-
القمه الدوليه
[poem=font="Simplified Arabic,5,sienna,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
من شموخ التضحيه والقمه الدوليه
جاك عضو المؤتمر يمشي على قانونه
-
ليلة ٍ غطّت سماها غيمة ٍ رعديه
لو يشوف بروقها شاعر يصك عيونه
-
يا عميل الخير خلّك معي ميه ميه
انت ماتدري عن الموضوع وش مضمونه
-
خابرين الطرقي اللي يتبع الطرقيه
فيه طيب وخير مدري فيه شر وبونه
-
كل يوم بحال مثل النشره الجويه
ما يحمد الله على التفاح والليمونه
-
يا سلام الله على الوزن وعلى القافيه
قربولي موس لأم الشوشه المدهونه
-
والله اني رافع ٍ من تحتها الطاقيه
والنتيجه لو تطول السالفه مضمونه
-
مير ماهي مستريحه في ظلال وفيّه
لو غسلنا راسها بالماي والصابونه
-
يا نهار العيد وش باقي من العيديه
للعيون اللي غدت روحي بها مرهونه
-
للعيون اللي ملامحها مهي عاديه
ولّعت قلبي وهزّت فالغرام شجونه
-
يا وجودي كل ما هبّت من الغربيه
كنها ترسل بخور الجادل المزيونه
-
لا تنفّسته بصدري قلت يالله حيّه
كيف حاله عقب طالت غيبته .. وشلونه ؟
-
جرحها واخصامها واحلامها الورديه
بين عقل اللي عشق نظراتها وجنونه
-
ماش علم ولابقى فيني صبر مو ليّه
والهوا ما يعطي الديّان باقي ديونه
*****[/poem]-
-
الغالي
صنعوب
ياهلا وغلا فيك
من شروط القسم النبطي الكتابة بالاسم الصريح
أرجو موافاتنا بأسمك الصريح
-
يا هلا فيكـ أخوي وحياكـ الله بمنتديات غرابيل وبمنتدى الشعر خاصة
وشروط الكتابة في منتدى الشعر تتطلب الكتابة بالاسم الصريح
نرجو تزويدنا باسمكـ الصريح حتى تقوم الإدارة بتعديله لكـ .
-
-
-
اشكركم على الاستقبال الجميل بضيفكم الجديد : )
وانا اسمي صنعوب لافي بن غالب وكان الاسم مهو عاجبكم :) ويش اسوي عاد
لكن اذا تقبلون بصنعوب كما هو فهذا واجبكم تجاه الضيف الجديد / اما اذا غير هالكلام اترككم تحكمون على انفسكم :)
وانا عارف انها غير مقصوده يمكن الاسم غريب عليكم لكن مسموحين يالنشاما
والسلام ختام
-
أعذرنا أخوي
توقعت لقب ..
ونعم فيكـ أخوي صنعوب بن لافي
وحياكـ الله بينا
وإن شاء الله نقوم بتعديل اسمكـ إلى صنعوب بن لافي بن غالب ..
والمعذرة مرة أخرى .
-
اسمي يكفي يا اختي العزيزه وما نبي تعديل اذا امكن ودام هذا اسمي اضن ماله داعي تجيبون اسم ابوي وجدي و ما باقي الا تقولين عطنا الرخصه والاستماره : ) خلو الاسم زي ماهو يا اساتذتنا المراقبين والاداريين
وانطلاقا ً من رغبه شخصيه وكلن يجيب اسمه على الشكل اللي يبيه مثلا لو اسمي شليويح بحط شليويح ومد معترض والله الله / وتراها ما تسوى علي هالمشاركه بالمنتدى هذا وانا ماني مقدم على وضيفه عشان تطلبون الاسم الكامل والا ثلاث صور شخصيه والا صوره للبطاقه المدنيه واخر شهاده دراسيه
وارجو احترام رغبتي ....
تحياتي / صنعوب لافي بن غالب
-
نحترم رغبتكـ أخوي ..
بس هذي شروط منتدى الشعر ..
وما قلنا هات اسمكـ كامل
صنعوب لافي كفاية
لكن صنعوب بس .. أعذرنا .. ما نقدر ..
وإذا هذي رغبتكـ .. على راحتكـ .. وحياكـ الله ..
قسم شعراء المستقبل ما يتطلب الاسم الصريح ..
-
-
