مناقشه حول إنقطاع الكهرب أثناء عمل الفقـّاسه - شاركنا برأيك
اغنام - ابل - دواجن - طيور
السلام عليكم ورحمة الله وبركاته
أتمنى انكم بأتم الصحه والعافيه
حبيت اكتب هالموضوع التفاعلي وان شاء الله نستفيد كلنا من خبرات بعض وآراء بعض ..
الموضوع هو إنقطاع الكهرب أثناء عمل الفقاسه .. فالبعض مننا يشتري طبق بيض دجاج زينه سعره غالي وبعد وضعه في الفقاسه ينقطع الكهرب !! ماهو الإجراء المناسب في هذه الحاله لمن قد مرت عليه ونجح في تفاديها ! .
أنا قبل أكتب الموضوع كنت موقف مماثل للمثال الي ذكرته ، وهو اني كنت حاط البيض بالفقاسه وبآخر يوم في التفقيس وبعد ماطلع نص الصيصان وبقى النص الثاني أنقطع الكهرب ( 3 ساعات ونصف ) تقريباً أو تزيد شوي ، في هالموقف ماكنت ادري وش اسوي بما أني مبتدئ في هالشغله ( ثاني تجربه تفقيس بالفقاسه ) .
لكن قلت خل أترك البيض بالفقاسه وأطلع الفروخ الي ناشف ريشها والي باقي أخليه لين ما الله يفرجها ويشتغل الكهرب ، والبيض الي مافقس تركته على نية أنه خرب .
لكن طلعت من البيت ولا رجعت الا الساعه 10 تقريباً في الليل ، وطبعاً الكهرب منقطع الظهر وشبك العصر ، وبإرادة الله سبحانه وتعالى ، طلعت الصيصان من البيض الي مافقس وهي سليمه تماماً .
وبعد هالتجربه صرت أفكر وش الحل المناسب في هالموقف .. حصلت أن فيه عدت حلول وهو وجود ( ماطور كهرب ) ويتم تشغيله بعد انقطاع الكهرب ووصل الفقاسه له بأسرع وقت ، طبعاً ممكن السالفه يشوفها كبيره البعض ، لكن فيه ناس تسوي مشاريع صغيره في استراحاتهم وهالخطه تخيلهم يتفادون اي مشاكل في الكهرب .
والآن دوركم كل واحد يشاركنا برآيه وحل للمشكله ذي .. وهل هو صحيح أنه فيه جهاز ( حافـظ للطاقه ) !! واذا فيه وين احصله وكم سعره .
lkhrai p,g Ykr'hu hg;ivf Hekhx ulg hgtrJ~hsi - ahv;kh fvHd;
