4 اشياء تثبت لكم بأن كانيدا افشل مدرب + تمرين الاتحاد مع بينات وتشكيل مباراة الفتح

بسم الله الرحمن الرحيم




ببدأ بالموضوع مباشرة بدون مقدمة مدرب الاتحاد كانيدا هو افشل مدرب للاتحاد على مر التاريخ لحد يقولي اللعيبه والاداره انا راح اثبت لكم ان كانيدا ماعنده اي فكر وبنسسبة للي يقول ان كانيدا اعطى الشباب فرصة اولا عسيري وابو سبعان وهتان اللي طلعهم للفريق الاول هو ديمتري وليس كانيدا زي ما تقولون كانيدا طلع فواز وفهد وعبدالفتاح ومعن فقط والتصعيد ممكن يفعله اي مدرب اذا كان عنده ادارة ممتازة تعطيه الثقه والصلاحيه زي اللي حصل مع كانيدا

4 اشياء تثبت بأن كانيدا مدرب فاشل

1- مع كانيدا الاتحاد لم يستطع تسجيل اكثر من 4 اهداف في مباراة واحدة مع ان الاتحاد كان عنده ميزة اذا لعب مع الفرق الصغغيرة يفوز ب ال6 وال7 وهذي الميزة كانت موجودة مع عبدالله غراب وديمتري قبل يجي كانيدا وفاز الاتحاد ب8 وال7 وال5 رغم ان الاعبين اللي كانو معاهم اقل من الاعبين اللي مع كانيدا

2- الكرات العرضيه اللي كانت سلاح فتاك للاتحاد وكان يتميزون فيها دقاع الاتحاد وكان هذا السلاح موجود مع ديمتري وعبدالله غراب وكان اسامة المولد عنده 4 اهداف في الدوري واحمد عسيري 2 ورضا تكر 2 ولما جى كانيدا تحولت هذه الميزة اللى نقطة ضعف واضحة !!!


3- كانيدا قبل يناير كانو يسئلون كانيدا ليش ما تهاجم وكان جوابه انه مايملك الا مهاجمين واحد ع الدكة والثاني اساسي والان اصبح عنده بدال الثنين 5 مهاجمين وماتغير شي يستبعد 3 ويبقي ثنين واحد على الدكة والثاني اساسي !!!!

4- مع كانيدا الاتحاد يتمرن ساعة واحدة بس وهذا هو الشي اللي ادى الى ضعف لياقة الاعبين هذا الموسم !!!!

كل هذي الاشياء تثبت بان كانيدا مدرب فاشل وكانيدا هو الوحيد الباقي من مخلفات بن داخل الحمدالله اننا ارتحنا منه انا كتبت هذي النقاط عشان الناس اللي حزنانه على رحيل كانيدا !!!



نجي لتمرين الاتحاد مع بينات من خلال حضوري للتمارين الاخيره كان الاعبين يتمرنون بجديه مع المدرب وكان فيها تنويع في التمارين وركز على النواحي اللياقيه كثير والنواحي المهاريه خصوصا المهاجمين بيننات مدرب يعشق الهجوم وبنسبة للتشكيلة الاتحاديه الاتحاد راح يلعب امام الفتح لاول مره بخطة 3-5-2 الاتحاد راح يلعب بدون اظهره راح يلعب ب3 سناتر

اتمنى من الجمهور الاتحادي الحضور في مباراة الفتح القادمة صدقوني الاتحاد قادر على هزيمة الفتح باذن الله بعد ماشهدت روح الاعبين وجديتهم في التمارين حسيت ان الاتحاد بيفوز على الفتح بأذن الله بس الاعبين محتاجين وقفتكم يوم الجمعه نفوز على الفتح وبعدها الهلال والشباب باذن الله وبنسبة اللي يتمون تعذر الاتحاد امام الفتح عشان الفتح ياخذ الدوري انا اقولكم هذا مو اتحادي ولا عمره صار اتحادي اذا مو الاتحاد اللي بياخذ الدوري مايهمنا من ياخذه



اسف على الاطاله اخوكم المايسترووووو