دراسة لمحاورة ربح السبيعي ومرزوق العطاوي

ياليت تسمحون بمثل موضوعي هذا عشان يستفيد الجميع من الاخطا ونتعلم من بعض بدون مانكابر او نستغل صلاحياتنا ونحذف اي رد فيه نقد حقيقي
في محاورة ربح السبيعي ومرزوق العطاوي كان فيه خروج عن اللحن وانكره مرزوق وانا بقول وجهة نظري وانتم لكم رايكم اللي لازم تشاركوني فيه

ربح السبيعي

شب مرزوق العطاوي على نفسه شبوب=فيـه علـه واعتقـد باطنيـه علـتـه
يوم شب الاوله ليـن زاد ابهـا اللهوب=راغ عنها واشعل الثانيـه فـي حلتـه

مرزوق العطاوي

نقدح النار ولهبها نزيده فالوجـوب=يوم بعض الناس ناره تطفـي دلتـه
وانت مدري ربح ولاخساره والدروب=اكثر العربـان لوهـو يبيهـا تلتـه

ربح السبيعي

غزك ابليس العور داخلك وقت الغروب=صرت تمشي حسب نهجه وتتبع ملتـه
تعرفني ربـح فالسلـم والا فالحـروب =وان حماء الميقاف سيفي تنومس سلته

مرزوق العطاوي

غزك بليس المفتح وركبتك الذنوب= ماني من اللي عيال بليس محتلته
لعلم فالازمه والفرق فاللي ينوب=وقت الوازم مهوب مهايط الهلته


لو قال : غزك بليس المفتح وركبتك الذنوب= ماني من اللي عيال الفــلـَــس محتلته

وقس على ذلك الشطر الثاني ماهو على اللحن

ربح السبيعي

انته ابليس العور راكبك طبعاً ركوب =هذبك حتى وصرت انت قايد شلتـه
حالفٍ بالله لتوبـك حتـى تتـوب=لين لاشفت السبيعـي تقبـل قلتـه

اعتقد ان : حتى = تحته ( يعني خطا مطبعي، مع العلم اللحن ما يختلف لكن المعنى فقط يكتمل)



مرزوق العطاوي

اكيد ابومره المشهور وقت الغـلوب=خمك وطحشلتك من تحت طحشلتـه
تحلف ووتطلع بعد حلفك منافق كذوب=ولوشفت ربح بفليـت ذبـاب لافلتـه
اللي باللون الأحمر مهو بحول اللحن

ربح السبيعي

العطاوي قال غالب وهو غلب مغصوب=السبيعي قاذفٍ بالهدف في سلته
بعد كسرت القوافي وكثرن العيوب=قيل بعض الشي يشبه وجوده قلته

مرزوق العطاوي
عسا تعشاك حيه من حيايـا الجنـوب=ويش الوزن علمك اللي تبتدي خلتـه
العيب في من كذب ياربح ينشب نشوب=ومن يسمع الغاديه فـي غيهـا غلتـه

اللي باللون الأحمر مهو بحول اللحن


ان اصبت فهذا توفيق من الله وان اخطات فمن نفسي والشيطان


زعيمتهم

مرحبآ يالزعيمه

الطاروق الظاهر اللي مر عليه بينتبه للاخطاء الاملائيه والكسور اللي حصلت

طبعآ كلامك لاغبار عليه حتى الشاعر ربح ناقش الشاعر مرزوق بموضوع كسر الابيات او اختلاف اللحن بالمعنى الصحيح..ان اعترف مرزوق بخطأه كان بها وان قال انا ماخطيت هذا شي راجع له وانا اتكلم في نقاشهم اثناء المحاوره

قبل كذا تكلمت مع الشاعر مرزوق العطاوي وقلت له ان لعبك اكثر من ثلاث محاورات بمواقع مختلفه بوقت واحد يمكن يخليك تنسى اللحن........

الزعيمه جهد تشكرين عليه وتنويه يوضع بعين الاعتبار..

وعلى فكره حذف المواضيع لأسباب ومعروفه اسباب حذف المواضيع

تحياتي


بعيد

الاخت الزعيمه


نقد جيد وتشكرين عليه ونحنو لانقف ضد النقد الهادف أبداً


واما استغلال الصلاحيه لحذف الموضوع المفيد فهاذا غير صحيح

والله اختي الزعيمه نعم كلامك في محله والكسر بييين وواضح من غير مجامله

ونتي تشكريين على التووضيح الرائع

وناا اوفقك الراي ان مررزوق كسر في البييوت

اخوكم فارس قطر

تبون علمي

1---انا عترف ان فيه عندي اخطاء املايه ومطبعيه وفيه اختلاف بسيط بالهجه بين طواريقي وطواريق ربح واله اثر اكيد 00 ولاكن انتم يالجنة التحكيم التي حكمتم على كذا بدون تجربون بنفسكم00

ابي كل واحد منكم يغني و يلحن لطاروق بنفسه بصوت عالي و ليس في صدره بصوت خافت ويحكم بعد ذالك بنفسه وليس على دق طبل

وجل من لايسهو 0

اخوي مرزوق الله يمسيك بالخير


هنا مكان نقاش هادف

واختلاف الرأي لايفسد للود قضيه


يمكن اخطاء املائيه اخوي مرزوق عادي

وانت قلت جل من لايسهو وهذا هو الوارد

واللحن والله مختلف مرره مرره وعادي وماهو عيب ان الواحد يخطي باللحن العيب ان الواحد يكابر


دمت اخ وعزيز



اخوك

بعيد

هلابك يامرزوق العطاوي


قلت كل واحد يجرب بصوت عالي


اخوي مرزوق إذا غنيت البيت ولحنته وأعطيت الكلمه مد اكثر من مدها الصحيح


فحتى لو بحرك قصير فممكن ان يساوي البحر الطويل بسبب مدك الزايد للكلمه


لاكن اعط الكلمه مدها الصحيح وجرب وتلقاء الفرقالواضح


ولك تحياتي وتقديري

نقاش وحوار كبار


دمتم بخير

نقاش رائع ولن يحذف رد لم يتعدى حدود الادب والنصح الصادق

والله انا اشوووف يامرزوق حتي لو اختلف اللحن

اهم شي ان اللحن اللي بتغنى عليه

يكون راكب على بيت الشاعر المقابل وذى ركب اللحن وجااء معاك بيت الخصم تكون بيوتك غير مكسور ولا

يلحقهاااا قصووور


اخوكم فارس قطر