مرحبا بنات...
مشكلتي هالايام هي ابي وقت لنفسي بس مو قادره احصل وقت
الله يسلمكم عندي بنت عمرها سنة وشهرين الله يخليها حبيبتي ويحفظها من كل شر... زوجي كله طالع تعودت على هالشي ف ما عندي مشكله... اداوم من الساعه 8 للساعه 3 العصر ... بنتي عند امي الله يخليها طول هالوقت اول ما ارجع من الدوام استلم بنتي لان امي خلاص تكون تعبانه ومالها خلق... نسيت اقول شغله ان ما عندي شغالة... المهم اتغدى عند امي ارجع البيت اهتم بالبيت وبنتي .. انظف على خفيف.. غسيل ثياب..حمام تكرمون... يوم الجمعة عندي يوم التنظيف العالمي لان تصعد لي خدامة خالتي..خالتي كبيرة بالسن....
وايد قرقت سامحوني؟
المهم وزني زايد عن قبل الولادة تقريبا 10 كيلو مع وجود ترهل بمنطقة البطن
هالايام ابي اعتني بنفسي خلاص مليت دوام وبيت وبيبي وزوج ما يدري عن هوا داري
ابي اروح جيم:krkrkr: اسوي مساج سونا جاكوزي ستيم بس وين الوقت وبنتي اخليها عند من ابي اهتم بنفسي والله والله يا بنات وين كنت ووين صرت قبل اطلع ومهتمه بنفسي الحين الحمدلله والشكر كبرت 100 سنه زيادة على عمري وعمري 29:eh_s(16):
زوجي ما يعتمد عليه ولا راح يمسك بنتي!!
قولوا لي شسوي علموني نصحوني لا يضيح شبابي واتحسر عليه
مافي وقت...الوقت يركض قعدت افكر في حلول وما لقيت حل
واللي خلاني افكر يوم الجمعة قلت لامي ابي اخلي بنتي بروح الصالون وما رضت لان هاليوم يعتبر يوم اجازتها والله يا بنات مالي احد ومادري شسوي و زوجي مو متعاون واصلا ما اشوفه وايد كله طالع
