وقت الرحيل لـ بدر البدور على صفحة مدارات شعبيه بجريد الجزيرة هذا اليوم الاثنين30/5
أخواني وخواتي اسرة هذا المنتدى الشامخ انقل لكم هذه الرايعه (وقـت الحيل) لبدر البدور والتي نشرت هذا اليوم الاثنين الموافق30/5/1427هـ
إليكم بعد تعديلها وليس كما نشرت في مدارات
[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
مثل حكم بموتي حان وقت الرحيل = وهلت دموع عيني يوم قلبي بكاك
يا غروب حزين دمع شمسه يسيل = وكل ما فيه شارك حزن قلبي معاك
يرسم الدمع فوق الخد خطٍ طويل = بلون كحلٍ رسمته مثل عمري (بلاك)
معك دربي مشيته شوك والوقت ليل = أحتري فجر تشرق فيه فرحة لقاك
وكلما قلت أبشرب شوفتك سلسبيل = واهتني بك وتسعد فيك عينٍ تراك
أشرب البعد علقم والأمل يستحيل = صورةٍ من سرابك يوم ظرفك طواك
مرةٍ قلت لي يا بنت ويش الدليل = ان قلبك عشقني بين هذا وذاك
خذ جوابك دموع وهمّ وحزنٍ ثقيل = وشوف وشلون بعدك من عيوني هلاك
وبوجودك ربيع العمر أخضر جميل = يوم سالت على الخفاق ديمة غلاك
عايش بحلم وردي والزمن مستحيل = ما يطيعك زمانك والظروف تعصاك
لا ذكرتك يجيك الشعر يصهل صهيل = (مثل قلبي) قصيدي دوم يتبع خطاك
وانت أصلٍ تجاوز كل حلّ بديل = وانت كل احتمال ينتفي به سواك
فيك مهما اقول الوصف دايم قليل = ويتعب الوصف دونك ما وصل مستواك
بدر البدور[/poem]
