتل للفريق ليه تتخلى عنه الاداره وهو يعشق الهلال وماعنده اي مشكله يجدد للهلال والى الان يبي الهلال؟ اقولكم ليه؟ لسبب واحد انه كبر وعلى اساس انه قدم الي عنده، بس انا عندي رد على هذا الكلام صدقوني الاعب الخبره تحتاجه في المباريات الي زي مباراه العين الي راحت، وجاوبوني وش فادنا فيه الكوري الصغير؟
هلال ٢٠١٠ كان ٧٠٪ منه لاعبين كبار وخبره ويعرفون كيف يتصرفون وقت مالفريق يطيح والدليل مباراه الغرافه الي كانو بيقلبون النتيجه علينا بس بذكاء الاعبين الخبره عدت سليمه ومنهم ويلي
الفريق حاليا نقدر نقول ٨٠٪ فريق هلالي مختلف جديد صغيرين السن قليلي الخبره
هذا مايقلل بمهاره وقوه لاعبي الهلال حاليا بس ياليت كل واحد يسآل نفسه ايهم افضل توظف خريج جامعه جديد او خريج قديم معه خبره على الاقل ٤ سنوات؟
هذا الي سبب لنا عدم التناغم بين لاعبيننا
صح انه افضل يكون عندك لاعبين صغار بس نفس الوقت لازم يتعلمون من الي اكبر منهم، اما انك فجآه تغير جلد الهلال من اوله لآخره بحيث ماتخلي فرصه لآي لاعب يتناغم وياخذ من الي قبله، اكيد بتكون النتائج الي نشوفها الوقت الحالي
ماسبق هو رأي شخصي واختلاف الرآي لا يفسد للود قضيه**
نهايه!
----------------------------------------------------------------------------
الي فات مات والبكى على الماضي مايفيد
المشاكل تحصل في كل وقت وكل مكان
الفشل يحصل كل يوم في كل مكان سواء شركات، انديه،الخ
اذا هذا لايعني النهايه
لكن عندي نقطه هنا على التعاقدات الهلاليه من مدربين الى لاعبين
لو نحسب كم خسرت الاداره الهلالي على تعاقدات الاعبين والمدربين الي فشلت
نلاقي انه ممكن نجيب اقوى وافضل لاعبين وبآقل من المبالغ الي اندفعت على التعاقدات الفاشله
دول
كومبواريه
هرماش
العربي
الكاميروني
مانقان
دول
كومبواريه
اغلب هذي التعاقدات كان هدفها "ارخص المميزين" بس كلها فشلت
ليه من الاساس الاداره ماتعلمت من اخطائها المتكرره بالتعاقدات ورجعت تعاقدت مع كومبواريه والبقيه؟
لا يوجد تفسير!
**********************************
اول خطوات الاخطاء للموسم القادم ان الاداره على حسب الاخبار انها ماراح تفكر تبحث عن مدرب من الوقت الحالي
وسميتها خطئ للآسباب التاليه
تضييع للوقت وحنا عارفين عاجلآ ام اجلآ الهلال راح يحتاج مدرب جديد لآن زلاتكو جيد ولكن ماراح ينفع في اسيآ
ثاني شي احنا محتاجين مدرب يتابع الهلال من الآن عشان يعرف الاعبين كلهم وفي ونقاط ضعفهم ووش احتياجات الهلال للموسم القادم!
جيرتس ابدع مع الهلال مو عشانه مدرب ناجح وقدير فقط لكن صدقوني لو ماتعاقدنا معه بدري كان مابدع الهلال لهدرجه وزياده على كل هذا سامي الاسطوره الي علمه بكل شي وساعده بكل شي
وكلنا نذكر المعسكر حق جيرتس كيف كان وكيف كانت لياقه لاعبين الهلال وقتها
----------------------------------------------------
اخيرا الهلال فقط في الوقت الحالي يحتاج الى وقفه صادقه ووقف النقد الجارح الي مايفيد الا الاحباط وتقويه الروح الانهزاميه
هلالنا يازعماء في فتره خمول واحباط واذا استمر بهلحاله صدقوني بينتهي هلالنا وبيستمر على هذا الحال
بينما لو وقفنا معه وحضرنا التمارين وحسسنا الاعبين اننا معهم ونتابعهم روح الاعب بتقوى وبيصير يتحمس
--------------------------------

ما اقول الله يوفق الزعيم فوق كل ارض وتحت كل سماء
تكفون يازعماء نبي وقفه قويه مع جميع الاعبين السيئ منهم للمميز

:alzaeem::alzaeem::alzaeem::alzaeem::alzaeem::alza eem::alzaeem::alzaeem::alzaeem::alzaeem::alzaeem:: alzaeem: