رد على الشاعر الذي سرق قصيدة ماكنتوش
مع احترامي وتقديري لقبيلة مطير العريقه التي يربطنا معها علاقات اجتماعيه فمنهم الزميل والخوي
والصديق وانا والله لااقصد في طرح هذا الموضوع الاساءه إليهم ولاكن لايضاح الحقيقه ورد الحقوق
الفكريه إلا اهلها
لقد قام احد شعراء قبيلة مطير المبتدئين بسرقة قصيدة الشاعر الكبير / علي بن ربح بن مصلح
السبيعي التي كانت موجهه للشاعر الكبير/مفرح بن عبد الله بن بداح السبيعي وقام بتوجيهها
للشاعرالمعروف/سعد بن سلطان بن قينان الرخيمي المطيري وعندما رد عليها الشاعر سعد تم ابلاغه
من عدت شعراء وعدت اشخاص أن القصيده للشاعر علي السبيعي وانها قصيده قديمه قد مضى عليها
مايقارب اربعة عشرعام ومشهوره ومعروفه لدى رواة الشعر ومتابعين الساحه الشعريه وانها قد
القيت في عدت مناسبات وقد تم توثيقها في عدت مكاتب شعراء وتم نشرها عبر الاذاعه السعوديه وعدد
من المجلات الخليجيه وبعدان اتضحة له الحقيقه حاول التغطيه على السارق لانه يقال انه قريب له
وكان تصرفه للتغطيه خاطئي حيث انه قال في احدى أمسياته الشعريه المسجله أنها لشخص مجهول
لايعرفه وليس عنده علم عنه وانه وجدها في زرف عند محطة وقود مكتوب عليها اسمه وموجهه له
ورد عليها على حسب كلامه وفي هذا ماخذ على الشاعر سعد المطيري في عدم تصرفه التصرف
الصحيح ونسب القصيده لقائلها الحقيقي بدلاً من نسبها إلامجهول
وقد قام الشاعر علي السبيعي بعد استماعه لشريط الذي جابه له احد زملاه في العمل على حسب علمي
بالاتصال بشاعر سعد لتصحيح المعلومه وايضاح الحقيقه له عن طريق هاتفه الجوال ولم يرد عليه
لاسباب غير معروفه وقام الشاعر علي السبيعي بالرد على موضوع القصيده المسروقه بقصيدة وإليكم
القصائد وردها
أولاً قصيدة الشاعر /علي بن ربح السبيعي
[poem=font="Simplified Arabic,5,blue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
الا ياهجوسي حضـري فكـر ماكنتـوش=من الذاكره والا من اللي يكـن الجـاش
توارد بفكـري ورد عـدٍ ورده طـروش=مادام القريحه صافيه والهجوس عطـاش
انضم بيوت الشعروافخر بهـا واشـوش=ثمنها بها واتعب عليهـا مهيـب بـلاش
اليامنها جاشت بوسط الضمايـر جـوش=تلعلع بسماعات صوت اجهـزة هيتـاش
على الذبذبه ماهيب تحتاج نصب دشوش=صحا فكرها لامن فكـر الفطيـن أنـداش
ويامدعيـن المعرفـه معرفتكـم كـوش=مادام أن راس الشوك تحت ابرة المنقاش
الاياقلـم سطـر لنـا خطـك المنقـوش=مثل نقش حنا في كفوفٍ تقـول قمـاش
على الطرس الابيض وانقد العرف قروش=ولايستريح البال حتـى مليـت الـداش
يقع لاتركت القافيـه عضمهـا معـروش=مثل راس ضبياً يابسٍ مـاوراه عـراش
نديبي على إللي من صناعة جماعة بوش=جديـدٍ مديلـه والمكينـه لهـا نشنـاش
حديده من أصله مابعد لمسـه الشكـوش=ولاطقـه السكـراب ومهندسيـن وراش
على دقتك لسلف دوبك تنوشـه نـوش=واليالفة البنيون أسـرع مـن الرمـاش
تنضم مسير الكهربـاء دورة الشاكـوش=وتولاه شغموماً صبورٍ علـى المطـراش
لاجهز كلاشنكوف وبه الفشق مخفـوش=مكامين نار وذوب من شافهـا ماهـاش
