قــصـيــدة مـــاتــت الــوردة
لقد اعجبتني هذه الكلامات
فا احببت أن أنقلها لكم
http://goeup.com/6/6/8423b.gif
قال لي ماتت الوردة .. نسى إحساسه إلي مات
نسى حبي وحناني وقسوته.. وكيف كان يعاملني
عطاني وردة الحمرا الصبح وماتت بعدها بساعات
وحتى بموتت الوردة.. أعز الناس يعايرني
أكيد بتموت هالوردة.. تركتها بأحوج الأوقات
نسيت إن العطش يذبح؟ ذبحتها وييت تذبحني
جزاك الله يا خلّي خير.. فرش لي دربي بجمرات
وأنا أمشي وأنا ساكت وأقول الله يصبّرني
غريبة كيف انا أسامح وأنت تزيد هالغلطات
وإذا أخطيت انا بلا قصد, أشوفك ماتسامحني
غريبة كيف أسمح لك تطالعني بهالنظرات
وإذا إني ييت أضحك لك أشوفك أنت تحرجني
تعبت أمشي أنا بدربك ودربك ممتلي ثغرات
وأنته تقول لي أصبر وغصب عني تصبّرني
وكل ما قلت لك خلنا نريّح تسرع الخطوات
يا خلي قول يعني ليش بهالقسوة تعاملني
إذا حبي وسط قلبك ذبل في يوم وإلا مات
أو إنك خذت ماتبغي وبعد هذا شبعت مني
تكلّم قول لا تسكت وخلنا نجلب الصفحات
وكل واحد يروح بدرب بس لازم تصارحني
أنا مابيك تحس بذنب أو تندم على ما فات
ولكني أبيك تقول أنت أشفيك ريّحني
ابسمع كل ما فقلبك ابسمع لو بعض كلمات
وأنا متوقع إنك لو حكيت لابد تصدمني
وإذا إنته تهمك الوردة تعال أسقيها لو قطرات
وصدقني بتتفتح .. بتعجبك وبتعجبني
وإذا إنها ما تهمك لا تعيّشها بوسط ظلمات
بديت تدفنها بالتربه عسى غيرك لها يهني
http://goeup.com/6/6/8423b.gif
كل الشكر الي الشاعر طارق المحياس
تحياتي
