خبر: الهلال يفكر بالتعاقد مع الاعب.......... مصيبه لو اتى هذا الاعب للفريق

السلام عليكم

هزيمه اليوم متوقعه وكنت متوقعها من قبل المباراة لكن الله يعين بس
في مباراة النهائي اخذنا الكاس وهذا المطلب لكن المستوى صفر على الشمال
في مباراة اليوم
اعذار الاداره الهلاليه بان الفريق مرهق
هذا عذر مايمشي علينا
اخطاء بالتمرير دفاع شوربه
لاعبين فيهم برود خطير
حارس فاشل بكل ماتعنيه الكلمه من معنى

المدرب اليوم اخطأ بصراحه وظلم الشهراني لانه يلعبه في غير مكانه كان من الاحرى انه يلعب بالشهراني يمين والزوري يسار ونستفيد من العابد بالوسط

والقرني
تهور وتمريرات خاطئه ومستحيل يقطع كوره بدون خطأ


ننتقل لمغزى الموضوع
قريت اليوم خبر بتويتر ان لاعب النصر عمر هوساوي محطته القادمه هي الهلال
ان اتى هذا الاعب للفريق فهذي مصيبه
وحرام الي يصير
لاعب عليه اخطاء بدائيه
اخطاء بالمجمل العام
ماراح ينفع الفريق ابد
اتمنى من الاداره انها ماتتعاقد معه وتفكر بمدرب واجانب من الان لان وضع الفريق مزري من سنتين


مباراة الهلال والرائد انا اول من يحضرها ان شاء الله
واتمنى ان الاعبين يقدمون الي عليهم
لاني بصراحه اذا شفت الهلال من التلفزيون اطفش ويجيني ملل مب صاحي
فاكيف لو اخضر المباراة ويكون المستوى سيئ!
على العموم راح احضر واتمنى ان الاعبين مايخذلونا

واتمنى من المدرب اللعب بهذي الخطه والاعتماد عليها:
السديري
الزوري-المرشدي-اوزيا-الشهراني
بوليفار-الفرج
العابد-الشلهوب-سالم
ويسلي



بالتوفيق للزعيم