شراشير روس مشوكاتٍ تقـول رمـوش=اليا لف زايدهـن ورا عاقـب الرشـاش
وسدد على إللي شرفن كنها الطرفـوش=وفهق خلف مجموع اجهزة حامي النتاش
لمن عانده لو ماهرٍ في سلـوب الهـوش=اذا له حيـاه مدخـلاً غرفـة الأنعـاش
وهو جهزه من شان لو عارضه مبلـوش=لافرز الوغاء يفتك من شر ولد الـلاش
مادام ان كلاشنكوف بالمرتبه مطشـوش=ترا ماتخاف المعتدي وانت معك كـلاش
تحرك على إللي مابعد ساقها المربـوش=وليا قبل على بيت بن بـداح دق فـلاش
على البائكه والا يوقف بجنـب الحـوش=ورحبك إللـي لا لفـاه المسيـر شـاش
وفتـح بـاب ديوانيـةٍ زلهـا مفـروش=ومن عادة الطيب ذبـح طيـب الأكبـاش
وليا من جلست وقابلك وجهه البشـوش=فقله كلامـاً واضحـاً ماعليـه قشـاش
رحا الحب من جور الزمن حبها مجروش=صبورٍ على الدنيا ومن لاصبر ماعـاش
انا يامفرح شفت ناسـاً عملهـم طـوش=صحاحاً ضواهرهم لاكن القلوب غشـاش
مقاريد ناسـاً يافتـى فكرهـم مخـروش=عواصيف ورعوداً مطرها مغير رشـاش
وانا مشتكي من ضيم باطش ولا مبطوش=شكيت الزمان اللي ضروفه بها عركـاش
ومادام باقي وسط مخ العظـام مشـوش=مح الدلو حتى يصبحن العـدود مشـاش
[/poem]
ورد عليه الشاعر مفرح بن عبدالله السبيعي
[poem=font="Simplified Arabic,5,blue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
ألا ياهجوسي سطري فالصخـور همـوش=ونقشاً على صم الصفايـح وأنـا النقـاش
أصور بشاعة ليزر أف أم خمـس فلـوش=وأجهز على رصد الحدث كيمـره وفـلاش
جداد القوافي يوم وردن جيـاع عطـوش=على العيلم إللي من وردها شرب وأعتاش
وقامت تداحم في فـوادي تقـول جيـوش=تفارز بصـدري كنـه يحوشهـا حـواش
وشبيت ناراً من لضاها القـدور تطـوش=بعرن الغضاء والسمـر ماشبهـا بقشـاش
قريت الكتاب إللي بحبر القلـم مرشـوش=عبارات طيب ونوع تكليـف وأستريـاش
كتابـاً لفابـه صنـع لباسـة الطربـوش=تضمن بيـوتٍ ينعشـن القلـوب نعـاش
كتبهـن علـي وأختـار قافيـة أش ووش=وقصـده يداعبنـا بتنكيـت وأستنـبـاش
تكلف وسواها علـى المنهـج المغشـوش=على غير قصد وقلبه أبيض سواة الشـاش
يحسبن حملـه مايشيلـه ثـلاث ونـوش=وأنا شلته براس أصبعي ماشعرت بهـاش
ولاني بقـول انـه موصـى ولاملكـوش=مادام ان فكره يجعـل القاسيـات هشـاش
ياراكب اللـي مابعـد ساقهـا المهـروش=ولاشغلـوه أكالـة الـحـب والفشـفـاش
على أحدث طراز وفل ومواصفاته خـوش=من المانيـا مهـوب توريـد متسوبـاش
شبح خمسه وتسعين لون ابيضٍ مرعوش=وكشن الغمـاره كنـك منغمشـه نغمـاش
ضعيف الهقاوي عاجزاً لايحوشـه حـوش=بستميـة الـف ولازم تكـون نقـداًكـاش
يـودي رسالتنـا عليـه ابلـجٍ مدغـوش=يتله بنصـف الليـل والا مـع المغبـاش
وينصاء علي شاعر عباء الطيب المهيوش=يرحـب بضيفانـه ويذبـح لهـم مانـاش
كريـمًٍ فهيـمٍ ماتسمـع كـلام خــدوش=ولاينحني راسـه مـع الخبـل والبكـاش
من اللي تشوفه ياعلي ربح شفت نطـوش=زمـانٍ يخلـي راعـي المعرفـه ينـداش
زمانٍ صفى لأهل الحسد عايش ومعيـوش=هل الكذب والنمـه لبوهـم لبـو قطـاش
