يا أبن مساعد : هل صنعت هلال ينافس على اسيا ؟
السلام عليكم
أول شي هاردلك لنا هذا الهلال الهزيل
( اسوأ هلال شاهدته على مدى التاريخ )
مباراة نتيجتها انتهت طبيعيه و الصراحه كنتّ متوقع بداخلي الخساره وبنتيجه كبيره
من بعدّ هدف التعادل للعين أيقنت ان العين بيقلب النتيجه وبيسجل ثاني و ثالث .
المباراة بأكملها كانت لصالح العينّ بشكل كبير مقابل هلال يلعب وكأنه فريق صغير
وأول مره يشارك بهالبطوله ..
الهلال مستواه ليس مفاجئ بالمباراة هاذي , جاء بعد سلسلة مستويات سيئه محلياً
فكيف اسيوياً وانت تلعب قدام فريق قوي ويحمل تكتيك ثابت و انتشار رائع بالملعب
نتيجة 3 - 1 كانت مع الرأفه للأسف مع الدفاع الباهت و الهجوم و الوسط السيء
سؤال يارئيس الهلال هل صنعت هلال قوي تطمح انه ينافس ويقارع فرق كبيره مثل العين ؟
امّ صنعت هلال هزيل يظهر بمستوى " يفشل " امام المسرح الاسيوي في هالموسم
الهلال اللي انا اشوفه الحين مايستحق ولا يوصل ربع نهائي قسم بالله ..
فريق بدون هيبه و أقدر اقول اختفت هيبته امام الفرق الكبيره في اسيا وصار يظهر
بمستويات تفشل .
الهلال يحتاج مُدرب يصنع كرة قدمّ رائعه يعلم اللاعبين اساسيات كرة القدم الانتشار
السريع , اللعب بتكتيك معين , عدم التسرع باللعب خلق المساحات .
بإختصار ( كما فعل كارينيو بالنصر ) , ترى العين قبل 3 مواسم كان اسوأ من الهلال حالياً ..
لكن قدر يطور فريقه بالأجانب المميزين و المُدرب الذكي و الممتاز ..
بعكس إدارتنا للاسف ماتفقه ابداً وتحسب اسيا تمشي بالبركه مثل اللي يصير محلياً
ياخي جب اجانب مميزين لو بسعر مرتفع جب مدرب له خبرته ودهائه لو سعره غالي
وتشوف النتايج ! , مب تدور اللاعب بالسعر المعقول وتبي نتايج ومستوى بالملعب
صدقوني اليوم انتهت النتيجه مع رأفه من اشقائنا العيناويين صدقوني والله كان يقدر
يسجل اكثر من 5 اهداف !! الدفاعّ اوزيا كان افضل السيئين لكن يد وحده ماتصفق
مستوى الفريق ككل كان هزيل جداً حتى الهدف الوحيد كان من عرضيه وماقدر يحافظ
عليه .
قلتها قبل و اكررها اسيا هالموسم غاسل ايدي منها بتايد لأني اعرف فريقي إذا يبي ينافس ولا لا
2010 الهلال دق السد بعز مستواه و بأرضه بـثلاثيه , لانه وقتها كان يزدهر بالاجانب اللي
يصنعون الفارق لان بيني وبينكم المحليين مامنهم فايده لحالهم !
ابيكم تشوفون هالمقطع مباراة الهلال مع بني ياس السباعيه , كل الاهداف جائت
من شغل الاجانب صناعه وتهديف , هنا اتكلم عن العنصر الاجنبي و اللي يسويه
‫الهلال × بني ياس 7 - 1 الأهداف أبطال آسيا 2012‬‎ - YouTube
إذا استمرت الاداره الهلاليه على هذا النهج الى الموسم القادم فهاذي كارثه !
على الاقل تبدا تجهّز لموسم ينسينا موسم الفضايح ( 2012 - 2013 )
هاردلك لنا هذا الفريق الهزيل وليس الخساره , والله ماحد ينرفع ضغطه اكثر من الجمهور
#شطحه : تُعجبني ردود العقلاء و الواقعيين .
