بطاقة التيسير مالت بيت التمويل؟
السلام عليكم.
مساكم الله بالخير.
ما أدري إذا صح أحط موضوعي هني ولا لأ، بس قلت هني أنسب مكان.
أنا عندي بطاقة الخير مالت بيت التمويل، بس مكتوب عليها Electronic Use Only فما تنقبل بكل مكان.
فقالوا لي طلعي بطاقة التيسير وراح تشتغل جنها Credit Card عادية.
قرقت على راسي وايد وما فهمت شي. تقول حتى لو رصيدج مافيه فلوس تشترين ويخصمونه من راتب الشهر الياي. ما دي شلون. وأنا خايفة بصراحة أطلعها.
فبغيت أسألكم قبل ما اسويها.
منو عندها هالبطاقة؟
1. شلون طريقة خصمها؟
هل في Limit.
مثلا أحط لها بالشهر 300 أو 500 دينار؟ ولا مفتوحة كثر ما بغيث أشتري فيها؟
ما بي أحط ديون على روحي وابتلش.
2. لو لها Limit، وعديته خلا شهر معين، أقدر أزيده لو كنت محتاجة لزيادته؟
شلون؟ هل ممكن أونلاين؟ ولا لازم اتصل؟ لأن بيت التمويل عارفين خدمتهم الهاتفية سنة على ما يردون!
وإذا في أي معلومات ثانية مفيدة عن هذي البطاقة يا ريت تقولون لي. أو أشياء لازم أدير بالي منها.