كبـار العلابـي والجلامـد وزود كـروش=أسود السعه لاكن وقـت اللـزوم خيـاش
أراذل ومجلسهم ظلائـم وهـرج دفـوش=سواليفهم تشبـه لتمثيـل طاشـاً طـاش
مخازن حكى وعلومهـم سرهـا مفتـوش=وأحدهم على ماقيـل خبـلٍ يكـت فـراش
يفرون من بذل المكـارم تقـول وحـوش=وفيهم جهل ومعشعـشٍ فوقهـم عشعـاش
لوتنصح بعضهم قام يلويلـك النخشـوش=عيونه عمي وأذنيه فيه صنـج وطـراش
عساء الله يحمانا من المنهـج المخـدوش=خدوش المذاهب يبلشـون العبـاد ابـلاش
وترى من يخالف عن طريق السنه مكفوش=ينـال الجـزاء وتحـط رجليـه فالكمـاش
ولايكسب الا الكـرش ويقـال يامكـروش=تسنع قبـل تربـط بصـدام عنـت نـاش
وعذراً على ماصـار بكتابنـا المرقـوش=رقشته بسرعه وأقرشن الهجوس اقـراش [/poem]
وعندما سرق الشاعر المجهول قصيدة الشاعر علي المسماه بما كنتوش ارسلها للشاعر/سعد المطيري
ورد عليها بقصيده لم احفض منها سواء بيت واحد اعجبني وحفظته
[poem=font="Simplified Arabic,5,blue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
هجوسي مجهزها على لمسة الناتوش=ليا فك امان القنبلـه عـاد ماينـاش [/poem]
ورد الشاعر علي بن ربح السبيعي على سارق القصيده
[poem=font="Simplified Arabic,5,royalblue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
اهجوسي ليا صادف عقول العـوارف دوش=كسر عرش كسرا والحقه كرسي النجـاش
يخلي زعيم الروم ملكـه بـدون عـروش=ويبكي على عرشه ملـك دولـة الاحبـاش
وله موقفه لاحك صلـب الحديـد بـروش=وصار الحديد الصلب عقب الصمود جراش
درس تجربة وقته واخذ من وفـاه خمـوش=وجاب العلـوم إللـي يوصيبهـا الطـراش
ولا يستظـل بشجـرةٍ جذعهـا مهشـوش=ولياء هازه الباطش بطش بطش بالبطـاش
انـا مايهيبنـي رصاصـاً مغيـر قفـوش=ولاني بحب إللـي لوجـه الوفـاء خمـاش
لياء شب صلو النار وقع بهـا الطرفـوش=ومن جاء بلاعـزام يقلـط بـدون فـراش
اقوله بعد ماجـاء لبعـض الكـلام نيـوش=وقام لمديـر المدرسـه يسـرق الفـراش
انا مانويت اكتب على المنهـج المنعـوش=لاكن السبب يالربع مـن لطشـة اللطـاش
بعد ماسمعت إللي سـرق فكـر ماكنتـوش=نويت اتكلم لو يجـي فـي الكـلام هـواش
بوضح كلام الحـق لـو ماعليـه غبـوش=ولويزعلون مطيـر مـن طاشهـم للطـاش
زحول الرجال إللي بكسب الفعـول دهـوش=مواقف رجال الجـود يفخربهـا الشـواش
رموز الوفاء والعرف عنها الخطاء مطشوش=ولانبلـش الاجـواد فـي مشكلـة بـلاش
ولاودي ازعلهم لاكـن ابيـض القرقـوش=هو إللي تغفلني وأخـذ سلعتـي وانحـاش
بعد ماخـذ الفكسـار ركـب لهـا دنـدوش=يحسـب انهـا ددسـن لرعايـة الادبـاش
خدش شاشة الابداع خدشٍ يكـت فـروش=غشيمٍ طمع في نهج منضومـة اوشٍ واش
تجرا ولخبطهـا وراسـل بهـا الشيـوش=يكسر معانيهـا يوشـوش بهـا وشـواش
سكتنا وجاملنا علـى فعـل ابـو عمـوش=وزود امبير الفلت ليـن احـرق الافيـاش
مبـادي رفيـع الـذوق لسايعيـن لطـوش=على ذمة الباطل طلـع شعرهـم مـن لاش
ليا شفت للشاعر بسرق القصيـد طشـوش=اضع تحت شعره خط واسحب عليه سلاش
[/poem]
