راع الغنم ماهو مثل راعي الذود
اغنام - ابل - دواجن - طيور
\البارحه حـل التفاكيـر مفقـود=لاوالله الا حلـهـا مستحيـلـه
من يوم كلن صار ناقد ومنقـود=وش عاد خلو للعقـول الثقيلـه
راع الغنم ماهو مثل راعي الذود=الذود وسمه شايل اسم القبيلـه
يكفيه وسمن فاوسط الخد مرجود=وسم العوارض يوم جاتك تشيله
والله ماخلي هوى الـذود ياكـود=ادفن بقبري مـع ثيابـن قليلـه
البل مقصد راعي الطيب والجود=مقصد رجالن ترتقـي للطويلـه
واكبر دليلن بين الايات موجـود=افتح كتـاب الله وتلقـى دليلـه
اختصهن ربن من الناس معبـود=وانعم عليهن بالوصوف الجميله
الورع يعشقهن ويعشقهن العـود=عشق الخليل اللي يحشم خليلـه
تنقاد فيديـن الرياجيـل وتقـود=اقلوبهـم قـود الحليـل لحليـه
والله لو ماني من الوقت محـدود=لاحطهن ميتين عفـرى جزيلـه
واعيالهن مابين حقـه ومفـرود=واحوار تحت امه يدور عميلـه
وابوهن اللي بالتواصيف مفـرود=سوامه اللي مالقى فيـه حيلـه
واتبع سحابن جابله برق ورعود=من فوق جيبن تو جابـه وكيلـه
اليا مشى كنه من القوم مطـرود=واليا وقف كنه يحامـي دخيلـه
فكسار ماهو جيب نيسان وفرود=فالفين والسبعه مصـدر مديلـه
وخمسه من العمال سودان وهنود=بالمال مالها عندنا مـن جميلـه
في ديرتن نسناسها ريحة العـود=ريحـة نفلهـا مالقينـا مثيلـه
لاشبك يردعهن ولاحبـل وقيـود=فارضن عن ادراج القدم مستقيله
هذا هوى اللي له القلب مجهـود=عفرن تسر الخاطـر وتستميلـه
من حب شيبابي لها صارت تزود=في نظرتي عشقن ولاابغى بديله
vhu hgykl lhi, leg vhud hg`,]
